شكرا لعبدالعزيز العنزي على خدمته لنا بالإستقدام من سيرالانكا
 

شكرا للأخ عبدالعزيز العنزي على خدمته لنا والبحث لنا عن خادمات مناسبات في وقت أقل من المكاتب الأخرى .

أنا مستغربة من مواضيع بعض الإخوان اللي طلبوا عن طريق عبدالعزيز العنزي ومستعجلين على وصول خداماتهم رغم

إن فيه مشاكل في سيرالانكا عطلت الإستقدام وأخرتها والكل عارف ذلك . والأخ عبدالعزيز حقيقة ماقصر حاول بكل حهد

انه يوفر لنا خداماتنا بسرعة وبمدة اقل من شهر من بدء الطلب لكن الظروف في سيرالانكا حالت دونه لتحقيق ذلك .

ورغم مواضيع الإنتقاد لعبدالعزيز العنزي إلا انني اكتشفت انني انا التي طالبة خدامتي قبلهم بأكثر من 25 يوم أي في 5 / 9 / 2010

والى اليوم مابعد وصلت خدامتي وماقلت شيء لأن فيه مشاكل في سيرالانكا معطلة الطلبات غصبا عنهم ولازلت انتظر ويقولون

لي إن شاءالله هاليومين بتوصل .

طبعا طلبي انا قبل مايسافر لسيرالانكا بكم يوم كلمته واعطيته شروطي للخادمة قبل ماأطلع التأشيرة علشان اكسب وقت

وقال لي بسرعة طلعي التاشيرة واعطيني رقمها لأنني مسافر هاليومين الى سيرالانكا

علشان ابحث لك عنها بنفسي وخلال اسبوعين بتكون عندك وكان متحمس لتحقيق طلبي بسرعة وحسب شروطي .

وبسرعة طلعت التأشيرة ثاني يوم واعطيته رقمها وكانت اتصالاتي عليه بجواله في سيرالانكا .

وجاء وهو مابعد حصل لي خدامة مناسبة حسب شروطي في هالفترة القصيرة .

ولما جاء وماحصل لي صارت اتصالي على مندوبه احمد في سيرالانكا كل تلك الفترة ، ثم قبل العيد بعشرة أيام كلمت احمد

في سيرالانكا قال لي خلاص حصلنا لك خادمة حسب شروطك وإن شاءالله نخلص اوراقها وتوصل لك قبل

العيد وكان هو ايضا متحمس انه بيخلصها بسرعة ، لكن ماخلصت اوراقها قبل العيد وقفلت السفارة وبدأت إجازة عيد

الأضحى .

وبعد العيد الخميس اللي فات بتاريخ 25 / 11/ 2010 ارسل لي عبدالعزيز رسالة على جوالي قال لي الخادمة

خلصت من الكشف الطبي واوراقها كلها جاهزة الآن وتم حجز الرحلة لها الثلاثاء او الأربعاء هالأسبوع

حولي لي كامل المبلغ اليوم علشان نخلص باقي اوراقها وتوصل لك ومانتعطل .

لكن لما فتحت انجاز ماحصلت أي معلومات عن الخادمة تحت اسمي فقط تفويض المكتب في سيرلانكا .

لكن قلت أكيد لايمكن يخلصون لي كامل أوراق الخدامة ويدفعون للمكتب السيرالانكي ويقصون لها تذكرة الرحلة من

فلوسهم ولهم الحق كيف يضمنون فلوسهم مني بعد ماتنتهي اوراقها باسمي .

فحولت له كامل المبلغ المتفق عليه في اليوم الثاني أي يوم الجمعة الماضية 26 / 11 / 2010 وكلي ثقة فيه

وهومكان ثقة إن شاءالله .

ومن الاثنين بدء الدوام عندهم وكل يوم افتح انجاز وابحث عن تفييز الخدامة ماألاقي شيء وصباح الثلاثاء اتصل علي

مكتب سيرالانكا وقال الخدامة ماهي جاية اليوم لأن فيه مشكلة بموقع انجاز.

وأمس يوم الخميس ماشاء الله تبارك الله أخيرا حصلت كل معلومات الخدامة تحت اسمي في انجاز صار باقي الحجز

ووصولها .

وحتى الآن لأأعرف متى توصل للسعودية لأني اتصل على سيرلانكا مايردون ابغى اعرف موعد حجز الرحلة

ووصول الخدامة بعد ماانتهت اوراقها كلها .

