|
لماذا لايطبق نظام العمل الجزئي .. يعني بالساعه بالنسبه للخادمات ...!!
المجتمعات تختلف بيئتها وطرق معيشتها وتعاملها مع شتي مجالات الحياة ..من مجتمع لاخر .. في اوربا نظام الخادمات بسيط جدا ..تستخدم للمساعدة فقط ..اما بالانتباه لطفل صغير ساعات معينه من اليوم ..او في غسيل وكي ملابس فقط ...او لاداء وجبات بسيطه ومحدده .. طبعا قد يكون لحجم البيت دور بالموضوع ..حيث الاحجام الصغيره جدا وايضا لقلة افراد العائله الواحده حيث لاتتعدي بالغالب عن ثلاثة ... لكن تعالو نشوف المجتمع الخليجي وااه من هالكلمه ..لازم الخادمه تقوم اول الناس ولازم تنام اخر الناس يعني كنها تشتغل نظام ورديات يالله ياكافي ... طبعا غير حجم العمل سواء بالغسيل او الكوي او غسيل الصحون او اعداد الغذاء والعشاء او حتي في تنظيف البيت ..اللي لازم من اوله الين اخره بحماماته وسطحه واحواشه .. هذا ماكان وصلت للشارع ونظفت السيارات وقصت شجر الحديقه ... بصرااااحه شي يتعدي الوصف والخيال ...هل نحن شعب لانرحم ..هل نحن ناس غير منظميين ..ولا ودنا نحلل الراتب .. بصراحه شعوبنا تخاف الله بالسر والعلن ..وغالبيتهم قلوبهم طيبه ورحيمين ..ولكن ولكن ...!! المهم جا علي بالي لماذا لاتقوم مثلا ربة المنزل بترتيب وتنظيم نفسها في بيتها مثلا تجهيز ملابس الغسيل والكوي وكذلك الاطباق ..وتأتي الخادمه للمنزل وتقوم باداء الاعمال الموكله اليها والتي برايي ماتتعدي من ثلاث الي اربع ساعات .. ونفتك من خادمه تعيش في بيتنا ومن مشاكلها وهروبها وامراضها وغزلها ... كان لي صديق زوجته امريكيه ويعيش بالرياض وفلته من الحجم المتوسط ولديه عائله لاباس بها وكانت تاتي اليه خادمه فلبينيه من الساعه 3 عصرا الي ال 7 مساء وكان زوج الخادمه هو اللي يجبها ويجي ياخذها ..والرجال مرتاح ومبسوط للاخر ..لاهموم اقامه ولا خروج وعوده ولا انا فيه يبغا يسافر ولا انا مايبيغي يرجع ..!! ياليت مثلا يتم الاستفاده من زوجات العماله الموجودين بالمملكه والتي ظروفهم تظطرهم للعمل كساعات اضافيه ..ويكون العمل مرتب يساعات معينه ومرتبه.. اعتقد المساله سهله جدا بس تحتاج الي نوع من التغيير بنظام البيت وبنفس الوقت تحتاج الي التأقلم مع الظروف الحاليه والمبالغات بالاسعار والجشع والطمع الزاييد للجميييع اجمل تحياتي ... |
بالفعل والله انه اقتراح فعال اقلها نرتاح من مشاكلهن
|
والله ياخوي عشت بالخارج ٤ سنوات بدون خادمه
وخلني باختصار اعلمك الفرق وايش احنا نحتاج الفرق: اكلنا طبخ ونفخ واكلهم وجبات سريعه وخفيفه وممكن تتغدى وتتعشى ساندوتشات او فيليه او مكرونه او حتى سلطه بس. جميع افراد العائلة تساهم في الترتيب والتنظيف على الاقل كل واحد يسوي اشياءه الشخصيه وحنا لازم الزوجة هي اللي تقوم بشغل البيت كله. دور الزوج عندنا جدا سلبي للاسف ونادرا ماتلقى زوج يساهم في الطبخ ولنا في الهدي النبوي اسوة حسنه لكن لمن؟؟!!!! شيء مهم اخوي ترى بالخارج التكنولوجيا تخدمهم وحنا دائما اعداء الابتكار مثلا طوال الاربع سنوات اللي قضيتها في الخارج ماغسلت صحن في يدي الا نادرا لاني باختصار اجمع جميع الاواني بغسالة الاواني واشغلها مره وحده قبل النوم يوميا واقوم الصباح القى الغساله مغسلة الاواني ومعقمتها بعد <.<<<<<يا سلام والله فله وآخر دلع كنت. غير كذا كان سهل على ابو الشباب يساعدني بحيث انه يرتب الاواني بالغساله بدالي :) ولما رجعت الرياض : اقول لصديقاتي ياحلو غسالة الاواني وانصح فيها يقولون يع اجلسي رتبي بالاواني وغسلي قبل تدخلينها والموضوع بس شطف سريع بمويه فقط لازاله عوالق الطعام الكبيرة (عجازااااااات بجد) خخخخ وكله كوم واللي تقول اجيبها اريح شغالتي لا والله خليها تكرف وتحلل راتبها (مثل ماتفضلت) مجفف الملابس الحراري يجفف الملابس تماما من الماء موب بس كذا اطلعها كأنها مكويه وحاره لذلك استغنيت عن الكوي. وبرضه نصحت زميلاتي في المجفف لاختصاره الوقت والجهد وكان الرد : يكلف فواتير كهرب !!!! يعني الغرب ماكان مكلف عندهم ؟؟!! اسعارهم اغلى مننا بس حاسبينها صح ، بدل ماتخمخمون ملابس بالسوق ادفعوا فواتير راحتكم وراحة الخدم. المهم والاهم بالامر كانو اولادي : الحضانات ماحدتني على شغاله .<<<<< ياليت عندنا حضانات مثل العالم والناس ومنطقيه باسعارها يعني كنت مدخله اولادي الاثنين الحضانه مقابل ٣٩٠ دولار بالاسبوع للجميع ومدة دوامهم من ٦:٣٠ الصباح الين ٥:٣٠ العصر وبرامج تعليميه وتربويه (علموهم النظام والاتيكيت والاعتماد على النفس والانجلش والكمبيوتر بالرغم من ان اعمارهم ماتجاوزت ٥ سنوات). واحنا الحضانات عندنا مش حالك شاطرين بالديكورات بس ومع ذلك اسعار مثل النار ودوام قصير مايسوى يعني الموظفه ماراح تكون الحضانه لها حل بديل عن الخادمه. اخوي الحياة جدا مختلفه : النظام النظام النظاااااام احنا للاسف لو جبنا شغاله بالساعه سرقتنا وهربت لان مافي حقوق لا للمواطن ولا للمقيم جابت ام زوجي شغالات يوم (تأجير من مكتب) سرقوني وماقهرني شي كثر ساعتي ب ١٩ الف ريال سرقوها الله يهديهم ويعوضني عنها خير. اختصار ماذكر: الحياة مختلفه ، التكنولوجيا متوفره بالخارج ،النظام النظام النظام، كل واحد يؤدي عملة الشخصي، الام هي المديرة في المنزل ولكن البقية موظفين داخل البيت وكل واحد يؤدي دور فعال داخل الاسره. اتذكر من اكثر المشاكل اللي واجهت شبابنا المقيمين مع اسر اوروبيه انهم ماتعودوا على النظام وعلى اوامر ربة البيت مايبون ينظفون صحونهم بعد الغداء ولا يبون يطفون لمبات غرفهم قبل يطلعون من البيت ههههههه. |
قاهرة السلاطين صح لسانك والله انك صادقه في كل كلمه قلتيه
|
والله انك صادقه
|
ليت والله على الاقل نفتك من حالات النصب والاحتيال
|
اقتباس:
اشكر مرورك وتعليقك ...تحياتي اقتباس:
أشكر اضافتك للموضوع اختي ... الفرق هو ثقافة مجتمع ..علي قولتك لو جبنا التقنيه الموجوده ..ماراح يستفيد منها افراد المجتمع لانهم عودو انفسهم علي نمط حياة معينه ..والتغيير صعب عندهم..او الخوف من التغيير .. مسالة السرق وغيرها ..اتفق معك لايوجد نظام رادع ..وايضا لاتنسي اانا نساهم بجلب من هب ودب للعمل بمنازلنا حتي لو كانو هاربين .. لكن تخيلي لو جبتي خادمه للعمل بالاجر الشهري او بالساعات مثلا وقبل عملها يتم تسجيل بيناتها لدي مركز الشرطه مثل تلفوناتها وكفيلها وعنوانها ..لما تجراء احد علي السرقه .. اشكرك مره اخري علي اثراء الموضوع وعلي دروب الخير نلتقي .. |
اي والله من جد
لوالرجال خاصة واهل البيت عامة حطوايدينهم مع بعض ما احتاجوا خادمة |
اقتباس:
اقتباس:
اقتباس:
أشكركم جميعا علي المرور والتعليييق ... |
ياليت الكل يستفيد من النقآط لايجآبيه التي ذكرت منك أخوي
ومن جميع الردود.. موضوع جميل وكل الشكر..* |
اقتباس:
اشكرك اختي علي المرور ..والتعلييق ..وربي يفرجها للجميع .. |
| الساعة الآن 02:56 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir