|
ام سعود لتدريب الخادمات الطبخ
السلام عليكم ورحمة الله وبركاته
اسمي ام سعود بديت بمشروع وعسى الله انه يكون منتداكم خير وبركه لي يارب ((لديك خادمه لاتجيد الطبخ ))؟؟؟ اتركي التدريب لنا واستمتعي بأشهى الاطباق نحن نتكفل بتدريبها مع أحضار الوجبات التي تقوم بطبخها معها تدريب على أعلى مستوى معجنات فطائر بيتزا معكرونة بأنواعها قهوة سعودية أكلات شعبية وغيرها الكثير التدريب على يد سيدة سعودية محترفة الي هي انا طبعآآ الأسعار الأسبوع الواحد ب 500 ريال للحجز والاستفسار : المراسله على الخاص ((طريقة الدوره الاحضار من الساعه 10صباحآ الى الواحده ظهرآ كل يوم يكون معها اغراض الطبخه كامله الي تبي تتعلمها ونطبخها سوى وطبعآ اكيد بتاخذها معها يعني اذا بترجعين من دوامك تكون شغالتك وغداكم جاهزين اي شي يزيد من الاغراض اظمنلك اني ارجعها مع الشغاله لاشي ينقص ولايزيد وياليت تكتبين مع الأغراض الطبق الي تبينه تتعلمه ويارب ينجح مشروعي واي استفسار انا جاهزه ملاحظه ((وقت رمضان تتعلم فقط طبق واحد لا اكثر مثل الكبه..سمبوسة الباف..المعجنات بكل اشكالها الميني والكبيره ومجنات الصاج والله يوفقني ويوفقكم ويرزقنا بالحلال جميعآ اختكم ام سعود |
الله يوفقك ياام سعود واقترح عليك تلغي فكرة انها تجيب اغراضها معها وتستبدليها بانك تعليمها على طبخات الزبونه تطلبها و انتي تسوينها لبيتك والشغاله المتدربه تساعدك
مايستفاد من الاقتراح اولا انه يكون عندك وقت لبيتك ثانيا تقدري تدربي اكثر من وحده بنفس الوقت ثالثا تقدري اذا رغبت الزبونه انك تبيعي لها الطبق اللي سوته خادمتها مثلا واخيرا السعر كبداية غالي شوي يعني نزلي السعر لحد ما تمشي الامور بالتوفيق وربي يرزقك الرزق الحلال ويوفقك انشاالله |
حبيبتي ام سعود الي يبغى يبدا بفتح بمشروع لازم مايكون غالي وانتي مره غاليه وكلام الاخ احمد كله صحيح
والله يوفقك |
اقتباس:
هلا اخوي احمد واقتراحك على عيني وراسي جد ودي استفيد من افكاركم جزاكم الله خير انا لماطلبت الاغراض كان مقصدي ان يكون الطبخ على طلب الزبونه او الكفيله يعني مو انا الي احدده لكن رأيك بحطه بعين الاعتبار وبعرضه على الزباين وياليت تحطون السعر الي تحسونه مناسب انا مابي استغل احد او أغلي لمجرد الغلى بلعكس ودي برزق حلال ومبارك فيه الله يجزاكم الجنه |
اقتباس:
بس مو مشكله اقترحي السعر الي مناسب واكيد يهمني اقتراحاتكم انا لسه مابديت المشروع لكن اليوم جاتني اتصالات وماحد اعترض على السعر لكن ممكن اخفض ماعندي مشكله نورتي حبيبتي |
هلا والله اختي ,,,ه والله يجزاكي الخير على الاهتمام
انا بالدمام والرقم انشاءالله بحطه بس القى تجاوب واشوف المشروع مشى سوقه يارب وطبعآ انا اعتذر للأخ احمد انا مقدر ارسل رسايل خاصه لان مشاركاتي قليله لكن احب اشكره على اهتمامه وحرصه والحق يقال اني استفدت من افكاره الله يجزاك الجنه ويرزقك من حيث لا تحتسب |
الٍسلآم عليكم ,,,,,,ـ. حــــــــلو بس عندي ملآحظاات .~. بالنسبه للسعر الي قال غاالي هو بالفعل غاالي لانها تدفع لك وتجيب اغراب البيت وتطبخينها بس لو تدفع وما تجيب لك اغراض البيت بيكون السعر ممتاز لان فكري بادوات الطبخ من طحين الي الملح ^_^ والآفضل انك ترتبي جدول وتخلي كل يوم نوع معين يعني لو ابي اعلم خدامتي للورق عنب وبشوف متي يوم الورق عنب وبحجز عندك ^_^ مجرد فكره والله يوفقك ويبداء ,,,,,, وارسل لك خدامتي تعلمنها.. |
الله يوفقك اختي ام السعود ويبارك لك بشروعك ..
وانشالله تستفيدي من افكار الاعضاء بالمنتدى .. |
اقتباس:
وفعلآ انا مقتنعه انه غالي بس ماني عارفه كيف احدد السعر والجدول مهم عشان مااحوس نفسي الله يوفقك ويرزقك بلحلال يارب |
اقتباس:
|
لا اله الا الله محمد رسول الله
اليوم بديت بأول مرحله وجات شغالة جارتي ادربها على الطبخ وخليت المبلغ فقط 300ريال وارسلت معها بنتها الي عمرها 16سنه عشان ادربها معهالان زواجها في عيد الاضحى وقلت لها هذي مجانآ على قولتهم اشتر واحده والثانيه مجانآ الله يرزقنا رزقن حلال يارب |
سعر 300مناسب في حالة العدد كثير اما اذا واحدة فحرام لانها راح تاخذ وقت في التدريب ,الوالدة الله يحفظها لها 43شهور تدرب عاملات وبصراحه اصبحن يطبخن بشكل افضل بشهادة اصحاب الخادمات,الوالدة تجي لها الخادمه مرتين الى ثلاث مرات بالاسبوع فقط لمدة شهر بس كم تاخذماعندي علم الله يوفقك وانصحك دربيها بس ولاتعطيها الطبق خليها تثبت جدارتها وتوريهم طبخها
الله يوفقك ويفتحها عليك |
| الساعة الآن 07:11 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir