|
استفسار عن الجوال للشغالات وافضل جوال للخادمه
السلام عليكم و رحمة الله
عندي شغالة فلبينيه اول ماجت طلعت لها شريحة ع اساس تتشتري بطاقات شحن وتكلم اهلها واكتشفت بعد فتره انها تشحن الجوال نت وقالت مافي مشكلة دامها تشتغل المهم انها صار الجوال عندها ع طول تستخدمه وتخلص الشغل بسرعه وتروح تسولف فيه وبالفيديو وقلت ماعليه اهم شي تشتغل وفي مره واحنا نمشي وفي مكان زحمة طلعته وجلست ترسل عصبت عليها واخدته منها واكتشفت انها عندها قروب شغالات من كل مكان وان عندها محادثات كثيرة مع رجال ومن ضمنهم سواقنا وعايشة قصة حب مع واحد فلبيني مدري من وين المهم اني اخدته و قلت لها بشتري لك شريحة ثانيه باسمك وجوال بدون نت بس انا حابه اعرف ايش حقوقهم بما يخص الجوال ؟؟؟ اكون شاكرة لكم لو تفيدوني |
ياليت احد يساعدني بالرد
|
وعليكم السلام ورحمة الله وبركاته
الخادمة الفلبينية لن تستمر معك بدون جوال فيه نت لانهم جميعا متعودين على التواصل ويعتبر عمل ترفيهي لهم عموما بلغي الخادمة بأن الانظمة في السعودية تعاقب من يستخدم الجوال او يكون هناك علاقات تجيب لك المصائب وانهم يستغلونك يعني خوفيها وايضا حذروا السواق . وانتم خلكم حذرين من عدم ترك باب المنزل بدون قفل واجعلوها تحت المراقبة |
سيتم نقل الموضوع للقسم المناسب ليشارك الاخرين
|
ليش تعطينها الجوال
ولا وحدة من شغالاتنا اللي اشتغلوا عندنا مسكت جوال معها حتى اللي تجيب معها جوال ناخذها منها وكل شهر نشحن لها نعطيها تكلم الشغاله مايصلح تمسك الجوال تروح تمشي نفسها بالشغل يصير شغلها سريع سريع مشي حالك عشان تكلم مهما كانت جنسيتها هي جايه تشتغل مو على كيفها تمشي كلمتها عليتس خلي كلمتك هي اللي تمشي حتى لو محتاجتها لا تورينها انك محتاجتها واذا عيت تشتغل قولي يلا عالمطار اقاربي عندهم فلبينيات ومامعهن جوال والله كارفاتهن زي الشغالات الثانيات حتى لو تقولك انا فلبينيه قولي ادري انتي شغاله فلبينيه وجايه تشتغلين لا ترضخين لها بكرة تصورك وتصور بيتكم |
احترت والله ناس تقولي خديه منها وناس تقول عطيها اياه
انا ابغى اعرف ايش مكتوب في العقد عادة لهم جوال ب نت والا ايش بالضبط |
اختي مكتوب بالعقد انها لها جوال بس على حسابها الخاص يعني هي تدفع الفواتير
والله يا اختي من تجربة ٤ فلبينيات أقول لك بدون جوال ما يقعدون الحل اللي اقترحه عليك خذيها لشركة stc وطلعي لها شريحة باقة ٣٠ ريال شهري وخلي حدها الائتماني ٤٠٠ على رقم أقامتها وباسمها وخليها تفتح البيانات من عندها بتجيها الفاتورة ضربة تأدبها انا سويت كذا مع اخر شغاله عندي الحين بس للأسف كسرت خاطري وعطيتها رمز شبكتها وياليتني ماعطيتها صارت الحيوانه تهددنا بالسفر اذا فصلنا عنها النت قلت لها هذا فلوسنا بنعطيك كرم مننا ما نعطيك تنطمين مو حق لك الحين أقول لها افتحي بيانات بشريحتك رافضه تقول ودّوني السفاره انا حالياً كرهت هاذي الجنسيه مهما تسوين فيها خير ما يثمر فيهم يجون بالبداية بس حبوبين ثم يستلعنون |
