مكتب معتمد يماطل فينا ايش الاجراءات اللي نتخذها ؟
 

السلام عليكم
سبق وكتبت انه مكتب معتمد اعطيناه تاشيرة عامله من بنجلاديش وقال انه مدة الاستقدام من 3 ل 4 شهور كحد اقصى وطبعا جابها بعد 7 شهور وطلب المبلغ بدون كتابة عقد ورفض لان سعره اغلى من السعر اللي مقررينه وزارة العمل
وجت الشغاله وطلع عندها حاله نفسيه وانفصام وتم تسفيرها شهر 6 هجري واحنا الان شهر 11 ومن ذاك اليوم واحنا نطالب ببديله وهو يماطل كل مره يعطينا موعد مختلف قال بجيبها قبل رمضان وبعدين قال بنص رمضان تكون واصله وبعدها قال يبون رمضان مع اهاليهم بعده على طول تووصلكم والى الان كلاااام بس والفلوس عنده
وعندي تقرير طبي من دكتور نفسي انها مريضه جداً وعندها انفصام ولا تنفع للشغل وايصال البنك


هل اقدر اشتكي عليه بمكتب العمل ويرجعون حقي بالتقرير والايصال البنكي ؟

افيدوني الله يجزاكم الجنه علما انه صارله سنه وشهر من وقت ماعطيناه التاشيره الاولى

والله اخوي اعتقد طالما مابينك وبينه عقد صعب مطالبته لانه ممكن ينكر كل شي...

راي الشخصي المحاوله معه مره بالضغط ومره باللين ومره بالاسلوب الزين ..ممكن يحس ويستحي علي دمه..عطه مهلة اسبوعين

واذا مانفع معه شي توكل علي الله وقدم الشكوي بالايصال والتقرير منت خسران شي ممكن توصل لنتيجه ...وربي يعوضك خير ..