استفسار مهم عاجل ياهل الخبرة
 

السلام عليكم ورحمة الله وبركاته

اخواني عندي استفسارات تدور بموضوع الاستقدام علماً بأني اول مرة افكر بالاستقدام وابي احد يشرح لي الاشياء بالتفصيل

انا اعزب وحبيت استقدم عاملين من الهند مهنة سائق خاص سالت مكتب قال تقدر تطلع سائقين خاص
بشرط راتب لايقل عن 8000 او كشف حساب لايقل عن 80000 وطلب مني صورة بطاقة الاحوال + تعريف راتب جاني الفضول اني اسجل في مساند قبل لا ارسل له الاوراق وسجلت وحاولت استخرج تاشيرة سائق خاص تم قبول التاشيرة الاولى وتم رفض التاشيرة الثانية ب لايمكن للاعزب استقدام نفس المهنه
اتصلت ع المكتب قلت رفضو يقبلون التاشيرة الثانية سائق خاص قال انت سجلت قلت ايه قبلو التاشيرة الاولى قال ايوه طلع الثاني عامل منزلي قلت انا كلمتك من قبل ابي سائق خاص تاشيرتين المهم ما اطول بالموضوع سددت 4000 تاشيرتين وطلعت وحدة سائق خاص ووحدة عامل منزلي وتم قبول الطلب في مساند
عندي استفسارات كثير ابي احد من اهل الخبرة يشرحها لي
وش الخطوة اللي بعد طلب اصدار التاشيرة برقم صادر في مساند
ابي الخطوات بالتفصيل لين اجيب العمال
والاستفسار الثاني
عامل منزلي اقدر اخليه سائق خاص واطلع له رخصة خصوصي
افيدوني وجزاكم الله خير

سبحان الله صدق ديرة حسد حسسسسسسسسد
ع كثر ماشافو الموضوع ولا احد رد كله حسسد
الرازق الله وتاكد مابيجيك الا المكتوب علمت اخوك المسلم والا ماعلمته مراح انافسك ع رزقك لانه مكتوب لك
كلن يحاول يرفع موضوعه حسد ومحد يرد ع الاستفسار
لايؤمن احدكم حتى يحب لاخيه مايحب لنفسه - ياليت تتأملوها وتفكونا من ,,,,,