مشكلتي مع خادمة لاتملك جواز ولا اقامة !!!
 

السلام عليكم ورحمة الله وبركاته

انا ابي منكم المشوورة

انا شبه متفق مع شخص قريب لي على خادمة اندونيسية بقيمة 19000 ريال
والخادمة عندي فترة تجربة وبصراحة شغلها مافيه كلام ولاراح أحصل مثلها لو أفر اندونيسيا كلها من حيث النظافة والطبخ لكن .......
المشكلة ان الرجال يقول لاتشيل هم من جوازها واقامتها لما قلت له ابي انقل كفالتها قعد يراوغ وقال بعطيك صورة من اقامتها وبامكانك تعالجها في اي مستوصف او مستشفى

وقال جوازها واقامتها عند صاحب المكتب طبعا صاحب المكتب رفض يعطيني جوازها واقامتها وقال بعطيك ورقة من المكتب تتم بيني وبينك واحس انه يتهرب من نقل الكفالة

بعدين لما سألت الخادمة المسكينه قالت انا لما خلصت سنتين قبل رمضان وداني كفيلي لهذا المكتب وفي الطريق قالي رحلتك بكرة الساعه 7 مساء ولما نزلني في المكتب وراح قال لي صاحب المكتب راح تشتغلين سنتين ثانية واقنعها ووافقت


اللي فهمته ان صاحب المكتب سوى لها خروج نهائي ولا سفرها أو كذب على كفيلها وقال له انها هربت
انا أعتقد ان صاحب هالمكتب يشتغل على النصب والاحتيال على خلق الله وفي الاخير مايسفرهن ويشغلهن بطريقة غير نظامية

الشغالة الان عندي وماعندها مانع تجلس سنتين عندي شرايكم انا مالاحظت عليها الا كل خير

وأقرب دليل قالت رقم جوال كفيلي عندي تبي تكلمه كلمه بس يوم فكرت قلت خاف تصير مشكلة بين صاحب المكتب وبين كفيلها وبالاخير راح أخسر هالشغالة الممتازة

وهي تقول لي اذا خلصت سنتين عندك لاتردني للمكتب بس اشرط عليه انه يعطيك جوازي عشان اسافر لاندونيسيا



ملاحظة :

الموضوع لاحد الاصحاب وانا مجرد ناقل للخبر كي يستشيركم

اخي من الواضح ان الموضوع فيه تلاعب ونصب واضح خصوصاً من صاحب المكتب

لا أعتقد انه يوجد انسان لا يريد العودة الى بلده خصوصاً ان عقدها سنتين والان لها اربع سنوات

من الافضل مواجهة صاحب المكتب اما اعطائكم الجواز والاقامة والا الشكوى والخادمة موجوده

والنظام بيتل صاحب المكتب وكفيلها الاول اذا كان متواطي معه لانه فعلا شي محزن ان تبقى العملية بيع وشراء في الاوادم بدون ما يدرون

الله يعطيك العافية يالمستشار

بس الخادمة الان غلقت سنتين وتبي تجدد سنتين أخرى مع صاحبي

وصاحبي يقول الخادمة من نفسها راضية وتبي تقعد هذا اللي محيره ولا ترى صاحب المكتب وااااضح انه حرامي كبير ومايخااااف الله وشغال على هالحركات

ابو فهد الله يخليك اقرأ موضوعي

عاجل

لعل وعسى القى عندك ادنى خبر عن الموضوع لأني محتاجه الافاده

وجزاك الله كل خير

هذي واضح انها هاربة من كفيلها والمكتب متفق معها على هالكلام وممكن مواعدها يعطيها فلوس من النقل

فلا تسلم له قيمة النقل حتى تتفق معه على ان يعطيك صورة الجواز والإقامة وتروحون سوا للجوازات

ويتم النقل وانتم واقفين

انتبه تدفع لهم شيء قبل يسلموك الجواز والاقامة والا اجرها منه بالشهر وخليها عندك