ارجو الدخول من اصحاب المكاتب خاصه والمعقبين موضوع مهم
 

السلام عليكم ،،

الموضوع يمكن مابينفع اصحاب المكاتب ولكن الواثق من نفسه وعمله وانجازه راح يرد ع هالموضوع بكل شفافيه ولتعم الفائدة للجميع ،،
السؤال عام طبعا ،، وش الطريقه لشكوى مكتب استقدام لان اغلب المكاتب يرد بمقولمة ( تبي تشتكي روح اشتك ) يعني ماتفرق معاه ولكن وش افضل طريقه حتى يتعلم اداب القوانين واحترام الناس ،،
وارجو الافادة من اللي عنده خبره بهالمجال حتى ناخذ حقنا حيث ان المكاتب مرخصه غالبيتها

توكيل محامي للقيام بالمهمة
هذي افضل طريقة

صار الواحد اذا يبي حقه بمكان معتمد ! يوكل محامي ؟؟؟؟

شيء غريب

ممكن نعرف اخي العزيز جوانب الموضوع اكثر لإفادتك بالحلول المناسبه.

بارك الله فيك اخي خبير استقدام ،،
دفعنا لمكتب استقدام مبلغ لاستقدام خادمه وباقي كم يوم ينتهي العقد والعقد كاغلبيه العقود يلزم المكتب بدفع ٣٠ ريال باليون عالتاخير ووضحنا له هالشيء لان صرنا نبي فلوسنا ماعاد نبي لاتعويض ٣٠ ريال ولا شيء نبي اللي دفعناه فصار يتحجج انها بس شويه وقت او تبي تشتكي مافي مشكله لكن الافضل تنتضرنا شوي !!
يعني لا مبالاه بحقوق الناس ،،
فأيش الطريقه المثاليه لأخذ حقي بكل يسر لان الشكوى لمكتب العمل تاخذ وقت طوييل والشرطه تقول مو اختصاصهم فما الحل الامثل ؟ حيث الكثير يعاني والفائدة لي ولغيري

اخوي مكاتب الاستقدام يفترض تابعة لمكتب العمل او شئون مكاتب الاستقدام

مافي غير مكتب العمل تقدم الشكوي عليه ..وكل شي وانا اخوك يبي له صبر

اسال الله العظيم ان يفرج همك ويسهل امورك ..تحياتي ..

اعتذر عن التأخير في الرد نظرا لسفري خارج السعوديه ....

جميع الكلام اللي تفضلت فيه لصالحك 100 ٪ ولو يهمك رأي والذي راعيت فيه في المقام الأول مصلحتك قبل كل شي . رأيي ان تنتظر حتى نهاية العقد المتفق بينكم وإذا لم يلتزم فسأكون اول من ينصحك بالتوجه لمكتب العمل اذا كنت من الرياض طريق خريص بداية طريق خالد بن الوليد واطلب مقابلة الأستاذ / الزهراني شخصيا فهو مدير عام مكاتب الاستقدام وتقدم بشكوى .

ليش طلبت منك الصبر حتى انقضاء مدة العقد لأننا مقبلين على شهر رمضان وأنا على علم بحاجتك الماسه لخادمه لخدمتك في هذا الشهر الفضيل .... أكرر اخي عليك بالصبر حتى انقضاء مدة العقد وإذا رفض حينها إرجاع حقك فلك الحق بالتقدم بشكوى رسميه وللعلم فان جميع مكاتب الاستقدام الرسميه ملزمه بدفع 300 ألف ريال تأمين لمكتب يسحب منها حق العميل عند الحاجه.

الله يسهل أمرك ويحفظك وسامحني على التقصير ....