|
حكايتي مع الشغالات وحقوقنا الضايعة ....ياقلب لا تحزن
كان عندي شغالة اندنوسية وكانت مثل العسل وقدر الله علينا ونقلنا لشقة جديدة ما جلست اكثر من شهرين وانحاشت ....جيراني اللي بالعمارة كلهم يشغلون المتخلفت الشقة الواحدة فيها شغالتين لا والسواق سمسار وقلت العوض على الله بعد كم اسبوع راحت بنتي معاهم للبحر قصدي جيرانا ....لما جات قالت لي شافت الشغالة حقتي عند وحده من قرايب جارتي وانا ما سكت واجهتها قالتي لا لا ما هي عندنى .....وانا سكت قلت يعني وش ابي اسوي اخسر جارتي ونا ما اقدر اخذ حقي والجوازات لو بلغت ما تسوي شي المهم ... كنت حامل ذيك الفترة بعدها بسنه قدمة على شغالة كينيه وكانت ممتازة وزدت في راتبها تاخذ 1000 ريال وعاملتها معاملة مختلفة يعني عاملتها مثل اخت لي يعني اذا شفتها تشتغل كثير قلت لها ارتاحي لا تشتغلين او اساعدها فية ....بعد ما كملت الثلاث شهور راحت تشتكي كثر الشغل وتشتكيني لزوجي قلت لها خلاص شوفي مالك شغل غير النتظيف وغسيل الملابس و الاطفال الاتلمسينهم(ملاحظة ولدي الصغير كان تعبان واضطر اروح اراجع فية للمستشفاء ومرات ماانام الليل ...الحمد لله على كل حال) والقهوه والشاي انا اسويهم من جد كانت عندي ازمة هذيك الايام كنت مرهقة على طول والاسباب كثير (قالت لي لا يمدام انا احب الاطفال وابيهم ....ما ادري وش تبي بالضبط )؟؟ بعدها باسبوع انحاشت .الصبح بصراحة قهرتني نحشتها بس الي ذبحني انها تاركة الباب مفتوح وعندي ولد عمرة 4 سنوات الله ستر علية وما طلع وراها من جد حقدت عليها لو امسكها اقطعة باسناني بس ع شان تركتها الباب مفتوح !!! بعدها بيومين كلمت السمسار يجيب لي شغالة حبشية من المتخلفات والله ثم والله اني محتاجة لوحدة تساعدني بنتي اول سنه لها في المدرسة ويبيلها متابعة وولدي التعبان سويتله عملية ااااااااااااااااه بس كانت ممتازة علمتها على كل شي ما تسوي شي غير التنظيف وغشيل الملابس وجلست كم شهر عندي بعدها اضطريت اسافر لم اهلي في منطقة ثانية قلتلها روحي بعد ما رجعة كلمتها ورجعت عندي وكلمت جارتي عنها وانها ممتازة وسريعة ونظيفة وكل شي بعد فترة جاتني الشغالة وقالت انا تعبانة وابي اروح للبيت قلت خلاص روحي وعطيتها فلوسها وراحت ماقامت ترد علي جلست اسبوع وانا ادق عليها وماترد علي جارتي كانت حامل وتعبانه رحمتها وعطيتها رقم السمسار قلت لها كلميه يمكن يجيب لك شغالة زينة .. بعد اسبوع دقت على جارتي وقالت عندي خبر لك قلت عسى خير قالت عادي شغالتك الحبشية جبتها تشتغل عندي !!! قلت كيف قالت كلمت السمسار وارسل الشغالة لي . ( يا سبحان الله وش هذي الصدف ) والحين قدمت على شغالة حبشية ....وانا في انتظارها بفارغ الصبر ... قربت اختباراتي في الجامعة شكلي ابي اودي عيالي عند امي كم اسبوع الى ان اخلص الاختبارات ... يالله من فضلك .. الزبدة انتبهي من السعودين اذا شافو الشغالة الزينة قالو لها اتركي كفيلك واشتغلي عندي وازيدك ! الا تخذينها معاك في للعزايم ولا تخلينها لحالها اذا اذا اخذتيها معاك للسوق ...الخ وا اخيراً اتقي شر من احستن اليه |
احسن لك اختي تطلعون من العماره هاذي وتروحي مكان ثاني بعدين حنا السعوديين نشجع العماله الهاربه لاننا نرضى ندخلهم بيوتنا ونشغلهم لو صرنا يد وحده والله مافيه خادمه تهرب من كفيلها
|
اختي ام فيصل كلامك صحيح وان شاء الله السنة الجاية ابي اغير العمارة وبالنسبة لتشغيل العماله الهاربه انا والناس الي اعرفهم انظام ما رحمناء بصراحة ندفع دم قلوبنا ونجيب شغالة نظامية ومانلحق نفرح فية إلا وتنحاش نروح نبلغ ونجلس 3 شهور مالنا حق نستقدم ثانية سبحان الله كانو احنى المذنبين وش نسوي انا بعيدة عن اهلي وما اعرف احد امون علية احط عيالي عندة الساعة 5 الصبح بسبب مراجعاتي للمستشفاء وانتي عارفة مراجعات المستشفيات ينشف دمك قبل مايوصل دورك ونضطر للشغالات المتخلفات ... وغيرها وغيرها من الاسباب |
اختي الكريمة
ارجو الانتباه من تشغيل المتخلفات لاساب عدة 1-إسالي ,,, عن فتوى تشغيل هاربة 2- تجاوز للنظام ولو صار لها وفاة عندك او مصيبة مشكلة 3- الامراض اللي قد تحملها ( وحده شغلت حبشية متخلفة وبعد كم شهر فكرت تفحصها وسوت لها تحاليل وطلعت عندها الايدز طبعا طلعتها وشوفي راح اشتغلت بكم بيت بعده هذه القصة حقيقة صارت مع وحدة من صاحباتي من اكثر من 5 سنولات تقريبا) 4- اتقي النار ولو بشق تمرة 5- ودي الاولاد حضانة لانك اصلا ماتدرين كيف تعاملهم وانت خارج المنزل اذا كنت موظفة |
شكرا البحر على النصيحة وش نسوي ابي حل حقيقي ابي حل ما ابي تحذيرات ولا تسوين ولا تفعلين انا والحمد لله ما ادخل الوحدة لبيتي قبل ما اكشف عليها في مستوصف خاص انا محتاجة ومضطرة بصراحة عن نفسي ما ابيهم ولا ابي قربهم قصدي المتخلفات خلال 4 سنوات استقدمة ثلاث مرات اثنين انحاشو والثالثة ما جات وبالنسبة للحضانات رسومهم نار ومافي في الصيف ومافي في رمضان ولا يستقبلون مثلا العصر ولا يستقبلون كل الاعمار وش اسوي بالباقين .ومافي في كل مناطق المملكة . بصراح فرحت السنة الي قبل الماضية انو رايح يفتحون دور الحضانة لمدة 24 ساعة في كل المملكة يعني احط اولادي عندهم في اي وقت اكون محتاجة لحضانة ويستقبلون كل الاعمار لاكن توقف المشروع ...ليه ما ادري ؟؟؟؟؟ |
السلا م عليكم
الله يكون في عونك
|
الله يساعدك
|
| الساعة الآن 10:29 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir