مساعدتكم يااخوان
اخوني السالفه ومافيها اني طلعت تاشيرة سايق هندي بطلوع الروح واعطيتها مكتب اساس الثقه في الطايف من شهر 8 والى يومكم ذا ماشفت السواق مرة يقولون فيه مشكله في العقود ومرة يبغون تامين السيارة ورحت جددته ب600 ريال مع ان الميزانيه تعبانه واعطيتهم قالو لا ماهو مطلوب تامين السيارة حسبي الله عليهم وكل مانكلمهم يقولون بيجي بعد اسبوع الحين لي 8 شهوور على ذا الحاله وش السالفه وايش اسوي معهم ابوي كل اسبوع يروح يتهاوش معهم يقولونله بعد اسبوع بيوصل والى اليوم ماشفنا شي ساعدوني وش اسوي ووش السالفه ليه مايجيبونه دخلت موقع انجاز وطلعتلي ذي الصورة اخر شي في الصفحه [IMG]http://im87.gulfup.com/O1FdtL.jpg[/IMG] |
لوتفيز يطلع بااخر الصفحة اسم العامل والتاريخ واذا العكس يعني المكتب لم يفيز
|
ايوة طلع اسمه محمد شاه
بس لنا 8شهور ننتظر وكل مانكلمهم يقولون بعد اسبوع يجي قربنا نكمل سنه |
سبق ونصحتك وقلت لك ليس مطلوب تأمين السيارة ولم تسمعي الكلام.
الله يعينك |
السلام عليكم
لها وقت معين ويصير غير صالح التفييز اتوقع ٦ اشهر (استقدام سائق خاص من الهند) |
ادخل على بوابه الداخليه
الجوازات استعلام عن العمالة الجديدة والزائرين واذا النتيجه وصول السائق اشتك المكتب احنمال باع السائق او اجره لا تخليه اشتكه السائق لا يتجاوز شهر واحد |
اشكر كل الاخوان والاخوات اللي ردو علي وتفاعلو مع الموضوع
انا لقيت في موقع انجاز اسم السواق وتاريخ 25/9/2014 اخوي رائد انا اضطريت اسوي تامين السيارة لان المصري حق المكتب كلمني قالي ياما تجيبين التأمين ولا معاملتك بتوقف عاد مالقيت قدامي حل ثاني حسبي الله ونعم الوكيل |
انا استقدم من الهند والمشكله اللي حصلت لك حلها كالاتي .
اما ان دولة الهند طالبين عقد عمل موقع من السفارة الهنديه بالسعوديه* وطبعا المكتب اللي وكلتوه يجيب لكم السائق غير معتمد من وزارة العمل ولاتستقبله سفارة الهند ( لان سفارة الهند ماتختم العقد الا لمكاتب معتمده وترفض التختيم للافراد او المكاتب غير المعتمده من مكتب او وزارة العمل ) وفيه طريقه ثانيه وهو انه يدفع في المطار 2000 ريال علشان يطلعونه الطيارة وتعتبر طريقه غير قانونيه في الهند لكن هذا امر مايضر في السعوديه عندنا لانه دخل بطريقه نظاميه |
الساعة الآن 07:42 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir