مشكلة تأشيرتين رفض عمل ؟ في حل ساعدوني
 

السلام عليكم اخواني
أنا تعاملت مع مكتب استقدام عماله بنجلاديشيه وأخذوا مني 15000 ريال
جابوا الاولى كبيره ومريضه وارفضت العمل بعد أسبوع بحجة اشتياقها لعيالها وحاولنا بكل الطرق ومافي فايده رضينا بالهم والهم مارضى فينا المهم خلصت اوراقها وعطاياها قيمة الأسبوع وسفرتها بعد هروبها من مكتب الاستقدام وأعطوني مكتب العمل تأشيره بديله وجابولي المكتب وحده بديله عن اللي سفرتها

امس وصلت واليوم قالت تبي ترجع ديرتها حاولت الى الان اقنعها وجبت مترجم وبكل الطرق تبي ترجع حق زوجها
دوبني كلمت المكتب قالوا جيبها بكرا ونتفاهم معها
وانا عارف انها مستحيل تغيير رايها لأَنِّي حاولت بكل الطرق وهي مصممه ترجع وماتبي تشتغل
تو كلمت المكتب وقلت له في حالت رفضها وش الترتيب وقالوا م نبي نستبق الاحداث بس لو افترضنا انها مو موافقه تشتغل
انت مالك بديل وفلوسك الله يعوض عليك طبعا أنا مو مقتنع الغلط مو مني كيف تضيع 15000 زي كذا

ابي حل الله يخليكم وإذا عندكم خبره وش المفروض أسوي ياليت تفيدوني

للمعلومية المكتب اتضح لي انه مكتب خدمات عامه ومتعامل مع مكتب اخر في منطقه اخرى
يعني اللي استقدم مو المكتب اللي أخذ فلوسي

وهل هذا الوضع مافي إشكاليه تصب في مصلحتي في حالة عدم إرجاع المبلغ؟

اخي النظام يحفظ حقك

الطريقة
تدخل موقع انجاز
https://enjazit.com.sa/Enjaz/GetVisaInformation/Org
وتدخل رقم التاشيرة البديله ورقم هويتك ويطلع لك المكتب الرسمي اللي تعاملت معه
في حالة ان البديله الثانيه ولم تصلح من حقك يعاد لك المبلغ كاملا

كل ماعليك هو اخذ عقدك وصورة من موقع انجاز وتمر اقرب مكتب عمل ويطلبونه ويعاد لك المبلغ

https://visa.musaned.com.sa/#/portal/complaints
حق لك اخي