عاجل للاهمية القصوى( سريلانكا )
 

السلام عليكم ورحمة الله وبركاته .
تعالوا نحسبها شوي
صاحب المكتب ياخذ منك 16 الف ريال عشان خادمة من سريلانكا .
بخلاف الفيزا .
السؤال كم التكلفة الفعلية لإستقدام الخادمة .
اتمنى من عنده خلفية عن الحسبة بالضبط يبلغني .
لاني بحثت عن شخص موثوق واللي هنا فيهم الخير والبركة .
لكن مرة انسرقت 17 الف ريال
ومرة جتني شغالة وما اعجبت الاهل .
لذلك انا طالع بنفسي بإذن الله تعالى .
ابغى اعرف الحسبة مضبوط وهل تخارج معي ممكن ادفع اكثر من المستحق بس اختارها على عيني .
وكيف السكن هناك والمترجم وكل معلومة دقيقة ممكن تفيدني اتمنى انكم ما تبخلون عني فيها .
شاكر لكم ومقدر .
ملاحظة مهمة :
انا بطلع بإذن المولى بعد اسبوعين من الان .
هل تكفيني 5 ايام لإنهاء جميع الالتزامات ؟

تكفون اللي عنده خلفية يبلغني

ههههههههه .

هذا زمن ,,,,,
تلقاهم كل واحد خايف على معلوماته تنقص لامن علمك بشي منها ياكثر الي يستقدمون بس ياحيل الله النفعة مابه نفعة .

إرفع موضوعك يمكن يشوفه إبن حلال ويفيدك .


الله يسخر لك ولد الحلال الي يدور الأجر.

قايدهم
الاخوان اللي يطلعون دايم لسيرلنكا عندهم خبر 100% لكن كل واحد ساكت ما يبي يقطع رزقه
لكن بإذن الواحد الاحد ان اطلع لو كلفتني الرحلة 30 الف ريال خساير كله عشان اكتشف بنفسي واعرف كل شي
تحياتي لك

السلام عيكم اخوي


طبعا انت لما تروح سريلانكا .. حتدفع اقل من مبالغ الاستقدام هنا في السعوديه بس ما هو شئ الكثير 2000 ريال تقريبا


طبعا سريلانكا ما شاء الله عايشين على الاستقدام ... مكاتب الاستقدام عندهم زي البقالات عندنا في السعوديه في كل شارع مكتب .. بس طبعا ابعد عن المكاتب غير المصرحه حتى لو لقيت اسعارهم اقل .. طبعا مترجم ما تحتاج اذا كنت تعرف انجليزي .. و الكثير يتحدثون العربيه

اذا تبغى نصيحه حلوه صغيره اتصل على رقمي الهندي او السريلانكي في التوقيع

اخووووووووووووووي برافووووووو عليك


لا تسأل قد يجيك هنا من يهول عليك الامور !!

رح وانا اخوك واسكن بفندق واطلع للسفارة على طول سجل جوازك و خذ كل المعلومات اللي تبي !

والله يوفقك في حلك وترحالك

اخوي العذر منك شي في نفسي وابي منك اجابه صادقه ؟

احلفك بالله العظيم هل انت فعلا محرر صحفي ولا انت بسمسار او لك مكتب بمعنى مالك خبره فعلا في هالامور واستقدام الخدم ؟

ارجو ان ما اضايقك بسؤالي ولك حرية الاجابه من عدمها

تقبل مروري وتقديري

اقسم بالله مالك الملك ومجري الفلك اني اول مره اعمل هذا العمل ولم اطلب من احد ان اخدمه لاني فعلاً رايح لعمل اول مره اقوم به
تحياتي

اخوي تجيب لي معك. تسوي فيني خير وفي عيالي وبعطيك. بس اقل من المكاتب. ابي مبلغ يسير وانا أختك

صدقت وارجو ان تعذرني لاني قلت لأحدى الاخوات روحي بنفسك قالت ما اقدر !

ويوم شفت موضوعك اقترحت عليها تتواصل معك !

لعلك تخدمها وترحمها من ابتزاز السماسرة والمكاتب وطمعهم !!


وحتى لا تتوقع ان لي مصلحة في ذلك


شاكر لك

ولا يهمك
تواصلي معي على الخاص

اخي الكريم

انتبه لاتدفع لاي مكتب حتى تفييز واذا حجز للخادمة حاول ان تجيبه معك على نفس الرحله وحاول تتقابل مع الشغاله وتشرط شروطك عليه وانت هناك

اتمنى لك سفر سعيداً
تروح وترجع بالسلامه

تحياتي لك

ابوسعد1974