استشارة ربي يحميكم
 

السلام عليكم
بستشيركم بخصوص موضوع السائق الخاص
وش السلبيات المترتبة من ناحية النظام
يعني انا مضطر اضطرارا اني اجيبه
لكن البعض خوفني بسالفة انه يقتل احد وانا المسؤول
او يصدم وانا المسؤول
او مخالفات ساهر
او يهرب
أو أو أو

وش الشي اللي انا مسؤول عنه واتحمله
و وش الشي اللي لو فعله انا لا اتحمل شي ولا اتمرمط في الدواير الحكومية بسببه


افيدوني بارك الله فيكم
لان السواق بيجي هالايام ولولا الضرورة ماجبته
وعلى كفالة الوالد والوالد كبير بالسن
يعني لو سلبيات الاستقدام كبيرة الوالد مافيه شدة على مرمطة الدواير الحكومية

والله ياخوك السواقين شر لابد منه

ولكن وانا خوك مادام هناك تامين ساري ومعه رخصة قياده ماعندك مشكله من ناحية الحوادث او غيرها

وبالنسبه للهرب مافيه خوف بعد التصحيح العماله قضبت القاع وتبي السلامه

وبالنسبة لساهر والمخالفات سو تفويض قياده باسمه عن طريق موقع وزارة الداخلية ونه هو المسؤل او عن طريق المرور

طبعا عندما يعلم العامل ان كل خطاء متعمد منه او حادث لاسمح الله بخطاء منه هو يتحمل المسؤولية ودفع المال هاطريقه متبعه مع عمالي ( طبعا للتخويف والا بالاخير انا ادفع المبلغ لو صار شي لاسمح الله ) والحمدلله كل امورهم عال العال وسواقه راكده ولاحوادث ولله الحمد

اتمنى افدتك ببعض الشي

اخوي الغالي اي عمل يرتكبه السائق وفيه مسؤليه تجاه الغير لست مسئول عليه بحكم انه هو من ارتكب العمل ...

مسئوليتك تنحصر في ان يكون لديه رخصه نظاميه واقامه ..وفي حالة وجود اي سلوكيات معينه لها اضرار بالمجتمع تلاحظها عليه ان تقوم بتسفيرة او ابلاغ الجهات المسئوله ..

بالنسبه للتامين حاول تغطية السيارة بتامين علي السيارة او تامين سند بلص لدي التعاونيه وذاك تجنبا للمشاكل مع الاخرين ..

ودئما وانا اخوك احسن النيه بالاخرين والعاملين لديك وتوقع منهم دائما الايجابيات وليس السلبيات ..تري نسبة السائقين الغير منظبطين قليله وقليله جدا مقارنه بعدد السائقين الموجودين بالمملكه ..بالعربي اعقلها وتوكل ..

وأضيف على كلام الاخوان :
ان تقوم بتوضيح وشرح أنظمة وقوانين البلد والعقوبات في حال ارتكاب خطأ
وإذا مايعرف عربي : اطلب المساعدة من احد بني جلدته للترجمة

وبالتوفيق