لا الاثيوبيات حتى المكاتب تتنازل عنهم ب ظ§ الاف وكثير عليهم بعد لان محد يبغاهم من جرايمهم المعروفه وباقي الجنسيات الناس تتنازل عنهم بمبالغ هاااائله وغير معقووله ابداً لانهم ما يخافون الله ولا لو فيهم ذمه وضمير كان ما تاجروا فيهم بذي الاسعار الخدم مو للتجاره او كسب فلوس يعني الي يبي فلوس او يبي يربح يشتغل ولا يدخل له بمشروع ولا يتاجر بأي شي ثاني اما المتاجره بالخدم مايجوز لان اولاً الواحد يتنازل عنهم باضعااف اضعااااف قيمتهم الحقيقيه وغير كذا اذا عيت تشتغل او هربت او مرضت او صار لها اي شي بيقول لنا مالي دخل فيهم وبكذا بتروح الفلوس هذي كلها على الفاضي وتصير خساره كبيييره لنا ثانياً الواحد ماياخذ تنازل الا اذا كان متورط ومستعجل وعنده مشاكل وظروف يعني مايقدر يستنى كم شهر عشان يقدم على خادمه ويستناها تجي والاستقدام مو زي اول كلها كم اسبوع وتجي لا الحين بلاشهر وتطوول مرره
والله انا مستغرب ليه الى الان الجهات المسوؤله ماتحركت للحين مفروض يوقفون هذي المهزله الي يسوونها الناس ويحطون عقوبات ومخالفات للي يبيعهم باسعار هااائله زي كذا والي يقول محد غاصبك ومو غصب وكذا لا معليش تعتبر غصب عن الواحد لان زي ماقلت الي ياخذ تنازل يكون متورط ومحتاج مرره عشان كذا يضطر ياخذ بهذي الاسعار وتلقاه متسلف ولا ماخذ قرض من هوول وكبر السعر وماتدرون وش الكربه الي هو فيها والي خلته يسوي كذا فلو وزارة العمل منعت التنازل بسعر مبالغ فيه كان الحين كل الطماعين اختفوا وصار الواحد يا يتنازل بسعر معقول ولا يخلي خدامته عنده ويتورط فيها بس الله المستعان محد يحفظ حقوقنا من ذا المجرمين الي يتاجرون بالخدم ومعليش اني قلت كذا بس وش اسوي كاتم ذا الكلام بقلبي وانفجرت وقلته ... ما اقول الا حسبي الله ونعم الوكيل بس
|