بخصوص الاستقدام من اثيوبيا
 

السلام عليكم

اخواني عندي استفسار ... انا قبل سنتين قمت بعمل الخطوات التالية لاستقادم عاملة منزلية من اثيوبيا :
1- استخراج فيزا اثيوبية
2- الذهاب للسفارة الاثيوبية بجدة وعمل عقد عمل مع السفارة وحصلت على نسختين من العقد واحدة هم يرسلوها للسفارة السعودية هناك وواحدة معي
3- ذهبت لمكتب استقدام وسويت تفويض الكتروني باسم الخادمة الي ابغاها
4- ارسلت لها التفويض عن طريق واحد من جماعتها رايح لديرتهم
5- بعد فترة معينة وصلتني والحمد لله

الان هل تغيرت هذي الاجراءات يعني لازم افوض مكتب هناك او مكتب في السعودية ؟ وموضوع العقد .... الخ

الرجاء الافادة لاني ابغى استقدم وحدة من هناك معروفة لدينا وطلعت الجواز وكل شي ...

وشكرا جزيلا ...

أخي العزيز
بعد استخراجك للتأشيرة عليك إعداد صك وكالة من وزارة العدل باسم المكتب اللي في اثيوبيا ولازم يكون المكتب معتمد من قبل السفارة السعودية مثل مكتب المملكة
وبعدها ترسلها عبر البريد السريع إلى العاملة أو إلى المكتب إذا فيه أحد تعرفه
وبعد ذلك تقوم العاملة بإجراء الفحص الطبي في إحدى المراكز الطبية المعتمدة من قبل السفارة السعودية ثم بعد ذلك يتم فحص بصماتها للتأكد من أنها لم تهرب من مركز الشرطة ثم تقوم بعدها بتصديق النتيجة في وزارة الخارجية وبعدها تذهب إلى مركز التأمين لتأمن على حياتها ثم بعد ذلك تتجه العاملة إلى وزارة العمل الاثيوبية لتأخذ دورة مدتها ثلاث ساعات تقريبا ثم بعد ذلك تذهب الملفات إلى السفارة وتأخذ الاجراءات حاليا مابين 18 يوم إلى 22 يوم
مع تحياتي
أبوصالح

جزاك الله خير اخوي ابو صالح على الرد ... لكن انا ما سويت وكالة لمكتب في المرة الماضية سويت تفويض الكتروني باسم الخادمة نفسها ... يعني الان ما تقبل السفارة السعودية هناك انها تنهي اجراءاتها بنفسها ولا كيف ؟

بما انكم معتمدين اخوي كم التكلفة الاجمالية لاستقدام الخادمة من طرفكم ؟

السلام عليكم وبعد
أولا أشكرك على ثقتك فيني
وبالنسبة للتوكيل الالكتروني فالسفارة رافضة وما أدري وش السبب رغم أنها أسهل ولكن القنصل عنيد
وبالنسبة للاجراءات السفارة ترفض إنهاء اجراء أي عاملة إذا ما جاءت عن طريق مكتب معتمد من قبلها لدرجة إن مرة جاءتنا عاملة أرسلت لها أختها تأشيرة من السعودية فأنهت كاقة الاجراءات الحكومية ثم ذهبت للسفارة ولكن ردوها وقالوا لازم يدخل ملفك عن طريق أحد المكاتب المعتمدة من قبلنا فجاءت عندنا وأخذنا تأشيرتها ولما أدخلناها السفارة قال القنصل وين التوكيل فأخبرناه باللي جرى فرفض إنهاء الاجراءات إلى أن أتانا التوكيل وأنهيناه
وبالنسبة لأنهاء الاجراءات فنستلم 1200 ريال
وإذا أخذت عاملة من عندنا فالتكلفة مع التذكرة ومن غير التأشيرة 3000 ريال فقط
ولمزيد من المعلومات يمكنك مراسلتي على
almamlakagency@gmail.com
وعمولة الموقع عليك لإبراء الذمة
مع تحياتي
أبوصالح

ابو صالح واخي د-حزين
بما انكم تتكلمون عن العماله الاثيوبيه ولاحظ د- حزين جايب منهم ومتعامل معهم
وانت بو صالح صاحب مكتب وتعرفلم
ابي اسالكم؟
كيف شغلهم ؟ واشكالهم سود مره يخرعون يعني ترى عندي اطفال
وكيف من ناحيه العمل والنظافه والطاعه وووالهروب
والله ابي خادمه بس متخوفه منهم هم وكينا والمشكله هم المتوفرين كل ماروح مكتب يقول مافي غيرهم
وشاكره لكم

ياليت يامكتب المملكة اعطاءنا رقم للتواصل أولا

ثانيا ياليت ارقام ترد للسفارة لان الارقام الموجودة عندي ما ترد ...

ثالثا ماهو الضمان يعني متى يتم تسليم المبلغ لكم ...

رابعا للاخت همس .. أنا مجربة العمالة الاثيوبية والله على ما اقول شهيد .. ( اشكالهم ملامح يمنية ومصرية لكن بشرة سمراء وليست سوداء ... اطفالي ما تقبلوهم في البداية بس بعدين حبوها .. لكن حدود عملها معاهم اللعب بعض الساعات يعني لا تغسل ولا تلبس انا اقوم بهذا العمل .. الطاعة اذا كنتي محترمة معاها احترمتك وانا لا اتلفظ على الخدم ولا احتقرهم حتى لو اخطؤا فاحسها تقدر هذا الشي مو زي الاندنوسية اذا شافتك محترمة رصتك رص ...من ناحية الطاعة سويت جدول نظافة لها ومن يوم جاتني ماشية عليه زي الساعة .. لاني بينت لها اني ما اتهاون في اي شي فيه يعني اول ما جات كانت احيانا تترك غسيل دواليب المطبخ اللي كانت بالجدول يوم الاحد فكنت ااكد عليها ما تتركها ومن يومها ما تركتها .. رحووووووووومة جدا للاطفال وهذي اهم شي عندي ....الهروب الصراحة انها هربت بعد اول شهرين جبتها وسلمت نفسها للشرطة تقول اني ما اعطيتها راتب الشهر الاول وان موظف سعودي في مكتبهم باديس ابابا للاسف قالهم اذا ما عطوكم راتبكم اهربوا فتقول هو اعرف باهل البلد ونفذت وصيته لكن في المركز فهموها انه طبيعي الكفيل يمسك ثلاث رواتب تحيب لاي خسائر .. وبعدها ما سوت شي يخوفني منها .. مالها في سوالف الاندنوسيات وبصبصتهم للرجال يعني محترمات .. النظافة تحتاج من فترة لفترة تأكدي عليها ..يقدروا الشخص اللي يهديهم ويحسوا بقيمة الهدية مو زي الاندنوسيات يحسوا الهدية واجب عليك ..وانا عموما موناوية ابدا اغير هالجنسية .. واهم شي استخيري ..
كثرت حكي بس اعرف ان الوحدة قبل الاستقدام تكون في حيررررة كبيرة والله يرزقنا واياك الطيبين ...

الأخوة الفضلاء .
أحد جرب الاستقدام عن طريق ( صالح السلطان ) المعروف بعضويته saleh417231
ياليت أحد يفيدنا .

الحين اثيوبيا هي الحبشة؟؟
متأكدين ؟!!

ايوه أكيد اثيوبيا هي الحبشة

اختي الفاضلة انا تعاملت مع هذي الجنسية بصفة شخصية والحقيقة كالتالي :
بالنسبة للشكل فهم افارقة باي حال من الاحوال لكن ماهم مرعبين !! بالنسبة للاخلاق ممتازة من الناحية الدينية والاجتماعية وانا انصح ان يكونوا من القرى وليس من المدن الكبيرة لان اغلب المشاكل تاتي من المتمدنين اما اهالي القرى فهم في حاجة وماعندهم الخربطة ... بالنسبة للاطفال حنونين جدا في الاطفال بطبيعتهم وشي مهم طريقة التعامل تحدد مستوى تعامل اي جنسية مع اطفالك فمعاملتهم بمخافة من الله تكفي بان العاملة لا ترغب في العودة الى بلدها والعكس صحيح ... وفيهم ميزة مهمة لا تطالبك بالسفر لديرتها كل شوي لان هدفهم تكوين راس مال فيقعدو سنين عندك واذا طاب خاطرهم طالبو بالسفر ... اصعب مشكلة عندهم ( الفهم ) يعني مخهم شوية متنح فتحتاج الى صبر ايوب حتى تتعود على طريقة الحياة في منزلك واسلوبك وهكذا مع انه بعد سنوات تكتشف ان كلامك في وادي وهم في وادي !! كانهم مبرمجين على شي محدد ما يعرفو يسوو غيره ... بس هذي ليست اكبر مشكلة كل شي ينحل بالاسلوب المعتدل والتعليم المستمر ... والحق يقال انهم لا عندهم طوالة لسان ولا قلة ادب ...بالنسبة للهروب نادر جدا عند هذي الجالية الا اذا كانت هناك امور وراء الكواليس ... فمن المشهور عنهم انهم مروجين للخمور وفئة منهم مروجة للاباحية ... طبعا هذا الكلام من افواه المجتمع ( انا شخصيا ما صادفت مثل هذا الموضوع ولله الحمد ) ...

ما اعتقد باقي شي ثاني واذا فيه استفسار انا حاضر والله يكتب لك بوحدة بنت حلال تخاف الله فيكم ...

وشكرا ...