شغالة اثيوبية بتسافر اجازة وترجع
 

السلام عليكم ورحمة الله وبركاتة

احدى قريباتى لديها شغاله اثيوبية استقدمتها قبل 3 سنوات وترغب السفر الشهر القادم اجازة ثلاث اشهر وترجع

ماهو المطلوب من قريبتي وهل فعلا تحتاج الشغاله الاقامه معها وورقة الخروج والعودة لسماح لها المغادرة من مطار اثيوبيا عند انتهاء اجازتها بعد ثلاث شهور


الشغاله ممتازه معهم ( كان راتبها لمدة سنتين تقريبا 800 ريال والسنة الثالثة وزودوها الى 1200 ريال شهريا

والان اذا رجعت تقول لهم تبغى 1500 راتب وهم موافقين على هذا )

الان قريبتي تبغى الطريقه وايش اللى مطلوب منها تسويه

هل لابد تكون اقامتها مجددة وقت عودتها اذا اخذتها معها عشان يسمح لها بالعودة

لان الاقامات الان اصبح يكتب فيها تنتى 1440 ( يعنى الكرت 5 سنوات ) فقط كل سنة تجدد بدون تغيير الكرت للاقامة

لانها اصبحت الان هوية مقيم

ياليت توضحون لنا الطريقة
وطريقة ال,,, الزايد كم تدفع له على الخطوط السعودية

مازلنا ننتظر الخبراء

اولا حاولي تكون الخروج والعودة ست شهور ..لان المسافر عذرة معه ..ودام اثيوبيا موقفه التاشيرات ..الله العالم وش يصير لها من ظروف ..الست شهور اضمن ...لابد من تجديد الاقامه الي مابعد الست شهور ...

نظامهم هناك للعودة فعلا لابد تكون الاقامه الاصليه معها حتي يسمح لها بالخروج من مطار اديس ....بس اذا عندها عنوان واضح ..ممكن قبل عودتها ارسال الاقامه لها هناك افضل ...

علي فكرة غالبية الخادمات الاثيوبيات لايعودون الا ماندر منهم ..السبب الكسل والاكتفاء بفترة العمل الاولي ..

طيب فى حالة خذت الاقامة معها

وانتهت الاقامة قبل ترجع ولا جددناها

هل يتم ادخالها من هناك

او يشيكون على الاقامه اذا منتهيه مايدخلونها

انتي جددي الاقامه لفترة مابعد الست شهور والي تاريخ يغطي عودتها وريحي راسك يشيكون ولا مايشيكون ....!!

طيب
هل تاشيرة الخروج والعودة مدة ثلاث اشهر ومدتة سته اشهر بنفس السعر ولا فيه اختلاف فى قيمتها

متى استخرجها لها من ابشر هل الان ويتعتبر تاريخ بداية من يوم مغادرتها

او انها تحسب لها من تاريخ اصدارها من ابشر

الرسم واحد لايغير ..شهر أو ست شهور ...

تحسب من تاريخ سفرها ..ولكن صلاحية التاشيرة شهرين من تاريخ صدورها..المعني تسافر خلال الشهرين ...

فهمت عليك

تقصد مدة التاشيرة اللى اطلعها انا من ابشر لها ( صلاحيتها شهرين ) هى تقريبا بعد اسبوعين مسافرة ماراح نطلعها لها الا قبل سفره بيومين او ثلاثة ان شاء الله

لكن مدة الخروج والعودة سوا ثلاث او سته اشهر

تبدا لها من تاريخ المغادرة


ماقصرت اللى يعطيك العافيه