قولوا ماشاء الله تبارك الله وادعوا لي بالتوفيق وتكون خادمتي كويسة وحسب طلبي وتريحني بعد طول انتظاري .

طبعا كل اتصالاتي الفترة الماضية على أحمد مندوب عبدالعزيز في سيرالانكا لأنه هو اللي بيبحث لي عن الخدامة وحسب

شروطي . لكن كثيرا ماأتصل والاقي جواله مقفل ولما يرد أسأله ليه جوالك مقفل يقول تعبت كل دقيقة يدق الجوال صرت

اقفله واللي احصل له خدامته اتصل انا عليه وابلغه بانتهائها لأني تعبت وضاع وقتي مع هالمكالمات وانا مشغول طول

النهار بالتنقل بين المكاتب السيرالانكية ادور خدامات وماعندي وقت للرد .

اعانه الله

وجزيتي خيرا على قول الحق

الله يوفقه بارك الله فيك

الله يسهل وتجيك الخدامه ...وتكون نفس طلبك ..ويرزقك خيرها ويكفيك شرها
ومعليش اختي حبيت اسئل ..ايش هي طلبك عشاني بقدم خدامه ومحتاره يمكن تذكريني بطلب ماجاء على بالي

آمين جزاك الله خير

الخدامة سيرالانكية عبدالعزيز العنزي يستقدم من سيرالانكا فقط

المشكلة إن الطلبات من سيرالانكا تاخذ لها عدة شهور والمكاتب تكتب بالعقد من 3 شهور الى 6 شهور

بينما الأخ عبدالعزيز قال اجيب الخادمة من 15 يوم الى شهر لكن قابلته صعوبات غصبا عنه أخرت إحضار

الخادمات الى المقدمين عن طريقه ونحن نعذره لأن التأخير لظروف خارجة عن إرادته .

فعلا انا سمعت انه فيه مشاكل صايره هاليومين
ونعتذر للاخ العنزي .زماندري شو ضروفه
انا سؤالي لك وش هي الشروط اللي طلبتيها بالخادمه ..او وش الشروط اللي ممكن نطلبها
عشاني راح اقدم وممكن تذكريني فيها
ومشكوره

شروطي كانت اعتقد عادية تشابه معظم الناس لأني ماعندي اطفال وابغاها للبيت فقط

سبق لها العمل اكثر من سنتين في الكويت

عمرها من 30 - 38

مايكون لديها اطفال او اذا لها اطفال يكونون اكبر من 10 سنوات علشان ماتنشغل عليهم وتشغلني معاها

تجيد اعمال المنزل وتعرف تطبخ ولو شيء بسيط و لديها الرغبة بتعلم الطبخ عندما تحضر

ماتكون جاهله تعرف تقرأ وتكتب بلغة بلدها علشان إذا علمتها الطبخ تكتبه وماتنسى وإذا جبت لها كتب طبخ بلغتها تقرأها وتطبخ منها

مايكون معها جوال ولاتطلب جوال إذا جاءت عندي

هي شروط عادية جدا اصبحت اطلبها عندما اقدم على الإستقدام في السنتين الأخيرتين بعد تجاربي مع الخادمات السابقات يعني شروطي تتشابه مع شروط الناس ولكن قد تزيد في طلبي

ان اطفالها مايكونون صغار إذا لها اطفال ولقيت إن اللي عندها صغار دايما تبكي عليهم

ودايما تبي تكلم اهلها تسأل عنهم وتسافر قبل ماتنهي عقدها لأنها تشغلني بمشاكل عيالها وتبي تروح لهم

مشكوره ماقصرتي ..وبشرينى اذا جت شغالتك

راجعت مكتب العمل اليوم وقالو لم تخرج تأشيرة باسمك الى الان واناا انتظر الشغاله ؟؟؟؟؟؟؟؟؟؟؟

إن شاءالله مايكون صحيح ويكون الرجال غلطان

لأننا نستخرج التأشيرة عادة من مكتب الإستقدام وليس مكتب العمل فقد يكون مايتضح له بالجهاز لأن مكتب الإستقدام

تابع لوزارة الداخلية وليس لوزارة العمل .

الله يوفقنا وياك وإن شاءالله تجي خدامتك قريب وماتتأخر .