سؤال كم تكلفه أستقدام شغاله من الهند
 

السلام عليكم ورحمه وبركاته

الله يرضى عليكم سؤالي عندي سواق خاص ويبغى يجيب زوجته من الهند شغاله عندي
ودي أعرف كم التكلفه لأني ابعطيه كامل المبلغ وأنا بطلع له التأشيره من هنا وأسلمه له وهو يكمل باقي الاجراأت هناك
وبعد ودي أعرف كم راتب الشغاله الهنديه

أنتظر رد منكم وشاكر لكم مقدمآ

راتب الهندية ٦٠٠ لم يسبق لها العمل ٧٠٠ سبق لها العمل ، التكلفة من ٧٥٠٠ ال ٩٥٠٠

الله يجزاك الجنه ولايحرمك منها اجابتك وافيه

اخشى ان يكون هذا المبلغ مكافاة نهاية خدمة ويمشي ويخليك
خله عندك وخليه يرسل الاوراق لمكتب هناك

للضمان لانهم للاسف عماله بدانا نفقد المصداقيه فيهم

ابو معن

الله يجزاك الخير أخوي أبو معن والله كلامك في محله وما أستبعد مكرهم الله يكفيني شرهم
شاكر لك أخوي للتنبيه

ابو فهد لاتعطيه الاوراق شف لك مكتب بالهند تسوي له تفويض الكتروني وترسل له الاوراق واتعابه ماتتجاوز 2500 ريال
اذا كانت جاهزه اتعاب للمكتب ومصاريف بحدود ذا المبلغ

أخوي ياغالي بيض الله وجهك ابي اشوف مكتب وأسوي له تفويض بس ياغالي يعني كم بتكلفني المجموع من غير التأشيره
لأنه الاخ او الاخت الطيوف الله يجزاه بالخير تقول ٧٥٠٠ ال ٩٥٠٠ وانت تقول اتعابه 2500
اللي ودي أعرف كم المبلغ المطلوب مني بالظبط عشان أرسله الى المكتب بالهند

الله يجزاك الجنه ولايحرمك منها اخوي بعض بعض على النصيحه

اخوي ابو فهد المبلغ اللي ذكرته شامل الفيزا الفين ومن تجربة شخصية من خلال هندي نعرفه كان وسيط بيننا وبين المكتب هناك، الاخ بعض بعض أكيد له دراية اكثر بالموضوع لانه متخصص بالاستقدام من هناك ، بالنسبة الراتب ناذكرته بالسابق لكن الوقت الحالي لايرضون بأقل من٨٠٠ ريال،

اخوي اتعاب المكتب تختلف لما تجيب الشغاله انت وتكو ن جاهزه مايكلف كثير بس لو تجيبها عن طريق المكتب تكلف بحدود المبلغ الي قالوه الشباب والاخت طيوف لانه يرسل سماسره للقرى يبحثون عن الخادمه ويجيبها ويسوي اوراقها لكن لماتجيه جاهزه تريحه انتياخذ متابعة الفيزه بس وعمل الحجوزات

الله يجزاك كل الخير أختي الطيوف شاكر لكـ

أخوي بعض بعض لاهنت ياغالي ماقصرت الله يجزاك الخير ياوجه السعد

السلام عليكم ورحمة الله وبركاته
من يساعدني انا ابي شغالة هندية ، وابي اعرف كم الراتب للجديدة للعمل ، والراتب للي سبق لها العمل ، وابي اتكلفة دون التاشيرة
الله يجزاكم خير ساعدوني