استفسار بخصوص سواق غابني..ارجو المساعده
 

السلام عليكم ورحمة الله وبركاته

السالفه يا اخوان عندي سواق هندي بيكمل الحين ثلاث سنوات عندي

جلس سنتين وبعدين شرط علي اذا ابيه يرجع ارفع راتبه الى 1400 ويضمن لي يجلس سنتين ثانيه حتى لو لقى عرض بعشرة الاف ريال وفعلا وافقت وبعد ست شهور من رجعته لمح انه ما يبي القعده وبعد الاخذ والعطا قال لا خلاص بيكمل سنتين بس امس تفاجأت انه يقول يبي يروح الهند لانه لقى وظيفه هناك براتب زين وانا بصراحه تضايقت لانه نقض الاتفاق اللي بينا وبنفس الوقت قلت هذا رزقه ويبي قريب من عياله

بس اليوم اكتشفت ان سواق نسيبي بعد قايل نفس الشي يعني شكلهم لاقين احد يضفهم براتب اعلى واخترعوا هالسالفه وبصراحه قهر يجيك السواق دبشه ما يعرف شي حتى السواقه انت اللي تعلمه وبعدين يجي واحد ثاني ومقتدر اكثر منك وياخذه جاهز قسم قهر

سؤالي الحين الشكوى لله بسوي خروج للسواق بس ابي جوازه يختم ما عاد يقدر يجي السعوديه والخليج كله بس شلون اسوي هالحاجه!!؟

ارجو مساعدة واحد مغبون

غابني = قاهرني

مغبون= مقهور


الله يكون بعونك ويخلف لك خير منه

ترى كل الخدم هذي طريقتهم وتعودنا عليهم
نعلمهم وندربهم ويروحون لغيرنا

العوض من ربي

الغدر بدمهم

وانا مثلك جالسين ندرب واحد صتيمة وخسرنا فيه يوميا 100 ريال للمدرب
ومدري ينجح في دلة او لا
وبالاخير بيسوي ألعن مما سوى سواقك وبنتقابل هنا بالكنتدة نتشاكى
حسبي الله نعم الوكيل اصلا مايقوون الا عالحريم والا لو رجال بيصفقه
بذاك المخمس ينسيه كلمة بروح الهند الا بالوقت المسموح له فيه

ليت والله فيه طريقة تخليهم يطسون بدون رجعة لكن ماأتوقع لانه غير هارب

قبل أربع سنوات كان عندنا سواق أندونيسي فاهم

كان كثير يعرضوا عليه راتب أعلى بس الحمدالله كان أمين ويرفض ..

أما عن سائقك فأحتسبه عند الله وسفره خروج ورزقك عند رب العباد ... يمكن يكون صادق في كلامه والدين يقول أعطي أخيك المسلم 99 عذر ..

وبعد ما يروح يمكن تصير له ظروف تخليه يبحث عن عمل بالسعوديه ثاني

وبطريقتك تكون قطعت رزقه ... خلي الحساب لرب العباد ..

نصيحة لك تتقبلها أو ترفضها ..

الشركة ياخت الشواق نصابة واكلت فلوس الناس واختي من ضمن اللي اكلو فلوسها وقالول لها مع السلامه