|
ضروري وضح حد من الجوزازات بمطار الملك خالد
السلام عليكم
بصراحه ماني عارف من وين ابداء الى متى وجوازات مطار الملك خالد كذا لي متى كل ما استقدمت سواق ووصل لرياض كلم احد وجاء خذاه واختفى بالرياض ليش مايمنعون ما يستلم السائق الا كفيله زيه زي الخادمه لي متى واحنا كذا؟؟ لي متى والعماله تجي بديرتنا ونشوف البلاوي كلها منهم المفررروض الجواز ما يسلم الا للكفيل سواء سائق او عامل او خادمه ماهي حكر على الخادمه جميع العماله المتقدمه المفروض كذا نستنى 8 شهور ويوم جاء بكل بساطه يجي عاااااااامل نفسه ويسلم له!!!!! قسم قمه بالفوضى بعذر لو امتلت بلدنا بالعماله الوااافده من هافانا الي تصير،، اتمنى زي ماقال الاخ بجوازات مطار الملك خالد ان مساعيهم ان اي وافد يسلم للكفيل تجيب نتيجه ولا نتعب وبالنهايه وبكل بساطه يجي وافد زيه زيه وياخذه،، حسيبهم الله وانا لله وانا اليه راجعون |
مع الأسف الشديد هذا هو المعمول به في المطار واشوفهم قدامي يجي اي شخص وخاصة من هم من نفس الجنسية ويتكلم مع الوافد الجديد ويأخذه هذا غير اللي يكدون على سياراتهم الخاصة يأخذونهم بعد ولاادري وين يودونهم واذكر يوم من الأيام كنت مداوم وجا شايب يقول ان سواقي وصل ويسأل عن الرحله هل وصلت وكانت الرحلة على البوابه واصله قلت انتظر ياعم بعد شوي راح يطلع لك سواقك مع بوابة القدوم بعد ماينتهي من الجوازات والجمارك قال لي ياولدي مااعرفه اول مرة يجي والله رحمت هالشايب والا مالي شغل بالجوازات المهم اخذت الشايب ودخلته داخل الصالة وكلمت الضابط المناوب بالجوازات له وماقصر حقيقة الضابط ولقينا له سواقه واخذه معه وقام يدعي لنا وهذا ماكنت اريده دعوة هالشايب المسكين المهم سألت الضابط قلت الوافدين الجدد يطلعون ويأخذونهم ناس من نفس جنسيتهم وكذالك الكداده ليش مافيه لهم نظام مثل الشغالات مايأخذه الا كفيله وكان رده انهم لم يعمدوا بذالك من قبل مدرية الجوازات وقال لي هذا والله حرام لأنه سبب رئيسي بتسيب العماله وخسارة المواطن الكفيل حيث انه يحضر للمطار ولايجد عامله او سواقه وتذهب امواله وتعبه ادراج الرياح وغير هذا راح يتعب المواطن المسكين ويتمرمط بالجوازات تبيلغ عن هروب العامل الخ |
| الساعة الآن 01:26 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir