تكفووووووون يالنشاما افيدوني
 

السلام عليكم ورحمة الله وبركاته

ابعرض عليكم مشكلتي والتي اتمنى اني الاقي حل او احد يرشدني

انا قدمت ع شغاله من الفلبين ووصلت الشغاله وصراحه حبوبه وتحب الاطفال بالرغم انه ماعندي الا طفله و
الا طفله واحده وبعد كم يوم قالت ابي اسافر الفلبين وصارت تسوي حركات وتصارخ
وتقول انه بها جن او مس حسب ما ترجم لها المترجم حق المكتب المهم رجعناها للمكتب وقالوا انتظ
انتظروا وانتظرنا شهر وبعدها اتصلوا وقالوا سفروها ولازم نجيب لكم بديله وتدفعون الفرق
الف ريال قلت انا معصي ادفع هذي جايه وهي مريضه والمفروض يتحملها المكتب
سواء انتم او مكتب الفلبين انا وش ذنبي وهم مصرين وانا مصره بالرغم انه في العقد كما هو معلوم للجميع اذا كانت رافضه للعمل تسفر وتدفع الف لكن وش ذنبي انا يجيبون وحده فيها مس الله يشافيها
ولا يبتلينا وانا اللي اتوهق فيها

المطلوب ماهو الاجراء الصحيح في مثل هالحالات واذا فيه شكوى اقدمها ع مين


تكفوووون افيدوني

أن شاء الله الاخوان اهل الخبرة يفيدونك

الطريقة الصحيحة

تسفر العاملة من رواتبها التي عملت لديك فيها

وهي عملت لديك شهر تدفعين للمكتب راتب الشهر وهو يشتري التذكرة منها

هذه الطريقة الصحيحة والله اعلم

يا اخوان المكتب يقول عطينا الف ريال وحنا نجيب لك بديله قلت لهم ياناس الشغاله رافضه العمل وما اشتغلت عندي وقعدت عندكم ثلاث اسابيع وبعدين المفروض انتم تتتحملون ذلك لانها جايه وهي مريضه بالمس الله يشفيها ولا يبلانا وبعدين ليش انا ادفع الف ريال وتجيبون لي بديله يا انكم تتحملون هالشيء او ترجعون لي فلووسي ورفظوا


يا اخوان اللي يعرف وش رالاجراءات ياريت يفيدني احس انهم قاعدوا يستغلون

هذا استغلال العقد بينكم 3 شهور يتحملونها في حالة الحمل او رفض العمل

تاكدي من الاتفاقيه بنفسك لايكون خدعوك واذا كانت مثل ماقلت هددوهم بالشكوى واغلاق مكتبهم

اختي الكريمة الاجراء المتبع تحاسبينهم على عمل الشغاله لديك لو حتى يوم واحد فقط

وفي حالة انهم يحملونك اكثر من رواتبها عليك بتهديدهم بتقديم شكوى لمكتب العمل كذلك عليك الاحتفاظ بتقرير الطبي الذي يبين حالتها

العقد مكتوب فيه
ان يكون المستقدم في حاله صحيه سليمه وخاليه من الامراض المعديه والمزمنه والعاهات الجسميه والعقليه !!! وهذي الله يشافيها مصابه بعاهه عقليه .
ومن ثم من ضمن الشروط
يدفع الطرف الثاني (( اللي هو انا )) الف ريال عند ارجاع المستقدم لاي سبب كان كمصاريف اداريه




لكن انا وش ذنبي الشغاله قعدت عندي اقل من اسبوووع وكل شيء فيها تمام غير هالشيء وهو انها تقول ان فيها مس وانه معمول لها عمل الله ياعفينا واخذها المكتب من عندي وقعدت عندهم تقريبا ثلاث اسابيع وبالاخير كلموني وقالوا هي رافضه العمل ولازم نسفرها والعقد اللي بيننا يقول تدفعين فرق الف ريال ونوفر لك بديله قلت لهم مابي بديله عن طريقكم يكفي اللي شفتهه وسمعته عنكم وليه ادفع الف ريال المفروض انتم تتحملون هالشيء لانها جايه مريضه وانا مالي ذنب فيها وانا احس فيه لف ودوران في العقد والمشكله انو مادققت بالعقد كويس لما جيت اوقع

صرااااحه منقهره بالمره من تصرفهم بشرط يقولون ان يكون المستقدم بحاله صحيه جيده وخلوه من جميع الامراض وفي الاخير يقولون تدفع الف ريال مصاريف اداريه وشلون مادري


ياريت تفيدوني بسرعه لا ن الوقت صار يضايقني

الله يوفق كل من يرد علي وويعطيه كل مايتمناه


تقبلوا تحياتي

ام جنا