حبيت أقول لك وعلومه انا عرفتها من مكتب استقدام توضح ان الفلبينيات جايين يشمون هواء عندنا ويرجعون
يقول ان الخادمة لما تروح تطلب عمل ويجيها عقد بالسعوديه وتوافق عليه المكتب يعطيها مبلغ يقارب ٥٠٠٠ ريال من تكاليف الاستقدام هذا المبلغ تستلمه وهي هناك لها ولأهلها ومفهمينها حبت تشتغل كان بها ما حبت عادي ماعليها اَي التزامات ماديه لذا الحيوانات يقبلون بالعقود يجون هنا كم شهر وكل ما دق الكوز بالجره قالت برجع . انا تخيلي جبت ٣ عاملات خلال سنه واحده مع العلم اني ما أمنعهم عن النت نهائياً بس أمنعهم عنه خلال عملي حتى تنتبه لأبني وما تنشغل اول ما أرجع البيت يشتغل النت عندها وبرضو ما جلسوا وحده ٤ شهور وسفرتها وراحت فلوسنا خساره والثانيه يعطيها العافيه من اول اسبوع قالت برجع بس عوضني المكتب بديله لها لها شهرين عندي واليوم بس فصلت الشبكة قالت بسافر ��. المكتب ينصحني انقل كفالتها بس انا اشوف انهم ما يستاهلون فرص غير اني ابلي الناس فيها . واللي يقهر اكثر ان اللي تسافر ترجع مع ان المفروض السفاره السعوديه ما تفيز لأي وحده ما كملت عقدها سنتين لأنهم غير جادين واحنا بالمواطنين مالنا حقوق عالأقل يصير عقاب لها انها ما ترجع مره ثانيه عشان ما يتورط مواطن فيها . |
هيا في العقد من حقها يكون عندها جوال ولكن جوال عادي بدون كاميرا ولا نت، بس ليش الشغالات صارو يتمادون ويتشرطون يبون جوالات فيها نت لان بعض الاسر يسمحو لخدمهم يستعملو النت ف طبعا بقية الخدم رح ي**رون ان هذا حق من حقوقهم، عموما هي لو محتاجة شغل مارح ترفض العمل لو منعتي عنها النت عشان كذا الافضل دايما تستقدمون الشغالات اللي ما سبق لهم العمل، للاسف خادمتنا شغلها سيئ و دايما ناقص وتنسى كثير لان بالها مشغول مع جوالها وتخلص شغلها بسرعه عشان ترجعله بس لما نهددها انو رح نفصل النت عنها تخاف وترجع تشتغل كويس بس اسبوع وترجع لنفس حالتها، ف الافضل دايما اول يوم توصل عندك الخادمه تفهمها ان النت ممنوع وانو مسموح لها جوال بدون كاميرا او نت تتواصل فيه مع اهلها وبس
|
ياختى الخادمه من حقها جوال ولكن لو اصدرت لها اقامه سجليه باسمها عشان لا يجيكي اي مسؤليه ومادامها بتشتغل ما عندك مشكله
|
العماله الفلبينيه من واقع خبرة لازم تكون واضح معهم وتضع لهم حدود .ترك الامور للعواطف ياكلونك بقشورك ...
الجوال استخدامه لهم ليس للتسليه ..استخدامه للتواصل مع اقاربهم باوقات محددة مثلا وقت انتهاء العمل وبمكان محدد اللي هو مكان نومه او غرفته... الاتفاق من البدايه علي اليه معينه مهم جدا والعامله تضطر للعمل بموجبه ...حتي الجوال يجب الايكون محمول طوال الوقت بالبيت ..الا في حالة الخروج.باقي الوقت يكون بغرفتها تستخدمه وقت الحاجه لللاتصال ... العامله لازم تفهم انها جايه للعمل فقط وليس للتسليه او التواصل بالفيس بوك او الواتس مع الاخرين ... لكن فعلا احيانا تصطدم بعينات تعودو علي وضع معين او هم مايبون يفهمون المطلوب ... |
| الساعة الآن 01:38 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir