عمالة, خادمات, العمالة المنزلية - المساعدة او المشورة واعطي الراي الله يوفقكم

السلام عليكم ورحمة الله وبركاته
يسعدني ويشرفني الى الانضمام لهذا الموقع المميز

ونامل الاستفادة والمساعدة واخذ المشورة من الاعضاء والزوار الكرام

حيث عندي خادمة اندنوسية لها خمسة سنوات و عطيتها قبل سنة اجازة شهرين واخذت معها الاقامة عتقول عشان اقدر ارجع من بلدها وفعلا رجعت ع الموعد والحمد لله وفي هذة السنة طلبت اجازة وعطيتها ٦ اشهر مع شهرين احتياط. واخذت الاقامة مثل المرة الاولى لكي ترجع. طبعا تاشيرة خروج وعودة
المهم اتصلت علية من المطار وتقول انها تاخرت عن الرحلة وطارت الطائرة عنها. وانها الحين بالمطار .
المهم رحت للمكتب اللي حجزت لها منه. وبحثت عن اقرب رحلة ع الخطوط السعوديه اتصلت عليها وقلت بحجز لك عليها طبعا كان الحديث صعب معها لانها ما تفهم عربي كويس وطلبت منها تشوف احد عندها يتكلم عربي. وعطتني وحدة جنبها اندنوسية تتكلم عربي. وقالت خلاص احجز لها وارسل رقم الحجز وحصل وحجزت لها وارسلته واتصلت ع الرقم ولم يرد واكرر الاتصال وردت علية اللي تتكلم عربي وقالت خدامتك ما تبي ترجع تقول انها اتزوجت وزوجها ما يبيها ترجع. وانا عندي شغالات وهذا رقمي وانا عندي مكتب اشوف لك غيرها المهم انها قلبت راس خدامتي. وطااارت علية والحين الاقامة معها

سوال هل تستيطع تروح الاحد ثاني غيري نامل المساعدة او المشورة واسف ع الاطاله

والله يوفق الجميع