ابي اطلع فيزا فلبينيه والا اندونيسيه ممنوع طيب الناس كيف مسموح لهم
 

السلام عليكم

للاسف حال الخدم عندنا وصله الفساد كم وصل غيره من الامور
يعني بفهم الوضع عاجبهم الخساير عاجبتهم
ياحليلنا من اول التقديم ماياخذ الا 3 اسابيع الواحد اذا بغت شغالته تروح ومابقى الا شهر توه يقدم ومايمدي القديمه تروح لا الجديده واصله والا السعر 4 اللاف مدري 5 وماشاءالله ماشين زي العسل مافيه مشاكل ولا مايحزنون

من جا وزير العمل الله يرحمه غازي القصيبي وحط بعض الانظمه بباله ليش كل بيت فيه شغاله والا ثنتين الحمدلله مو المواطن هو اللي يدفع خلاص لو الدوله اللي دافعه ممكن كملها عاد بتسكير الاستقدام من الفلبين واندونيسيا
الحين الدول الاسيويه ممنوعه وش الخيارات نيبال قريبه لي سنه ولا وصلت خادمتها وحده ثانيه سافر زوجها نيبال بزعمه اسرع يقول ولا شغاله ترضى تجي السعوديه للاسف مين اللي مشين السمعه مانعرف
سيرلانكا الله يالدنيا اول محد يجيبهم الحين ب 18 الف مع الفيزا
وش الخيارين الاسهل اثيوبيا وكينيا
المشكله هالديرتين مشاكلهم اكثر من مشاكل الاسيوين انواع البلاوي والعجز غير القصص اللي انتشرت غير احتمالية الهرب خصوصا وجود اقارب لهم مخالفين
المشكله المواطنين هم اللي تضرروا الحريم الكبار بالسن المريضات اللي عندهم اطفال مريضين او معاقيين مالي خيار يالافريقين اللي مو مضمونين يا اشتري لي شغاله اندونسيه ب 29 الف والا فلبينيه ب 35 الف مستوعبين انه هاذي اسعار قريبه للمهور عند بعض الاسر
يعني من المستفيد من الحركه هاذي للدرجه المواطن ماعاد له قيم ماكول مذموم هو مايدري يلاقيه منين والا فين
المشكله وحده تحكي لي ان قريبا راح من فتره للسفاره الفلبينيه ولاها مليانه هالمعقبين واستغرب قال وش عندكم قال نطلع فيز شغالات قال سمحوا فيه قال لا بالواسطه والكباريه
جد اذا الكباريه والمسؤليين امورهم ماتعطلت اكيد كيف بيحسون فينا وهمومنا
المشكله الامارات اسبوعين والخدامه عندك من اي جنسيه اه يالقهر لو اعرف كيف اجيبها من هناك رحت وجبتها
مانقول الا حسبي الله ونعم الوكيل على اللي يلعب بالناس واحتياجاتهم من غلاء اسعار وكل شي بالحياه

وش رايكم نطلع على وزير العمل نجتمع عنده ونشرح له نبي اكبر عدد ارجوا التصويت

صدقتي والله بكل كلمة قلتيها ، كأنك قلتي كل الي في خاطري ، الله يجزاك خير يارب ويفرجها علينا وعليكم وعلى المسلمين