|
خادمه للتنازل بسعر معقول
اخواني اخواتي معليش انا آسفه لأني استخدمت هذا العنوان
بس والله انا من جد في حيره من أمري وادري انكم ماراح تشوفون موضوعي الا بهالطريقه بخش في الموضووووع لوعرض عليكم خادمه بمبلغ معقول للتنازل ولكن ليس لديه جواز سفر بحجة ضياعه هل توافقون عليها؟ وهل تتوقعون ان الموضوع مافيه اي خطوره او مشاكل علي؟ خصوصآ ان صاحبها يقول ماراح تواجهين اي مشاكل بس تخلص سنتين شغل عندك تودينها لمكتب شؤون الخادمات وراح يسفرونها لك بدون اية مشاكل؟ انتظر ارآئكم وافادتكم لي بأسرع وقت عشان ارد عليه وجزاكم الله كل خير |
اسألي اهل الاختصاص ولا تورطي نفسك
|
اب تكفووووووووون
|
إذا هو كفيلها لاااااااازم تكتب عليه عند نقل الكفالة إنها تبعه وتم نقل كفالتها من غير جواز سفر وأي إستفسار عند الجوازات يرجعون له
ويحذر الواحد من أي تخلف يدفع ثمنه |
جزيتم خيرآ تراتيل امرأه
وشكرآ لله وعسى الله يكتب فيها الخير |
اذا جوازها مفقود يتم استخراج بديل للجواز عن طريق سفارتها وهو اللي يستخرجه
واذا قالك بعد سنتين وديها لشؤن الخادمات فهاذي هاربه من كفيلها وانتبهي |
لاتكون شغالتى الى هربت قبل شهرين قعدت عندى 6 ساعات كثر خيرها ومسكت الباب الله لا يوفق من اواها او ساعدها او شغلها عنده
|
هو يقول كفيلها باعها علينا بدون جواز وسافر
وهو يبي يبيعها بنفس الطريقه!!!؟؟؟ |
أأأختى أنتبهى منها حيث لا أمان لها وكيف تأمنين على بيتك واولادكـ
|
يااختي فوجي انا مستحيل اخذ وحده هاربه
وانا ماكتبت هالموضوع الا عشان هالسالفه وابي احد يفيدني هو يقنعني بأنها بس ضايع جوازها وانا مدري مشتكه وخايفه فأرجوك ماتدعين علي |
والله انا مدري عنه هو كفيلها او لا
لكن اللي قاله لي ان كفيلها باعها عليهم بدون جواز واوراق ثبوتيه ثم سافر ويقول حنا الآن بحاجه عشان كذا بنبيعها ويقول ماعليك لاغرامه ولااي عقوبه مدري والله حيرني هالانسان |
انصحك اختي لاتاخذيها ولكن ابعطيك خبرتي في البحث عن شغاله وجدت في المنتديات شغالات ولكن باسعار خياليه دخلت امس على جريده الرياض وبحثت فيها ووجدت شغاله صاحبها باعهاب15 الف يعني سعر جدا رائع قلت لصاحب الشغاله غريبه انك بعتها بهذا السعر قال مالي في هالشغله ابدا واذا رجع لي حقي من التقديم هذا هو المهم عندي وتخيلي ان مالها في السعوديه غير 4 شهووور بس عنده اطفال وهي ماتحب الاطفال وهذ سبب بيعها ابحثي في الجرايد افضل بكثير من المنتديااااااات كثرت الرمسه اعذريني بالتوووفيق |
| الساعة الآن 11:38 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir