|
دعوة لتضامن ضد غلاء تاجير الخادمات
السلام عليكم والرحمة
يااخواتي واخواني المحتاجين لتاجير الخادمات لازم نكون يد وحدة ونرفض هالاسعار اللى معروضه (2500-3000-3500-4000)حرام والله يومياتهن اكثر من يوميتنا بالعمل اتقوالله يجعل لكم مخرجى انا راح اعمل اضراب عن التاجير وماراح اجر من احد الى ان ياتي فرج الله(وفرج الله قريب) صدقوني لو كلنا صرنا يد وحدة راح تتعدل الاسعار وتكون معقولة ابي ردود وان كانت ضدي |
انا معاك لان بجد مافيني اقدم على خدامه مديمه لان بيتي شقه ولا لها مكان وبنفس الوقت احتاج لي خدامه بس الاسعار مرة نار لو ترحمون يرحمكم من في السماء عني مفروض اذا كثرت تاخذون 1500 بالشهر انتم تحطونها 3000 اضعاف رواتبهم بثلاث او اربع مرات
ياليت فية شركه للخدم نستاجر منهااو جهه حكوميه وبلاش هالاسعار الطايرة بالسماء لكم تحياتي حتى لو ما اعجبكم كلامي |
ايه والله صدقتي يااختي بس مثل مايقوولوون
اللي يده في الماي مومثل اللي يده بالنااار ويااللي تأجروون الشغااالات باهلسعر ترى الدنيا زواااله ودواااره وخااافوااا ربكم بالناس الفقارى اللي راتبهم مايكفيهم لااخر الشهر لكن تمر ظروف يحتاااجون للشغااالة والله انهم يجمعوون لها ويتسلفوون من هنا وهناااك ويضغطون على نفسهم عشان يستأجروون لهم شغااالة حراااااااااااام اللي قاعد يصييييير |
ايه والله صدقتي يااختي بس مثل مايقوولوون
اللي يده في الماي مومثل اللي يده بالنااار ويااللي تأجروون الشغااالات باهلسعر ترى الدنيا زواااله ودواااره وخااافوااا ربكم بالناس الفقارى اللي راتبهم مايكفيهم لااخر الشهر المشكله ان راتب الشغاله هو هو ماتغير واذ زاد زاد مئه بالكثير ولاكن نقول الله على الظالم |
ياختي الله يجزاك خير صدقيني لو ان سعر الايجار بيكون 1500 ريال
ماكان احد استقدم شغاله كان كل الناس استاجروا افضل لهم بس انتي الحين كلمي الماكتب شوفي كم قيمة الشغاله (17000)الف مع نقل الكفاله يعني غالي مره الاسعار ارتفعت عالميا والا يقول الكلام هذا غير صحيح انا ابي شغاله للتنازل 15000 الف مع نقل الكفاله اللي يحصل لي يكون مشكور |
العطر الرجالي
والله ماشوف هالاسعار الافي الشرقيه بالرياض على الف والف ومئتين الاجار ويعطيك صورة من الاقامة وتفويض بانها تسافر معك هونوها وهي تهون والله هذا اتجار بالبشر اتقوالله |
لازم نستمر بالاعراض عن التاجير ونشن حمله خلوها تبوررررررررر
|
اكيد خلوها تبور
وانتي صادقة بس اهم يستقلون حاجة الناس والناس لهم رب ياخذ حقهم او 4000 _5000 حتى لو قاعدين على كنز علي بابا خلص لا حول ولا قوة الا بالله العلي العظيم بس جد والله خلوها تبور وتطيح في كبدهم |
ماقول الا حسبي الله ونعم الوكيل
وصلت بالشهر 4500 لاحول ولاقوه الا بالله |
شافوا الناس بحاجتهم قاموا ارفعوا اسعارهم لان المكاتب اكثرهم ماصاروا يجيبون الشغالات بشهرين واللحين ازمة اندونيسيا والفلبين كلهم مسكرين فالناس محتاجه شغالات لين تجي المستقدمه وللاسف تكلف الشغاله الاجار اذا اختيها ثلاث اشهور لحد ماتجي شغالتك تكلفك تقديم شغاله جديده تجلس سنتين يعني اللي يتاجر بتاجير الشغالات بيكسب 100% الشهر الواحد 3000 الاف وصل تاجيرهم حشى راتب موظف سعودي بالمرتبه الرابعه هههه صادقه خلونا نسوي حمله لمقاطعتهم علشان ينزلون الاسعار وبعد الناس صاروا يتنازلون عن شغاله مخلصه سنه او اكثر ب14000الف والحريم يتهاوشون عليه واحيان تتنازل عنها ماتمت شهرين وتمدح فيها وهي اصلا ماتنازلت عنها الا فيها بلاء انا مااعمم بس الاغلب الله يهديهم كذا
|
اخواتي والله كلامكم صحيح لازم نخليها تبورررررررر وبعدين يشفون من ياجر منهم
واندونسيا الان حلوا الازمه وراح يهدونهم علينا الله يكفينا شرهم |
لا حولا ولا قوة الا بالله
|
| الساعة الآن 04:41 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir