تجربتي مع الإستقدام من بنجلاديش مكتب استقدام خادمات
اليوم راح اكتب لكم تجربتي السيئه للاسف في استقدام عاملات من دولة بنجلاديش.
تم استخراج التاشيره شهر 8 هجري ولم نجد مكتب يستقبلها الا شهر 10 وقال المدة مو اكثر من 3 شهور وفرحنا وماطل فينا وانتظرنا لمدة 7 شهور وطبعا هالكلام بدون عقد عشان لاتنحسب عليه مخالفه لانه مكتب معتمد بمساند وبعدها تم التفييز وهنا الفاجعه قال المبلغ تدفعون لازم 10 الاف مو 7 الاف وبعد محاولات معاه وذلينا انفسنا رضى انه ندفع 8 الاف وبعدها بشهر جت الشغاله وياليتها ماجت اللي معاها بالمطار كلهم صغار وباين عليهم يبون الشغل وهذي عمرها مكتوب 42 لكن الظاهر انها من 55 الى 60 سنه كبيره جدا وملامحها عابسه وكلامها كثييييير وشوي تعصب علينا لو قلنالها نظفي او شي وترجع تضحك هذا غير الكحه والمرض من يوم جت طلبت الجوال واشترينا لها وطلبت التمبول البنقالي مع انه مقرف وقلنا ماعليه مانمنعها من شي يمكن تنعدل ومارضت تلبس الا لبسها ومشيناها وكنا نسايرها جدا في كل شي لانه انتظارنا كان مدة طويله ، وبعد نص شهر ربي الهمني اني اشوف الادويه اللي تستخدمها بشكل يومي لايش ؟ والمصيبه الكبرى انها طلعت للامراض النفسيه الشديده والانفصااام وانا عندي طفله وخفت عليها وقتها منها لانها تعتبر مو بعقلها ودقينا على مكتبها قال ارموا الادويه وخلوها تشتغل عادي قلنا مستحححيل تجيها الحاله او شي ووديناها لدكتور نفسي صعق لما شاف الادويه وتكلم معاها قال هذي عندها اضطرابات نفسيه شديده جدا وتوصل فيها للانتحار لاتخلوها ولا يوم واحد ، علمنا المكتب بكلامه وانه طلعنا تقرير بحالتها وحجز لها على اليوم وبنوديها احنا وادعولنا انها ماتقلب علينا او تعصب.
والله اكتب لكم وفيني غبنه على الانتظار وعشان التلاعب اللي حاصل من مكاتب الاستقدام بالناس لكن حسبي الله ونعم الوكيل فيهم والحين بيخلونا ننتظر نفس المده عبال ماتجينا غيرها ويمكن تجي اللي اردئ منها.
مكتب استقدام. |
