محتاجة شغالة تعلم شغالتي رعاية الأطفال و الطبخ
 

السلام عليكم عندي شغالة جديدة ماتعرف شي ابدا واتتكلم عربي ولا انجليزي وانا عندي دوام وتوها واصله محتاجه شغالة متعلمة تاجير تعلمها شهر وتفهمها كيف تهتم باطفالي هم 2 بس اذا فيه حل ثاني بلغوني وسلامتكم

اختي مانصحك

يا اما خادمتك بتتعود ان وجود خادمه ثانيه ممتع بالنسبه لها وراح تفتقدها اذا راحت لانها كانت مونستها (وهذا حصل معي)

او تتعلم منها اشياء سيئه وتخربها عليك

الأفضل تتحملين وتشتغلين شوي شوي وهي تشوف وتقلدك

وبالنسبه للاطفال اذا صغار وماتقدرين تتطمنين عليهم او تتواصلين معهم بنفسك فالافضل ماتتركينهم عندها

يا اما يجي احد عندهم ويراقبها كيف تتصرف معهم او تودينها هي والاطفال لاحد اهلك

أطفالك وديهم حضانة

حلو طلبك يعني تبغين خادمه معلمه:)
يااختي انت دربيها على شوي شوي ويبي لها صبر بالبدايه
ماانصحك خادمه تعلمها لان مايخرب الخادمه الا خادمه

تبغين الشغالة تخرب شغالتك عليك والا تعلمها الهروب فيه حريم تدرب الشغالة تأخذ عليها فلو س أنا مرة لقيت دعاياتها في المنتديات النسائية دوري عليها أحسن لك
وبالتوفيق

اهم شي دربيها على رعاية اطفالك جارتي كانت مثلك وقدمت رعاية عيالها على الغداء والبيت

شكرا لردودكم بس انا توها جايتني اثيوبيه والله ماتعرف شي انا ما ادري ببيوتهم ما كانو يكنسون ولا يغسلون المهم انها ما تعرف كوعها من بوعها وعلي فكره مايهمني لا الغسيل ولا الكنس والطبخ الاندونيسيات ماخليتهم يطبخون فخلي هذي تطبخ اذا جيت استعنت بالله شوي الا هو خالص انا ماهمني الا اولادي واحد 4 والثاني 2 سنوات وحركين الله يصلحهم وانا اخاف عليه ولا عندي احد قريب احطهم عندي علشان كذا اسال اليومين اللي فاتت ارسهرهم وارجع واستاذن قبل يصحون بس جا الدوام الرسمي وما اقدر استاذن كل يوم ليتني اقدر اخذ اجازه بس خلوها علي الله

الله ياخذ الفلوس اللي تحدنا نرمي اطفالنا
وانا ما اقصدك اختي اقصد نفسي كمان
ولو اني الى الان مقاومة ما حطهم معها لحالهم.


لكن نصيحة من قلبي اتعبي معها وعلميها بنفسك وراح تكون تمام

وكل ما قل اختلاطها بالخادمات كل ما صارت افضل لك.

يابنت الحلال خادمة ماتعرف تكنس او تنظف كيف تثقين تحطين عيالك صغار عندها ؟؟؟؟

شوفي الحضانات اللي انتشرت هالأيام في كثير من الأحياء ومعظم الحاضنات بنات سعوديات جامعيات خريجات رياض اطفال وفيها

يلعبونهم ويعلمونهم الحروف والأناشيد وبيلعبون مع اطفال من سنهم دوري لك على حضانة قريبة من بيتك وماتبعد عن شغلك

وسجليهم بالشهر تتطمنين عليهم الى ان تتعلم خدامتك الشغل وتشوفينها بدأت تعرف لعيالك في ذاك الوقت تقدرين تخلينهم عندها

ويمكن ترتاحين لوجودهم بالحضانة وتستمرين فيها .

يعني تحملي توصيلهم وارجاعهم شهرين او ثلاثة للحضانة احسن لهم من ان تتركينهم بيد خدامات سواء خدامتك او خدامة مستأجرة .

هذي نصيحتي لك بتتعبين بتوصيلهم وارجاعهم لكن بترتاحين اكثر وتتطمنين عليهم وانتي بشغلك .

الله يعينك ياليت فيه حضانات في كل مدرسه

الله ييسر امرك