الاصحاب المؤسسات والشركات النطاق الاخضر مرتفع وبلاتيني تنبيه
 

السلام عليكم ورحمة الله وبركاته

مساء الخير اخواني وكيف حالكم ان شاء الله تمام

وزارة العمل فعلت المسار السريع للمنشات الي عندها نسبة توطين عاليه وهذا من باب التنافس بين الشركات والمؤسسات في التوطين حتى تحصل على خدمات ومميزات مثل المسار السريع ( التاشيرات الفوريه سابقا ).

ولكن اغلب الاخوان يجهل الامور هاذي ويتعرض للذئاب البشر ية الي مايهمها في كل الامر الا جمع المال من اي مكان ولا يهمهم هذا حلال والا حرام .

في السابق يا جماعه كانت تظهر للجميع في قائمة التاشيرات للاستقدام التاشيرات الفوريه ـ لكن الحين لازم تسوي نفس الحركه الي بشرحها لك تحت ولا تخلون احد يستغلكم .

ياجماعة انتشرت في الاونه الاخيره عطني رقم حساب المؤسسه والباسوورد في مكتب العمل واجيب لك تاشيرات واغلب الاخوان يكون يبغى تاشيرات ويفكر ان الشخص هذا راح يكون المفتاح السحري الي بيجيب له التاشيرات بدون اي مبررات وعطاه الرقم السري ورقم المستخدم . وهذا الشخص كل الي بيسويه كالتالي بأمكانك انت تسويه :-

1- يدخل على الاستقدام لممنشات في حسابك .
2- بيضغط خدمة طلب رصيد تأسيس وتوسع بالنشاط .
3- بيروح لطلب رصيد توسع في النشاط ، بعدها كانك بتسوي طلب وركز في النقطه هاذي

اختر المهنه عامل عادي - ذكر - عدد التاشير 999 واضغط على المربع حق التعهد الي بالاسفل واضغط ارسال

بيظهر لك مسج اذا ظهر لك مسج هل تريد الاستمرار سوو الغاء

لكن لو ظهر لك انت في المسار السريع ولديك عدد اين كان العدد هذا هو التاشيرات الفوريه الي انت تستحقها سو الغاء عدم الاستمرار .

وارجع وحدد المهن على عدد التاشيرات الي ظهرت لك في المسار السريع راح يتم الموافقه لك فورا تسوي طلب وتحدد الجنسيات وتكون دافع رسوم التاشيرات وارسل الطلب وانتظر رقم صادر الداخليه بيجيك من 1 ساعه الى 3 ساعات الموافقه ومبروك عليك التاشيرات الفوريه

انا شرحت الطريقه كتابيه لكن لو صارت معي وظهرت لي راح اشرحها لكم بالصور خطوه بخطوه

ياجماعه لاتكونوا لقمه سايغه في فم اي ذيب بشري يحاول الاستفاده على حسابكم وفي شي هديه وحق مكتسب لكم على نطاقكم واستمراركم في نسب التوطين .

لازم تسأل نفسك قبل ما تسلم الشخص هذا الباسوورد حقك وسم المستخدم ، وتروح للأقرب مكتب عمل واسأل مافيها شي كلنا مانخلقنا ملمين بكل شي لكن الواحد يسأل ويقرا ويبحث ولا يترك فرصه لناس الي ماتخاف الله تستغله .

اتمنى اني وفقت في الشرح والتوضيح