اجازة لخادمة فلبينية لمدة اسبوعين ..
 

يا جماعة عندي مشكلة ابي لها حل ..

خادمتي ولدها صار عليه حادث وموجود بالمستشفى ..
والخامة بتجنن على ولدها ومزعجتين تبي تسافر اسبوعين وترجع ..

طبعا الخادمة جات على كفالة مكتب وانا نقلت كفالتها من المكتب الى اسمي ..
جلست مع المكتب تقريبا شهر ونصف وصار لها معي حوالي اربع شهور

يعني صار لها حوالي خمس الى ست شهور ..

وللمعلومية انا نقلت كفالتها باسمي وبس يعني ما وقعت معها عقد ولا شيء ..


السؤال وش الاجراءات اللي اسويها والمطلوبة الان علشان ارسلها اسبوعين وترجع
يا ليت التفاصل الكاملة ومن اصحاب الخبرة ما ابي اتوهق ..


الشيء الثاني :: كيف اقدر اتأكد ان الخادمة فعلا صادقة وولدها بالمستشفى * يعني هل اقدر اسوي ضمانات او اي شيء
طبعا الخادمة جدا كويسه معنا وحنا جدا كويسيين معها وهي تبي تجمع فلوس وكذا لذلك ما اظن انها تكذب بس الاحتياط واااجب


بالانتظار يعطيكم العافية ..

يا اخي الكريم الفلبينيات اذا بغو يهجون هذا عذرهم ولدي صار عليه حادث ابوي مات اختي مدري ايش صار فيها و كلهم كذابااااااات

شغالتي الفلبينيه سوت نفس الفليم الهندي ذا بس قالت ابوها مات و بتروح تدفنه و اسبوع و تجي وحتى التذكره هي اللي دفعتها من رواتبها و اخرتها ذهبت و لم تعد

ما جلست عندي الا 8 شهور و طبعا المكتب ما راح يعوض بعد الثلاث شهور

لا يا اخي الكريم مافي شيء اسمه تجلس بالغصب

لان ذولا الناس ما تعرف ايش ممكن يسوون من كوارث اذا اجبرتهم يجلسون

و انا الحمدلله كنت اعاملها معامله حسنه و لا جاها مني اي ضرر

و بالعكس انا اعتبرتها شر و راح لو اني ضغطت عليها و جلست كان ممكن تأذني او تأذي بناتي

انا كل اللي ابغى اوصله له انه الفليم الهندي ذا عند اي فلبينيه تبغى تسافر قبل انتهاء عقدها و هذا الشيء صار لي و لكثير اعرفهم

و قصدي من ذكر قصتي انه الاخ يخليها هي تدفع التذكره من حسابها لانها هي اللي تبغى تروح

و سلامتكم

نفس الشي صار معاي لعاملتي المغربية ورفضت بحجة ان ولدها بحاجة لعملية وتحتاج المبلغ وزيادة
والحمدلله كانت الأمور سهالة حجزت لها وسافرت واطمنت على ولدها ورجعت تشكرني

سواء على كفالتك او لا . المكتب الي استقدمها هو المسؤول عن الخادمة بالتاكد من صحة كلامها هذا من جهة ومن جهة اخري تستطيع التواصل مع مكتب الاستقدام الي جابها من الفلبين ويعطونك خبر .

علي العموم لا يمكن ارغام العاملة علي البقاء سواء صادقة ام كاذبة وهناك طرق نظاميه لاسترداد حقك

أختي عشان تحفظين حقك
اطلبي منها التقرير الطبي ولا تسفرينها لو ايش ان راحت مارح تشوفينها

خليها لين تجيب تقرير طبي
ولو راحت السفارة روحي لادارة الوافدين ومنعهيا من السفر

لانه بصراحه الموضوع غريب مافي شي اسمه عامله بإسم مكتب وتنقل للفرد
العمالة المنزلية من فرد الى فرد

لا تصدقها، فهذه أساليب مخادعة وكثيرة منهم
هذه الحركات كثرت من العاملات
لكن أيضا لا تمنعها ولا تتعاطف معها
بما أنك خسرت عليها من أجل استقدامها فمن حقك تضمن حقك بمنع بعض حقها شهرين أو ثلاثة ولا تدفع لها مبالغ أو حجوزات
فقط قل لها كل ذلك لك بعد أن ترجعي من الإجازة.