محتاج استشارة بخصوص مشكلة بيني وبين من يبي شغالتي
محتاج استشارة بخصوص نقل كفالة
ومشكلة بيني وبين من يبي شغالتي الي عنده خلفية يفزع |
اكتب المشكلة هنا عشان الا عنده خلفية بيفزع لك مابقصروا
|
تم الاتفاق بيني وبين شخص بنقل كفالة عاملة منزلية متبقي لها من مدة السنتين 10شهور تقريبا
مقابل 11*000مع رسوم نقل الكفالة وذالك بعد فترة تجربة لاسبوع وبعد اسبوع تم القبول منه واعطاني خمسة الاف والباقي بعد نقل الكفالة والاسباب خاص به تم تاجيل نقل الكفالة وبعد مضي اربعة اشهر اتصل علي يشتكي من الخادمة ومن سوئهاا وقال انه بيرجعها لي وخلال ماكانت عنده عطاها راتب شهرين وباقي شهرين يقولي عطها من الخمسة الاف الي عطانيها ف الاول ويرفض نقل كفالتها ويرفض اعطائي الباقي ويرفض حتي اعطائها الراتبين المتبقيين وش الحل |
الله يعينك عليه هذا واحد نصاب وحرامي..
يمكن ما الك حقوق الحين لأنها كانت تشتغل عنده وهي على كفالتك الله يعوضك خير |
الله اعلم
الرجال قام يشتكي ولا ادري وش صدقة من كذبه حسبي الله ونعم الوكيل |
أخي نواف حياك الله
وجزاك الله خيراً على حسن نيتك وطيبة قلبك مع الرجل *** هل بينكما ما يثبت التنازل مكتوب رسمي ومصدق ؟ فإذا لا يوجد عندك ما يثبت ذلك فآنصحك بأن تأخذ خادمتك منه وتعطيها من الخمسة راتبين ويبقى عندك ألفين من الخمسة وإن شاءالله فيها البركة وآسترجع خادمتك منه بالطيب والكلام اللَّين أفضل وفي النهاية معك حق في الواقع ولكن قانونياً ليس لك حق يقدر يتبلى عليك ويظلمك ويقول مآخذها منك بالإيجار الشهري فآنتبه لذلك فخذ الأمــــر بحكمة وروية وبالتي هي أحسن ولعلها خيرة لكم في آسترجاعها ..... ملاحظة : يمكن الخادمة ما ناسبها الوضع عند الكفيل الجديد وصارت تطفشهم تبي ترجع لكم وآحسن الظن في الرجل يمكن يكون صادق والله أعلم ..... |
متابع بصمت
كلامك يمكن يكون صحيح ولاكن مو معقولة بيتحملها اربع اشهر ويوم زينت له ورقة التنازل وهو قبل اسبوعين مشغلني عليها عندي محادثات الواتساب تثبت اني ما اجرتها |
اخوي نصيحه خذ العامله والله يعوضك لان العامله على كفالتك ممكن اي شي يحصل لها تحت مسئوليتك حتى لو معك ورقه
لان ورقة التنازل صلاحيتها ثلاثه اشهر وفي نفس الوقت حاول تعرضها نقل كفاله بباقي المبلغ وخلص نفسك |
والله نفس مشكلتي شغالتي اشتغلت ثمان شهورتكرف كرف عندهم اعرفهم زين ويماطلون بنقل الكفالة يوم خلصو رجعوها لي حتي الاقامه ماجددوها بس اعطوها رواتبها هذا احسن مافي الموضوع وانا الله يعوضني أن شالله والله يعوضك
|
حسبنا الله ونعم الوكيل
درس حسن النيه ماينفع وصدق من قال ((حسن الظن من سوء الفطن)) |
لضمان حقك المفروض : عند التنازل عن الخادمة أو (العامل) خذ بالأول عربون (نصف المبلغ) وآكمل إجراءات التنازل وخادمتك عندك في البيت وبعد إنهاء التنازل ونقل الكفالة للكفيل الجديد تأخذ المتبقي من المال وتعطيه الخادمة وتكون صفة التنازل موضحة كاملةً بشروطها وبالمبلغ المتفق عليه وقيمة العربون والمتبقي وأن يكون موثق عن طريق مكتب إستقدام رسمي ....
|
ما كان ودي اظلم الطرفين
معطيه تجربة اسبوع يالله درس وتعلمنااااه |
الساعة الآن 12:09 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir