عمالة, خادمات, العمالة المنزلية - احذروا مكاتب التنازل عن الخادمات مع بعض النصائح ....

بسم الله الرحمن الرحيمن

السلام عليكم ورحمة الله وبركاته ،،،

لقد مرنا علينا وقت واضطررنا به الى البحث في مكاتب التنازل عن الخادمات لعلنا نختصر وقت الاستقدام ولو بمبلغ زيادة .

لفينا في اكثر من عشرة مكاتب وشفت العجب العجاب ، من الملاحظات :
1 - فيه بعض المكاتب مقعد الخادمة وشنطتها معها ( يعني جاهزة تروح مع الزبون على طول قبل لايهون ) .
2 - بعض المكاتب يعطي الشغالات سبحه ومصحف وتحس فيهم الايمان والخير ( والخافي اعظم )
3 - بعض المكاتب تحصل الشغالة حاطة بعض مساحيق المكياج الي ماله داعي ابد .
4 - وجدت خادمات شكلهم مريضات وطايحات ومتسدحات بشكل مقزز ويالله ترفع راسه .
5 - بعض الخادمات السانها اطول من السان صاحب المكتب وهي الي تاخذ وتعطي بالكلام .
6 - بعض الخادمات تشترط وتسأل كم عدد بيبي وبيت صغير ولا كبير ومتى انام ومتى اصحي انا مايبي شغل زيادة .
واشياء كثيرة لا تحضرني حاليا .

من الاشياء التي يلزم التنبيه عليها وبعض اصحاب المكاتب يخفونها على الزبون :

1 - يلزم معرفة عدد نقل الكفالات السابق للخادمة لان النقل لاول مرة ي 2000 وثاني مرة 4000 وثالث مرة 6000 مثل وعندما تنقلها انت وترغب التنازل عنها فانك سوف تخسر 8000 ريال .

2 - اذا باسمك خادمة سابقا ونقل لك المكتب خادمة اخرى يطلب منك 500 ريال زيادة ، وهذه ليست من حقة لان النظام يسمح بنقل الخادمة الاخرى .

3 - تاكد ان الخادمة لم يمضي لقدومها اكثر من سنه لانهم غالبا بعد السنتين يطلبون السفر .

4 - لاتاخذ الكبيرة بالعمر والتي لاها باع طويل بالمكاتب والتنقل بين البيوت او التي مضى لها وقت طويل متكية بالمكتب حاطة رجل على رجل .

ليس كل المكاتب سوى ولكن هذا من ملاحظاتي على البعض . وهناك الكثير سنذكرها لاحقا اذا سمح الوقت .