|
اي غُبن و أي ظلم وأي استغلال هذا ؟؟؟
لم اتوقع يوماً انني سأكتب قصة او ماشابهها في منتدى
ولكن مامررت به ليلة البارحة و اليوم امر سيء لايمكن السكوت عنه يا أحبه قبل عامين و اربع اشهر بالتمام سافرت خادمتي الاندنوسية و بدأت سلسلة بحثنا عن خادمة نظراً لعملي ووجود اطفال فالمنزل وحاجتي الماسه لها و مررت بعارض صحي يتطلب وجود خادمة حتى وان كانت عمره او هاربة واخذت بالاتصال على اغلب الارقام التي زُودت بها ولكن لم اجد مبتغاي منذ عام لم اوفق ابداً في الاستقدام بعد انتظار عام على استقدام فلبينية لم يتمكن المكتب من احضارها و جلسنا قرابة الاربع اشهر في مماطلات لاسترداد المال و التأشيرة و بعدها غيرت لكينية وعند تفييزها اكتشفت انها مسيحية و بعدها ... تم استرداد الكينية و تغيير الديانه والى لحظتنا هذه لم يستجد جديد ارجع لموضوع القصة اتصلت بي سمسارة اندنوسية تقول تبون شغاله ؟؟ وانا الان والله العظيم لو تريد الاندنوسية العمل ب800 لا اريدها حالياً فقلت لها ابي اعرف وين وصلوا من نصب ؛اي.. عندكم ! قالت وش نوع بيتكم فيلا و الا شقه قلت شقه و صغيرة بعد قالت بدون مطبخ 2700 و مع مطبخ 3200 قلت لها من فين جبتوا رقمي ؟؟ قالت اتصلتوا اول تبغون قلت لها هالكلام من سنه قالت عاد الان لقيت لكم ؟؟؟ ليه وش بتشتغل هالشغاله ب2700 او 3200 ماةملت كلامي وسكرت في وجهيً اللي يلف في بالي الان و يدور اللي بتشتغل في فيلاراتبها 5000 مثلاً !!!! وش ذا القهر و الاستغلال افتحوا لنا جنسيات زينه و سهلوا امور الاستقدام وش ذنبنا احنا اللي نبي نمشي بالنظام ونبي عاملات على كفالتنا؟؟؟ نجلس كذا في قهر المكاتب واستغلال السماسرة!!! والخطر الاكبر من ايواء متخلفين العبارة هنا تنص على التالي من أمن العقوبة اساء الادب و مسؤولي الاستقدام حدوا الناس عليهم و هم استغلوا هالنقطة بصراحة ودي اسوي كمين و امسكهم كلهم استغلونا لا بارك الله فيهم |
المعذرة على الاخطاء
فالموضوع ارتجالي كتبتة من الجوال |
والله صادقه بكل حرف وحاسه فيك لاني مثلك في معاناه
حسبي الله ع من تسبب في الازمه وحسبي الله ع كل مسؤول يشوف هالفوضي وساكت الله يعين كل محتاج اجبرته الظروف ع الخدم ياليت تخبري عنهم وينمسكون ويكونوا عبره لغيرهم |
اه يا القهر
لا تشكي لي ابكي لك كلنا على ذا الحال و اردى حسبي الله على اللي سبب ازمة الشغالات و الاستقدام نلقاها منهم و لا من الوزاره و قراراتهم التعسفيه اللي ما تنتهي و اللي يقهر اكثر الفلبينيات على طول فترة انتظارهم و على غلاء تكلفتهم ما يجلسون عندك اكثر من سنه و تخترع لها اي حالة وفاة عشان ترجع بلدها حسبي الله عليها و نعم الوكيل خسرتني وفوق هذا تكذب عشان ترجع بلدها ماراح اسامحها و لا اسامح المكتب اللي يجيب شغالات مالهم رغبه بالعمل |
حاسه بكل اللي تقولونه لأني مريت فيه
و مريت بأسوأ بعد وما الله به عليم لكن ماقول غير ماقال سيدالبشر محمد ابن عبدالله عليه الصلاة والسلام ( اللهم من ولي من أمر أمتي شيئا فشق عليهم فاشقق عليه ومن ولي من أمر أمتي شيئا فرفق بهم فارفق به)) اللهم شق عليه اللهم شق عليه اللهم شق عليه من كل قلبي ادعي |
استغفر الله العظيم
|
حسبي الله ونعم الوكيل
قصتك مشابهه لي كثيييير ليش وصلنا لهذي المرحله مهزلة واستخفاف لا عقاب ولا قانون يردع بصراحه ملينا وتعبنا من هالحال خساير نفسيه وماديه وليته ع شيء يستاهل الله لا يبارك في اللي كان السبب |
حسبي الله ونعم الوكيل
|
حسبنا الله على من سبب لنا هذه الازمه واجبرنا على الخدم المتخلفين
|
مرحبا اختي..بالحرف الواحد من يتبع النظام في البلد أعتبره مغفل وبدرجة إمتياز..ليش اتبع النظام والنظام في صالح العماله والمتخلفين أكثر من المواطن..؟!!!
كلمه أخيره لو بغيتي النظام يخدمك اختاري خادمه من آي جنسيه وحاولي تبعديها عن منطقتها التي اخذتيها منها الي مدينه أخري ولاتعطيها اكثر من راتبها الشهري وانسي أمر اللي أخذتيها منه وخاصه لو كان أو كانت وافده 👍👍👍 |
انا اتعامل بإنسانيتي اللي علمني عليها ديني قبل كل شيء
لا اسمح لنفسي ان اعامل الخدم بهذه الطريقة خوفاً من الله اولاً و تطبيق للنظام ثانياً الحق يقال خسرت خلال سنتين قرابة ٥٠ الف ريال رواتب لكن حسبي ربي و كفى وان اسامح من كان السبب |
اقتباس:
|
| الساعة الآن 05:44 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir