اندونيسية للايجار شهر شعبان فقط
السلام عليكم
يوجد اندونيسية للايجار في شهر شعبان فقط المواصفات: عمرها40 نشيطة مقبولة الشكل نظيفة تعرف تطبخ انا معلمتها على طبخاتي وضبطتها ماشاءالله حنونه على الاطفال وتجيد التعامل معهم سبق وان اشتغلت مرافقة لامرأه كبيرة في السن السعر:4000 غير قابل للتفاوض علما انها موافقة على موضوع التاجير ولها زيادة في راتبها يعني لااحد يجي يتفلسف. الدفع مقدما كاش مطلوب صورة من بطاقة العائلة اللي جاد وموافق على اللي مكتوب فوق يرسل لي رقمه اللي مو عاجبه الموضوع رجاء لايرد. |
اقتباس:
مهوب عاجبني الموضوع وابرد ..اقول الله يهديك بس غصب عليك قولي اميين ال 4000 ينحط عليها مثلها وتستقدم لك فيها شغاله ولا تنازل لايهمك الفترة الحاليه ..كلها ايام وينتهي كل شي يعني فقاعة صابون ... |
انا اساسا ماودي أأجرها بعدين تخرب علي
بس الظروف ، اللي يبيها وعنده القدرة على الدفع يراسلني |
اللي تبي تستأجر تراسلني ارسلها لستة ارقام حبشيات واندنوسيات
الشهر على 1700 للحبشيات والأندنوسيات 8 ساعات 150 والساعة بـ 15 او 20 حسب المشوار مشو فيها حالكم لحد ماتفرج هالغمة ولا يجي احد يتفلسف على روسنا ويفرض رقمه علينا والله لا احارب كل مغالي مبتغية بس الأجر من ربي ارقام جبتها من الغالية ام يارا وارقام جبتها من معارف وغيرهم وخلوهم يسفو الرمل قال ايش لولا الظروف خلاص الظروف اجبرتك اجريها بالمعقول وعلى ناس تعرفينها لكن جايه وتتشرطين بعد كرت العايلة وش رايك بعد تسوين زيارة للبيت وتتفقدين العايلة وتبحثين في سيرتهم العائلية الحين البلد يرفض مثل هالشروط وذي جاية تبي تلتف وتمشيها على الناس وتستغل حاجتهم الله حسيبكم خلو شغالتها لها.. انا جبت حبشية وماشية معاي زي العسل والله يرزق كل محتااج |
انا سبق وقلت اللي مو عاجبه الموضوع لايرد
بس احاكي جدران فيه ناس تبغى شغاله بهالمواصفات ومستعده تدفع لها الى بكره انتي وش حارق رزك ؟ ولو ماسمعت عن اسعار كذا كان ماعرضت حقتي بهالمبلغ عموما الشغاله موجوده ان جابت هالمبلغ ولا بخليها عندي:rolleyes: |
وش هذا السعر لو احبي على رجولي مااستاجرت بذا السعر والله طمع واستغلال اعوذ بالله
|
اربع الاف بالشهر هذا راتب خمس شهور
الله يغنيننا عنهم بالعافيه ولا يحدنا لضعاف النفوس وش هالاستغلال وين مراقبة الله |
عاد ايش تسوين احنا جدران لانا نرفض مثل هالمبلغ في التاجير
ونحارب الغلا وبعد تنافخين علينا رغم ان الحق معانا الدول اللي برا يطلعون ويتظاهرون قدام المحلات اللي ترفع اسعارها لحد ماترجع لسعرها الأصلي واحنا احنا زي الغنم والله شفنا فلان رفع سعره رفعنا وراه وقلنا هذا السوق وهذا سعره ولو جا هالشخص اللي مغلي السعر عالناس وجرب الغلا على نفسه تلاقونه اول من يتذمر وتبون ربنا يرضى تبون الله من بعد ماكنا في نعيم نزلت علينا البطالة والامراض حتى الخفس صارو يتحكمون في البلد ويتحكمون فيك وفي اشكالك ماصرت تقدرين تستغنين عنهم ربي جعلك ماتستغنين عنهم والسبب ارجعو لنفسكم ان الله يقيم دولة العدل وإن كانت كافرة. ولا يقيم دولة الظلم وإن كانت مسلمة مسلمين مسلمين وبعدين فادنا اسلامكم بش ولا بس اسلام بالأسم الله كبير وعادل وبتشوفون افعالكم هذي يوماً |
منتي صاحيه وش هالطمع والجشع قال ايش اربعه الاف
المحتاج يرضى بالقليل لكن انت ضربتي الرقم القياسي في الطمع |
اتقي الله
انا بكالريوس وراتبي نص الراتب اللي طالبته ...<< اجل برمضان بكم مأجرتها يمكن 10000 مو بعيده!! حسبي الله على من يستغل حاجه الناس وجعل الله يحوجه وتذكري الدنيا دواره |
اقول انتي وياها ياللي جالسين تدعون علي
الدعاء على قد المظالم انا مااعتديت على حقك ولا سرقت فلوسك!! انا حرًًّه اعرض عرضي بالسعر اللي ابغى عاجبك خوذيها مو عاجبك دوري لك على حبشية ب١٨٠٠ وان شاء الله دعواتكم مردوده عليكم لاني ماضريت احد بعينه ، |
اتمنى من الادارة تقفل الموضوع لاني هونت بخلي الشغالة فاضية وتقابلني احسن من اعطيها هالاشكال
|
الساعة الآن 08:22 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir