|
نصيحة لمن يريد التقديم وخصوصا مكتب ((ركن حريملاء))
بسم الله الرحمن الرحيم
هذا المكتب له دعاية يومية في جريدة الجزيرة ولأني محتاجة خادمة قمت واتصلت بعدد كبير من المكاتب وكان السعر قريب من بعض الا ان مكتب ركن حريملاء بعد الرد على الهاتف أخبرني الموظف بأنهم يستقدمون في فترة ما بين شهر ونصف الى شهرين مع العلم بأنني وجدت مكاتب اقل منهم سعرا ولكن يقولون ما بين ثلاثة اشهر الى اربعة اشهر. فقمت وذهبت الى مكتب ركن حريملاء وقدمت عليه ودفعت له كامل المبلغ وما يغيضني بأن الموظف نصب علي ايضا بأخذه مني مبلغ 150 ريال مقابل احضار الخادمة وعمل الفحص الطبي لها. وبعد فترة تفاجأت بأن الموظف تم طرده لأنه نصاب ((والمبلغ يخلف الله عليه)) والى الان ما زلت انتظر الخادمة ولي الان خمسة شهور ولا اقول الا حسبي الله ونعم الوكيل. الغريب في هذا المكتب انه خلال الفترة السابقة قام بفصل موظفين وهما( ف_العنزي//////و س_القحطاني)) ولا ادري لماذا؟؟ |
الله المستعان
وهذه المشكله انه بيكون في المكتب موظف حرامي ويشووه سمعة المكتب لكن على المكتب ايجاد الحلول للعميل وتوضيح المشكله وهو بطريقته يتسطيع التعامل مع موظفيه اذا حصل منهم نصب او تلاعب وهناا يظهر النصب حتى في المكاتب الرسميه والمرخصه يعني اسم المكتب ممكن يشووه انسان حرامي رغم امانة صاحب المكتب والمشكله العملاء لما يحصل تاخير يقولو نصب عليناا وفيه فرق بين اخذ فلوسك ولاتدري وينه وبين الواضح مكانه وتتاوصل معه فقط انها تاخرت اكثر من الازم والنصب موجود سواء في مكاتب الاستقدام الرسميه او غيرها والامانه موجوده كذلك لو كان بيستقدم شخصي فالامين امين ويخاف الله في حقوق الناس ولو استقدامه شخصي الله يسهل لك امورك ويجيبو لك الخادمه او يرجعو لك فلوسك اقل شي افضل من اللي يدفع فلوسه ولايدري وين ديارها وين ديار اللي اخذها تحيتي لك |
هام جدا
وش الاخبار عسى الخادمه وصلت ....
انا قدمت عليهم لاستقدام من اثيوبيا واخترت من السيره الذاتيه اللي جاهزه يعني اخترت خادمه محدده وجوازها جاهز يقولون ماتأخذ وقت طويل إن شاء الله .... هل انت مقدم نفس الطريقه ومن اثيوبيا ؟لان الجاهزه يمكن تفرق ارجو الرد |
دام معك الايصال والعقد اللي بينكم اتوقع تقدر تاخذ حقك
|
حياكم الله يا أخوان وشاكر لمروركم ونصائحكم
اما بخصوص ((النهر99)) ردا على سؤالك هل وصلت الخادمة للأسف الى الان لم يصل شيء والغريب عندما اكلم المكتب يجعلونك تنتظر احيانا على الخط فترة طويلة واذا حولك للموظف المختص ((على رأيهم)) بدأ يتعذر بأن في هذه الدولة مشاكل ثم يعدك بان الموضوع سوف يحل خلال اسبوع ويطلبون منك التواصل معهم خلال اسبوع الى عشرين يوم ثم عاد (((ردد ياليل ما اطولك))) الله المستعان. |
عفوا ماجاوبت على بقية السؤال ...هل هي من اثوبيا ....هل اخترت من الخادمات الموجوده صور جوازاتهن في المكتب ..يعني اخترت خادمتك
|
إذاا كان عندك عقد وأيصال السداد وموضح بالعقد مدة الاستقدام
يمكن استرجاع نقودك مع غرامات التأخير بواقع 30 ريال عن كل يوم بالطريقة التالية يكتب معروض باسم وزير التجارة يراجع مبنى وزارة التجارة يسلم المعروض للوارد ويحويل لقسم التجارة الداخلية يتم الاتصال بالمكتب ومطالبتة بالمبلغ وغرامات التأخير سيقوم المكتب بالاتصال بكم لكي يتم التنازل عن الشكوى في حالة رفضكم سيقوم بدفع المبلغ لانه يمكن ايقاف السجل ا لتجاري من وزارة التجارة وبالتوفيق |
حط مكتب الادريس للاستقدام واعلانهم بجريدة الجزيره يومياً
مكتب فاشل وتم انتظار مدة ستة اشهر وكل ماجيهم القى موظفين جدد وسحبت فلوسي بعدها |
الاخ (النهر99)
ردا على سؤالك : انا طالب خادمة من كينيا اما بخصوص الاثيوبيات فلا اعلم اتمنى للجميع التوفيق |
موضوع مشابه عن جرائم هذا المكتب:
http://www.1020.cc/vb/showthread.php?t=41861 وايضا: http://www.1020.cc/vb/showthread.php?t=40796 |
مكتب نصااب واللي فيه كذابين وغشاشين الله لايوفقهم ولا يحلهم لا دنيا ولا اخره مع الاسف قريت تحذيرات عنه بس ماصدقت لحد ماجربت
حسبي الله ونعم الوكيل |
| الساعة الآن 04:40 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir