|
الله يجزاكم خير .. تجاربكم ونصائحكم للي جربوا خادمة ووسواق ازواج ضروووري
السلام عليكم اريد ان استقدم خادم وسائق ازواج من الفلبين ومتفقة مع عائلة هناك عن طريق خادمة صديقتي لكني متخوفة من طريقة التعامل معهم :confused: ابي نصائحكم في ادق التفاصيل وتجاربكم كيف اتعامل معهم ؟ اكلهم ؟ اجازتهم ؟ الخوف منهم ؟ مادري :( اي شي تعرفوه السلب يوالايجابي اسدحوه هنا :o تنصحوني فيهم ولا اكنسل الفكرة الله يجزاكم خير تردوا علي ولا تطنشووووني |
!!!
والله يا اختي انا اشوف الاندونوسية لانها راعية كرف !!واذا عاملتيها زين ما رح تشوفي منها الا كل الخير!!
اما حكايو الازواج فمشكلة وكلام فاظي وما انصح في ازواج السواق السوداني مجربه شخصيا ماشاءالله يغسل السيارة مرتين باليوم وامانة وثقة وما يتكلم كثير هذي نصيحتي لك وراتبه 1200 |
اقتباس:
شكرا علة الافادة لكن عندي تعليق بسيط على الشغالة الاندنوسية صح انها راعية كرف وتصلح للعوائل الكبيرة والبيوت الي اكثر من طابق بس من تجربتي معاهم وسخينمرة وراعين سحر وشعوذة الله يكيفينا الشر والسواق فعلا شكلي بقدم على سوداني لانه اكثر منو احدة مدحتهم لي الف شكر |
للرفع بانتظار بغية الاراء
|
ما انصحك ازواج من 10 تبغى تروح لزوجها وتبغى تتغدى معاه وتتعشى معاه وكل شوية هي رايحة عنده تبغى تغسل ملابسه تبغى تطبخله لا و تحامي له لا تكثروا عليه مشاوير تكرهي عمرك الا اذا عندك شغالة ثانية تعتمدي عليها بعدين زوجها راح يوفرلها اي شيء تبغاه جوال وغيره نصيحة لا تجيبيهم ازواج
|
نعم لايكونون ازواج واللي سبقوني بالرد ماقصرو ربي يحفظهم افضل شي شغاله في المنزل لاتعرفه ولا يعرفها:mad: طيب انتبهي لهذه النقطه مثلا الشغاله زوجته ممتازه في عملها....... لكن السواق عجاز او سخيف او العكس السواق ممتاز والشغاله ملعونه خامس ماذا تفعلي اذا ازواج ياتسفرينهم جميع او تتحملين وقاحتهم جميع مع الخسائر المالية ياحلو السواق لوحده يجلس في غرفة السائق سواق وحارس ولا تتركون معاه مفتاح تشغيل السيارة فقط مفتاح الابواب من اجل تنظيفها السبب هناك بعض الشبب المنحرفين يهجمون على السائق وياخذون منه المفتاح واذا انتي مصممه الله يعينك لانهم غالبا اذا كملوا سنه وحصل بينهم مشكله سيتضح لكم ويكشفون سرهم بانهم ليسوا ازواج وهنا تنكشف اللعبه:D صارت كثير:confused: وش يضمن لك انهم ازواج صح متفقين لتلبية طلبكم وهم ؟؟؟؟؟؟ |
اقتباس:
|
هههههههههههههههههههه
والله حاااااااله لا من غير زوج تريح ولا بزوج تريح !!!! انا ماجربت بس اشوف انه بزوجها اسلم لو قدر لي استقدم يكونوا ازواج يكون فيه تنظيم اكثر وانا مااحب اصلا ان الشغاله تكون سهرانه زي اهل البيت فلو تحب تروح بعد العشاء عادي عندي يقصر نظرها عن ايلي برا وعن ايلي بالبيت يبري الذمه عن الحلال والحرام تتعب ولا شي يتكفل بيها زوجها هذا رايي والله اعلم |
مشكورين اخواتي ما قصرتوا
وفعلا كلامكم سليم صرفت النظر عن موضوع الازواج نهائيا وبجيبهم حتى من جنسيات مختلفة عشان اريح راسي شكرا لكل من رد وان شاء الله يكون الموضوع مفيد لغيري |
ليش ماتقدميين اخوان
منها تقدري ترسليها تعطيه الاكل والاغراض وزي كذا ..ومنها ترتاحي من انهم يسوو شي حرام من وراكي بس انسي بتلاقي هالطلب بسهوله وبصدق |
والله الموضوع له سلبياته وايجابياته
اعرف ناس جابو شغالة وسواق ازواج وحملت الحرمة وولدت وصارت المدام ترعاها يعني جبتك ياعبدالمعين تعين لقيتك ياعبدالمعين تنعان |
الى الان بصراحه مو مقتنعه !!!
انا اعرف ان ممكن تكون فيه سلبيات وشي طبيعي اصلا الاستقدام عموما له سلبيات بس احس ان السلبيات في هذا الموضوع اقل ولازم نعرف ان لكل حالة اسره ووضعها الاجتماعي والنفسي له اثر في ترجيح السلبيات او الايجابيات يعني بوضعي بعد دراااااااسه مستفيضه لقيت ان استقدام متزوجين افضل والسلبيات تهون عن السلبيات الموجوده لو ماكانواازواج فلازم الواحد منا يكون واعي تمام لظروفه وطريقة تفكيره ونفسيته وان يسخير ربه والله يوفق الجمييع |
| الساعة الآن 10:03 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir