خادمتي ترغب في العودة.. الفزعة في الرأي والمشورة..
السﻻم عليكم ورحمة الله وبركاته..
استشارة منكم ايها اﻻخوة.. لدي شغاله سريﻻنكية اكملت سنة واحدة وقد كلفتني 15000ريال وترغب في العودة وتقول ان والدتها مريضة في المستشفى وانها سوف تعود لي بعد شهر.. فماهي مشورتكم وبماذا تنصحوني..والله اني في حيرة من امري |
نفس عذر شغالتي الفلبينه
قالت لي ابوها مات و بتروح بس اسبوع و ترجع و للاسف راحت و لا رجعت حسبي الله عليها و نعم الوكيل خسرتني اكثر من 16 الف و لا جلست عندي غير 8 شهور نصيحه خليها تجلس اغلب الاعذار ذي كذب بس يبغون يروحون و لا يرجعون و القرار لكم في الاخير بس هذي نصيحه من واقع تجربتي |
سيرلانكيه مستحيل ترجع الا اذا شاء الله
اغلب السبرلانكيات نصابات سنه فقط ولاعاد تكمل |
من تجربتي ف السرلانكيات انهم مايكملون السنتين
اغلبهن من تكمل خمس شهور تتخلق الاعذار عشان تسافر شغالتي من كملت سنه قالت بمشي كل السرلانكيات يجلسون سنه وحده ف نصيحه لك لا تخلينها تسافر قول لها كل يومين كلمي أمك جوال وخلاص |
اخوي نصيحة لاتخليها تروح الين تكمل عقدها او انت تحس انك استغنيت عنها ...
او تدفع لك التكاليف اللي خسرتها وبسلامتها .. |
اشكر الجميع على الرد على الموضوع
ولكن..اين من يحفظ حقوقنا واموالنا.. |
بلغها انها لو ماكملت سنتين حسب العقد انك راح تقاضيها بالمحكمة وبذلك ما تسافر لحد ماتحكم لك المحكة انها ترجع تكاليفها او تكمل العقد وماراح تسافر الا هي دافعه حقك هي او سفاره بلدها
|
قبل ست شهور تقريبا صارت اشاعه فى سريلانكا ان الرواتب 900
فا اذا هي راتبها 650 ارفع راتبها 750 واذا 750 ارفع راتبها 850 وقول لها هذا على شان امك مريضه وترسلين لها علاج وقول لها سفر مافي الا بعد سنتين ولا تعطيها وجة . :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::: عندي شغاله الوالده جلست سنتين وقالت بروح ورجع عطيتها ست شهور ولا جت :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::: شغالتي لها تقريبا 3سنوات و4شهور كانت تبي تسافرقبل 7 شهور ورفعت 100 ريال وجلست بدون اى ضغط :::::::::::::::::::::::::::::::::::::::::::::::::: ::::::::::::::::::::::::::::::::::::::::::: فا نصيحة الشغاله ماتبي الا الراتب والمعامله زيد راتبها افضل من استقدام جديد فاجئها بطاقه سوا 10 ريال او بطاقتين كل ما احترمت الشغاله وقدرتها تلاقي نتيجه |
ربي يحفظك ويكثر من امثالك
ياليت الكل يكون فاهم مثلك |
الله يعينك نفس شغالتي ما غير تقول بسافر وانا ارفع من هالراتب عشان تجلس وياليتها زينه بس مجبورة اسايرها
يكفي تقديمها بعشرين والراتب وصل ٩٠٠ الله يعوضنا خير ما فيه جهه تحفظ حقوقنا |
الساعة الآن 04:15 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir