رواتب العاملة عند الكفيل السابق كيف تأخذها؟!!!
 

أختي اشترت شغالة من واحد وعنده رواتب الشغالة للفترة اللي اشتغلتها عنده وقال لهم بعد نقل الكفالة أعطيكم إياها
وبعد ما نقلوا كفالتهم قفل جواله
والشغالة تبكي تبغى فلوسها

أيش الإجراءات اللي يقدروا يسووها؟؟!!!!!

وينكم يا جماعة؟


أيش العمل معاها هل في طريقة تسترد فيها حقها؟!!

مافيه الا حل واحد هو تقديم شكوي للشرطه علي الكفيل السابق .....

طبعا كان المفروض عدم نقل الكفاله الا وهو مصفي جميع حقوقها ...

لكن طالما الامر تم مافيه غير هالحل ...

او اذا تبي تكبر السالفه تقدم شكوي علي سفار بلدها علي الكفيل السابق وتشرح كل شي ....

جزاك الله خير

لكن المشكلة إنها تقول إن هو مبصمها على رواتبها وقلها إنو إنت راح تشتغلي عند صاحبي وفلوسك عندي محفوظة في أي وقت تطلبيها أعطيه هية!!!!!!

وهم مايعرفوا عنو ولاشي حتى الجوال مقفل!!!!


هل الشرطة تقدر ترجع لها حقها في هدي الحالة

اللي يعرف يرد وله دعوة بوقت الاجابة
الشغالة الآن مضربة عن العمل وتبغى فلوسها اللي عند كفيلها السابق وأختي تورطت فيها
ايش الحل معها؟!!

اللهم صل وسلم على محمد
 

الموضوع بسيط جدا رجال نصاب مايبيلها كلام من الجوزات تعرف عنوانه ورقم بطاقته وتقدم شكوى للشرطه وحتتعب شوي لكن اذا المبلغ بسيط اعطوها وانتم تابعوا موضوعها لان مالكم ذنب لكن ممكن البدايه معرفه الرجال ومكان عمله الخ وعن طريقكم يتم التواصل معه واذا ممكن على الخاص رقم جواله

تقدرون تطلعون اسمه ورقم هويته من التاشيره اللي في جواز الشغاله كل شغاله تلاقون ورقه ملزقه بالجواز

يوجد فيها رقم الكفيل وهويته وبكذا تقدرون تشتكون عليه بس المشكله انها باصمه على رواتبها واذا هو مايخاف ربه ينكر هي اللي جابت ذا لنفسها

للتنويه فقط
 

-----------------------------------------------------------------------
السلام عليكم ورحمه الله وبركاته

الكلام عار من الصحه جمله وتفصيلا . اعلم جيدا بان هذا ليس منبر للجدال ولاكن لاحقاق الحق فقط وذلك بعد الحكم من بعض المتواجدين على الكفيل الاول بالنصب والاحتيال ولم يفقهو قوله تعالي(ا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين) صدق الله العضيم.
وحيث انني انا الكفيل الاول لهذه العامله ان لم اكن قد اخطآت فلم يتم الاتفاق على حسب ماذكرت ام صلاح هدانا الله واياها الى الحق بل مغاير لذلك تماما وما الصيغه التي صاغتها بهذا الاسلوب الا لتستجدي ثغره لكي تتمكن من خلالها الزام الكفيل الاول بدفع ماتبقى من مترتبات ماليه عليها لعدم تمكنها من بيعها والربح من خلالها .
هذا ما اردت التنويه اليه علما انني الكفيل الاول وما حصل ماهو الا سمسره لا اكثر . ان اصبت فمن الله سبحانه وان اخطات فمن نفسي والشيطان .وفي كلتا الحالتين لايجوز الحكم دون سماع الطرفين
هذا وصلى الله وسلم على نبينا محمد

فل نفرض أنكم سماسره * أين حق العامله أتقوا ربكم قبل كل شي وأعلموا انكم محاسبون على ماتفعلون وكما قال سيدنا محمد عليه أفضل الصلاة والتسليم (أعطوا الاجير أجره قبل أن يجف عرقه)
هدانا الله وأياكم الى سواء السبيل

الله يعيننا واياكم على المصايب