خادمتي الفلبينية زوجها بالرياض و كل اسبوع تبي تشوفه
خادمة فلبينية مسلمة نقلت كفالتها من مكتب استقدام قبل خمسة شهور، جدا جدا ممتازة من ناحية الطبخ وشغل البيت والتنظيف وحتى الاهتمام ببنتي (عمرها سبعة اشهر). لكن المشكلة طلعت لي هالاسبوعين بموضوع ان زوجها بالرياض (عامل بشركة) وتبي يوم بالشهر تطلع له قلت لها يصير خير وسحبت عليها ، واللحين غاثتني تقول ابي بالعيد اروح له لو يوم - طبعا انا طلبت منها انه يجيب اوراق تثبت انه زوجها - وتقول موجودة الاوراق .
بصراحة انا ما احب حركة انها تطلع مع زوجها ، خير ان شاء الله تخيلو لو حملت منه :confused: اخاف اقول لها لا وتقلب على بنتي بحكم اني موظفة بمستشفى ودوامي طويل ولا تنحاش ... ما ادري وش اسوي ؟ :( ايه وغير كذا تقول انتي وصليني الين المكان (الشقة ) واذا تبين تدخلين معاي تتاكدين تعالي واذا خلص اليوم تعالي خذيني من نفس المكان! تقول ان في نفس الشقة فيه اللي فيها زوجها تقول بيجتمعون شغالات فلبينيات من اقاربهم بالعيد (عشان كذا تبي تروح) قلت وشلون يعني هم شغالات ؟ قالت ايه ، قلت طيب يعني كفيلهم بيخليهم يطلعون بالعيد ؟ قالت: هم كفلائهم يحبونهم لانهم خدمو عندهم فترة طويلة ومااعطينهم فيزا ويجددون لهم كل سنه. قلت طيب كيف ياكلون ويشربون ؟ قالت: يشتغلون بالايجار بالشهر واليوم :eek: - طبعا انا ما صدقت كلامها ومتاكدة انهم هاربات وهذا الفلبيني مااخذهم عنده وياجرهم بالشهر ويتكسب من وراهم. تخيلو لدرجة انها تقول لي ان وحدة من ذولي الخدامات ولدت ، قلت وشلون بمستشفى ؟ قالت لي لا ، فيه فلبينية نعرفها تشتغل بمستشفى وتجي بالطلب ومعها كامل عدتها وتولد وتاخذ فلوسها وتمشي !! تخيلو .. مرا انصدمت من كلامها .. عايشين وفالينها ولا احد داري عنهم. ارجو الاقادة ؟ هل ابلغ عليهم وكيف ولا وش اسوي ؟ |
أنا أشوف إن الأفضل انك تبلغين عنهم واللي صحيح زي ماقالت معها إقامة وسامح لها كفيلها بيتركونها
واللي مبلغ عن هروبها بيمسكونها بس يكون بطريقة ماتعرف انها انتي علشان لاتضرك وتضر بنتك يعني بلغي وهم يقولون لك وش تقولين لخدامتك وتتفقين معهم على خطة معينه لاتلفت انتباهها بأنك انتي المبلغة وهذي إذا زوجها صحيح ممكن تتأكدين من ألأوراق الثبوتية اللي معها من سفارتهم وبعدين تصرفي بما نرينه والله يعينك عليها فلو انها بتزور زوجها مرة بالشهر وترجع مافيه مشكلة لكن المشكلة لو راحت وهربت هنا المشكلة . فيه ناس عندهم شغالة تروح لزوجها مرتين بالشهر . الفلبينيات ممتازات بالشغل بالبيت لكن مشكلتهن يبغون الخروج وزيارة اصدقائهن متلهن مثل اللي شغلهن في اماكن اخرى وهن الخياطات والممرضات يعني مايفرقون ويقولون هم غيريشتغلون في مؤسسات واحنا غير نشتغل خادمات في منازل ولنا نظام مختلف عنهم . |
هههههههههههههههههه
ضحكتيني انك ناوية تبلغين على اساس الشرطة بتجيك ركض يعني والله ان يقعدون كل قسم يحولك على قسم ثاني وكل واحد يقول مو من اختصاصي اذا ناوية تبلغين بلغي الاسود <<<<<< الهيئة يعني هم اللي بيجونك ركض وينفضونهم نفض |
نصيحة لاتعارضي الخادمة
مايخالف عطيها اجازة افضل من الهروب والخسارة الكبيرة وبكرة تستاجري شغالة ب 3000 الاف بالشهر |
انا اقول بلغي الهيئه وشوفي ش قصتهم
هذول مشكوك فيهم!! |
انصحك بلغي الهيئه افضل لك واذا راحت خدامتك اول مره بيمسكوها هناك
وبكذا انهم مراقبين من زمان وبكذا ماتخسرين خدامتك والهيئه ماراح تسمح لاتجمعهم خاصتن يكونو ماهم محارم وحرام مايجوز بس انتي فهميهم وضعك وخلي خدامتك تروح ع اساس انك سامحه له وحتى لو يطلع زوجه يمكن تنحاش معاه ويشغله شهري ويربح هو وياها وانتي خسرانه اقول اتكلي ع ربك وبلغي واتفقي مع الهيئه يتبعوكم وزوجك معاك ونزلوها ع اساس ماتعرفي شي انتي وحطي معها جوال اول مايتقابلو تدخل الهيئه عليهم وانتي بتتصل خدامتك وتباغ عنكم انكم انتم الكفلا لها وبكذا ماتخسرين والساكت عن الحق شيطانن اخرس وغلط تسكتين قولي موافقه وخططي خليك اذكئ منهم |
كلام سليم
اقتباس:
|
اقتباس:
الله يعطيكم العافية .. وماقصرتم كلكم |
اقول الستر احسن
والله بحاسبهم اذا هم مخطئين بس اذا حولها واحده ايجار الشهر 2000 ريال ، اكون شاكر لك 0509239889 |
كلام الشباب هو الصح بلغي الهيئه افضل
لا بكره يصير لشغالتك مشكله ولا مرض من هالجمعات الي كلها فساد ويرجع ضررها على بيتك وبنتك وهذا العمل من امن وحفظ الوطن اتمني لك التوفيق |
الساعة الآن 05:59 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir