هااام لمن يبحث عن خادمة للتنازل بسعر معقول
 

السلام عليكم ..

حبيت افيدكم بالمعلومة قبل ان يتهور احد ويخسر عشرات الالاف في خادمة تعرض للتنازل من اجل الربح المادي واما تهرب الخادمة او يتحمل عيوبها مجبرا !!

الان تم افتتاح الشركة السعودية للاستقدام وطبعا هي شركات مضمونة واسعار تعتبر رمزية بالنسبة للي نشوفه الان وبعد اسبوعين سوف يتم احضار الخادمات المدربات للمملكة وقبل شهر رمضان القادم ان شاءالله يستلم المواطن خادمته بعد تقديمه للطلب بساعة او اقل باذن الله فلا تستعجلوا ياجماعة لانفاق المال على التنازل واستنزاف الطامعين في اتلربح السريع لاموالكم

ياليت اللي عنده ارقام خادمات للايجار يفيد بها غيره الى قدوم الخادمات للمملكة عن طريق الشركة

ياريت بسرعة تشتغل هالشركات ؟؟
كم سعر الاستقدام من عندهم ؟؟
لأني اعرف الكثير منتظرين هالشركات تشتغل ؟؟

الله يجزاك خير

المشكله حتى الاجار وصل لاربعه الاف وخمس يبون يشفطون العالم يالله يمديهم
حسبي الله ونعم الوكيل

اصبرو ﻻتستاجرون وﻻ تشترون وﻻ تقدمون من هالجشعين اللي بس يبون يشفطون هالمواطن الضعيف

هذاها فتحت السبت شركات الاستقدام وقبل رمضان بااسبوعين وشغالتك عندك

الرسوم 13 الف والراتب 850

وﻻعليكم مسؤلية هروب وﻻغيره

بنص ساعة وشغالتك عندك

والله ياليت خلال يومين هذي احصل شغاله اندونوسيه او فلبينيه

عندي جدتي كبيره بالعمر والحمدلله صحتها طيبه بس لازم شغاله تكون معها وتهتم فيها وتطبخ لها وكل شي

ضروري جدااااا

يعني اغلى من المكاتب ؟؟؟؟؟؟

الظاهر من جرف لدحديرة

13 الف ياساتر ليش وين كلام البداح العام الماضي للمكاتب لاتزيد ن ست الاف والحين لما فتحت الشركه خلوها ب 13 الف

المكاتب تجيب اثيوبيا وكينيا ب ثمان الاف افضل

خلاص مانبيها هالشركه مانبيها

اللي دخل وكتب 13 الف معلوماته غير صحيحة او انه من اصحاب المكاتب وتفكيره قاله ان بهالشكل يصيب الناس باليأس من الشركات ياعالم اصبروا الشركات اسعارهم تقريبا نصف المبلغ المذكور وبس اتاكد من السعر اعطيكم خبر مابي اقول كلام غير صحيح بس الاكيد انه اقل من سعر المكاتب بكثير.. واما سعر التنازل فهناك قرار ان لايتم التنازل باكثر من مبلغ التكلفة ومن يعرض اكثر من قيمة تكلفة الخادمة يتم الابلاغ عنه فورا

ياليت تخبرونا اول باول

أبشر يااخوي هذا رابط الشركة ادخل وضع طلبك ومعلوماتك قبل الزحمة واول ماتوصل الخادمات قريبا ان شاءالله راح يتصلون عليك ولاتنسانا من الدعوات الصالحة

http://www.smasco.com/IndvRequest.aspx

يعطيك العافية ...