&& طالب نصيحتكم . تأشيرتي على سيرلانكا جاهزة هل ارسلها او اغيرها للهند &&
السلام عليكم ورحمة الله وبركاته يااخوان طالب رائيكم وفزعتكم بصراحة عندي تأشيرة لسيرلانكا ونزلت موضوعي قبل فترة على هالرابط ولكن ماحصلت اجابة كافية http://www.amalh.net/vb/showthread.p...5097#post65097 وانا محتاج لخادمة باقصى سرعة ولكن مالقيت مكتب او فرد يضمن وصولها لي بسرعة يعني الوضوع متذبذب بسريلانكا .............. !! وفهد الضاحي اللي اعلانته هنا بالمنتدى كلمته ...... ونعم الرجل باخلاقة وانسان فاضل حسب ماتم بيني وبينه مكالمة ونصحني بالانتضار حتى وصوله لسيرلانكا يوم الخميس وبيشوف الاخبار هناك وبيكون بيني وبينه تواصلـــ لانه حتى هو الان ماهو بعارف جميع الامور ولافيه ووضوح للوضع عندهم ..... ومن ضمن الخيارات المطروحة اذا صارت الفترة طويلة للاستقدام حسب ماينقله لنا الاخ الضاحي بعد وصوله ان اقوم بتغيير التأشيرة لجنسية اخرى ... طبعاً اندنوسيا والفلبين ملغيها تماما من اختياري ومحتار بين جنسيتين اللي هي (( الهند , النيبال )) سؤالي لكم وطلبي المشورة والنصيحة منكم ......// هل اقوم بتغيير التأشيرة الى الهند او النيبال بماذ تنصحوني فيه وابغى الردود من واقع خبـــــــــــــــرة وليس من توقعات وجزاكم الله خير الجزاء |
الهند and النيبال
good |
اقتباس:
سبحان الله لو معرفي بأسم (( فلانه او ام فلانه او ام فلان )) كان الدخول للموضوع بالمئات والردود اقل شي ثلاث صفحات خلال ساعه لا بعد وفزعات واللي يعرض خدماته واللي يحط جواله وانا عندي وعندي وهو ماعنده ولاشي وملاحظ هالشي بالمنتدى وبكثرة .................................؟؟؟؟؟ |
اذا تدفعي 7000 ريال انا بجيبها لك بخلال عشر ايام من سيرلانكا
وربي ع ماقول شهيد |
تبغى نصيحتي ياسمارت لاتغير الهند ولا النيبال تتورط اكثر
الهنديه ماتطلع من مطار الهند نظاميا الا بشروط ياعمر كبير يا متعلمه ومعها اي سينار من الجوازات اناكنت استقدمهن ووقفتهن النيبال خذوخل في الالف وحده كويسه ياتجي تدخن ولاماتفهم ووصخه ولا ترفض عمل وياكثرهم الي يرفضون عمل كنت استقدم نيبال ووقفت الاندونيسيه والله انهن الخدم من جميع النواحي الفلبين السرلنكيه فتناميه كينيه جز القمر اتوقع اذا ماخاب ظني اثوبيا لاكن موقفه هم الخدم ولا بلاش اتقوقع فتحو مالي وكمبوديا |
اذا حبيت انا مسافر يوم الخميس
عطني رقم اتاشيرة ورقم الهوية وبكرة بسوي لها الوكالة الكترونية ويوم الاربعاء تدخل السفارة والخمس تطلع وبعدها الدفعي المبلغ بعدها اقرب طايرة طالعة لرياض راح تكون عندك ومعك ضمان 3 شهور |
الهند رائعات والنيبال أيضا سرلنكا حاليا يقال عندهم مشاكل والله اعلم. والدنيا بخير
|
اخوي المتميز المشاكل راحت ابشرك يوم الجمعة وصلو كم خادمة عن طريقي وبكرة راح تدخل مجموعة اكبيره ان شالله
|
الحمدلله وربي يسهل أمركم جميعا
|
وياك يارب والجميع
|
اقتباس:
اولاً / قصدك اذا تدفــع هذا اولاً . ثانيا / لك اعلان ان سعرك 6000 ريال . ولكن اذا المدة مثل ماذكرت مو مشكلة ولكن كما بالتعقيب رقم 5 ثالثا / انت تستقدم استقدام شخصي يعني مافيه اي ضمانات من جهتك وانا مااقول فيك شي وانشاءالله انك محل الثقة وانت تقول اقولكم اسمي وصل استلام المبلغ طيب الناس بلشانه بمكاتب استقدام نظامية ماقدرو باخذون حقهم وهي مكاتب مسجلة وعندها رخص نظامية فما بالك من شخص وين ادورة . رابعا / بحثت في المنتدى كامل عن اي شخص استقدم من طريقك او عن جهتك لكن ماحصلت الا اذا شي قديم ماقدرت اوصله الله اعلم . خامسا / مو مشكله بدفعلك انا 7000 ريال ومو مشكله انت تقول 10 ايام انا بقولك بعد 15 يوم لكن عندي شرط .... الدفع بعد الوصول وربي على مااقول شهيد ورايح تعرف جهتي عملي وبتشوف بطاقة العمل وبتعرف وين محلي التجاري بقولك عليه وكذلك موقع سكني ورايح ابصملك بالعشر على ورقة بصمة وليس توقيع انك بتأخذ حقك كامل ووافي بإذن الله .... ورايح اسوقلك بطريقتي واجيبلك بدل الواحد ثلاثة ... ولكن المصداقية قبل كل شي ... سادسا / جميع ماذكر اعلاه ليس تشكيكاً في مصداقية كلامك ولكن مافيه احد وسبق ان تعامل معك . سابعا / ارجوك لاتزعل من كلامي . ثامناً / اذا انت موافق على ماورد بردي رقم 5 بكرة رايح اعملك تفويض الكتروني لان تأشيرتي جاهزة . تاسعاً / والله اني اتمنالك التوفيق والخير في اقدامك على هالخطوة . عاشراً/ بإنتضار ردك يالوايلي . |
عندي اقتراح بس ننتظر رد الوايلي
|
الساعة الآن 06:37 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir