عمالة, خادمات, العمالة المنزلية - [ ارجو المساعدة ] --(( السائق مسوي فلم هندي وطامر بيت علشان الشغاله اللي فيه ))--

السلام عليكم ورحمة الله وبركاته

كيف الحال ان شاء الله طيبين *

زي ماشفتوا بالموضوع سائق من الجنسية ( السريلانكية ) (مسيحي ) *
يشتغل عندنا منذ 9 شهور تقريبا **
المهم جانا اتصال من الشرطة انهم ألقوا القبض عليه بتهمة انه طامر على بيت يبغى الشغالة مع العلم ان الشغالة تعلم ان جميع الابواب مغلقة الظاهر كان يبغى يوصل لها شغله وشهي مدري لان كان معه تقريبا 4 الاف ريال **

العامل كان بمنتهى الاحترام ولايتكلم الا انجليزي وعربي خفيف *
لكن اتضح ان علاقته مع الشغاله والله العالم انها طويله يعرفها من ديرته على كلام الشغاله **
بغض النظر المفروض انه مايطمر البيت !! اخر الليل !! علشانه يعرفها !!
والمصيبه اعظم بيت الشغالة يبعد عننها 46 كيلوا !! حنا بالشمال وهي بآقصى الغرب بالرياض **

المهم ياجماعة الربع حكمة عليه هيئة التحقيق والادعاء العام بإنتهاك حرمة المنزل **
وتم ايقافه 5 ايام ايقاف وليس سجن **

الان ياشباب وش الحل ؟ هل اخليه مع الحكومة واسحب عليه ولا كيف ؟
لأن للأمانه ماعاد ابيه يشتغل ابدا ** جواله صار يدق ليل نهار من سواقين تاكسي وشغالات يقولون انهم يعرفونه **

والاقامه لازالت معه !! سألت الضابط قلت ابيها قال هذي له مهب لك !!
لو اسحب عليه الان هل راح يتم ترحيله من الحكومة ؟