|
بعد اذن الادارة .. تحذير لعبد العزيز العنزي .. شكوى لسفارة المملكة في سيريلانكا
السلام عليكم
بعد إذن الادارة * يبدووا انني قد وصلت مع المدعو عبد العزيز ع. العنزي لطريق مسدود .. لقد فرغ صبري معك من عدم احترامك لوعودك لي سواءا في بداية الاتفاق معك او وعودك المتاخره بإنهاء اجراءاتي خلال اسبوع .. و عدم ردك على كل اساليب التواصل معك - جوال - موضوع خاص بك من قبل الادراة - رسائل خاصة عبد العزيز ع العنزي .. سوف اتقدم بشكوى ضدك و ضد المكتب الذي قمت بتفويضه من قبلك الى القنصل السعودي في سيريلنكا و اطالبه بمنعك من دخول سيريلنكا .. هذه مهلة 48 ساعة .. ان لك يأتيني منك رد نهائي بخصوص موضوع شغالتي سوف اتقدم بهذه الشكوى الرسمية ضد و ضد مكتب ( اس اس ترفلس ترخيص 1643 ) الذي قمت بتفويضة بناء على طلبك . ارسلت لك رقم التاشيرة قبل 100 يوم على اساس و عدك لي بان تحضرها في شهر . و بسبب وعدك لي انك تجيبها في شهر صدقتك و سفرت شغالتي ..و تورطت اسف ان وصلت الامور لهذا الحد و لكن شخص يسمع كل هذه النداءات و لا يستجيب و لا يحس بالمسؤولية تجاه اناس تورطوا بسببه حسبي الله و نعم الوكيل |
الله يعينك
وان شاء الله يرد الاخ عبدالعزيز عليك ويشرح لك وبالنسبه لنا عملنا مع عبدالعزيز كثيرا ولم نرى اي نتائج وهذا الرقم خاص في سفارة خادم الحرمين الشريفين في عاصمة سرلنكا 0094112682087 |
اخي الكريم
اذنك معك بكتابة الموضوع خصوصا اننا لانرى اي رد من الاخ عبدالعزيز وبما انك منحته فرصة 48 ساعه فكثر الله خيرك نامل من الاخ عبدالعزيز التفاعل والرد باي رد لان المشكلة الان ليست في عدم وصول عاملته لكن المشكلة تكمن في عدم الرد على العملاء وهذا ابسط حق للعملاء عليك بالرد عليهم ولانرى منك اي ردود بل ظهور واتصال دائم في الموقع دون الرد وتطمين عملائك الذين ينتظرون الرد ناهيك عن خادماتهم ساهر |
طيب اخ انس يقول المثل عذر الغايب معه
يمكن تعبان او مريض او جاه ظرف قاهر دامه مارد عليك ولا اخذ منك فلوس لاتحكم عليه انه نصاب وتشهر فيه لانك ماتدري حتى اذا هو حي او ميت انا من رايي انك تقدم مره ثانية على مكتب موثوق وتنتظر لان هذي غلطتك جربت احد ماوثقت فيه ولا احد جربه قبلك |
هل يمكن للاداره
ان تضع شروط لمن يعرض خدماته او يعمل اعلان على مكتبه ومن ضمن الشروط يضع ضمانات كتأمين مبلغ مالي لصاحب الموقع او ضمانات اخرى حتى يتم الوثوق اكثر اذا معك صورة بطاقة عبدالعزيز العنزي او مقر مكتبه او رقم ترخيص له ماعليك سوى الذهاب للمحكمه المستعجله وشكواه هناك عليك بالقيام بشكواه عبر المحكمه المستعجله بالبطحاء بالرياض |
الحق معك وماتنلام بس اذكر الله يابن الحلال
وعطه وقت شوي اسبوعين ثلاث المحكمه والسفاره السعوديه مهيب رايحه من مكانها تقدر تشتكي عليه في اي وقت ماتدري وش وضعه ولاتدري وش ظروفه يمكنه مريض ولاعنده ظرف قاهر ولامنوم بمستشفى |
السلام عليكم
اخي الكريم انس اول شي انا معك ماني ضدك المكتب الي سويت له وكالة شريعة موقف من قبل السفاره السعودية لعده ايام شي الثاني جالس البحث لك عن خادمة مسلمه عن طريق مكتب ثاني وراح نسوي وكالة اكترونية لها وان شالله قريب بتكون عندك وانا مقدر ظروفك بس مثل ماقدرت ظروفك ياليت تعطني وقت ع شان اختار لك الخادمة الي تريحك وترتاح انت وهلك وهذا شي طبيعي يحدث في كل الدول الي يستقدم منها ان يوقف مكتب من قبل السفارة لعده ايام وع فكره قبل ان اقراء هذا لموضوع كنت بتصال مع مندوبي ع شان بكره يشوف لك خادمة عند احد المكاتب وبعلمك سعرها بيكون 1700 دولار ولا راح اطلب من زيادة في المبلغ الي اتفقنا عليه مع العمل اني راح اعمل لها وكالة ع حسابي الخاص اخي انس مساله اني ماارد ع الجوال عندي اشغالي وانا قلت لك ان شالله اول ماتجهز راح الرد لك خبر انا او غيري من الايستقدمون نبحث عن المناسب اول شي ثاني شي لما توصل خادمة العميل احنا نرتاح اكثر من العميل نفسه ثاني شي عتبي ع من رد وهو لايعلم كم عدد عملائي او يعرف منهم ترك الموضوع ع اني كل العملاء عندي اخرت خادمتهم ولم تصل خادمة لسعوديه عن طريقي بفضل الله سبحانه وتعال كل يوم تاصل خادمة او خادمتين عندي سؤال لك اخي انس هل تبي اجيب لك خادمة تسبب لك المشاكل ولا اجيب لك خادمة تريحك وتريح اهل بيتك ؟؟؟ اشي الثاني انا مستعد اني الدفع حق خادمة استاجرتها او تستاجرها ع حسابي ومابي منك مقابل وربك هو الي يعلم قال تعالي... قال الله تعالى (وَلَا تَزِرُ وَازِرَةٌ وِزْرَ أُخْرَى ثُمَّ إِلَى رَبِّكُم مَّرْجِعُكُمْ فَيُنَبِّئُكُم بِمَا كُنتُمْ تَعْمَلُونَ إِنَّهُ عَلِيمٌ بِذَاتِ الصُّدُورِ{7}سورة الزمر وقال تعالى (كُلُّ امْرِئٍ بِمَا كَسَبَ رهين ) 21 سورة الطور وفي الختام شكرا لمن بحث عن اثارة المشاكل |
اخي المتميز
وبالنسبه لنا عملنا مع عبدالعزيز كثيرا ولم نرى اي نتائج متي عملت معي وماهي انتائج الي تطلب مني ياليت توضح اكثر ابي اعرف ماهو الكثير الي طلبت مني طلبت رقم ولد عمي في سفاره الهند ورفضت...؟؟؟ هذا العمل الي صار بيني وبينك بس ماعتقد ان فيه مستقدم جاء عن طريقك وانا رفضت او اخرت عملة |
اخي ساهر
لكن المشكلة تكمن في عدم الرد على العملاء من هم العملاء عشر او عشرين او الف هل معنا عدم دخولي المنتدي خلاص موقف مع العملاء الي تتكلم عنهم ليه مالي بيت مالي ظروف ولا مقطوع من شجره ويومي كله بالمنتدي |
اخي عزوز
جودددد تقبلو تحياتي |
اقتباس:
ساهر ماقصر معاك ابدااااااااااا ونزل موضوع خاص بك يعني لو ترد على انس دقيقه ينتهي كل شيء واعرف انك رجل طيب وبك خير وماتقصر وماعندك عملاء كثر بس ياريتك اخي الكريم بس تخلص موضوع انس وخلاص افتح موضوع خاص بك واستمر به وشد حيلك وربي يوفقك دنيا واخره |
اقتباس:
خلنا على الاخ انس والاخ عريف اول هالاثنين لاترد على اتصالات الجوال ولا الرسايل ولا الخاص ولا على العام هل الاثنين هذولاء مالهم قيمة من الالف عميل عندك هل الاثنين هذولاء يفترون عليك قضيتك ليست عدم توفر خادمة مسلمة قضيتك ماترد على الناس اكبر واشد شي يرفع ضغط العميل انك ماترد عليه تخليه معلق ويمكن لو ترد وتقول له مالك عندي شي دور غيري كان ريحته وريحت نفسك مشكلتك انك ترى نفسك صح وغيرك غلط ومشكلتك كل ماوقفنا معك ونبي ترجع كما كنت ترجع وتكسر اللي احنا بنيناه من اجلك والا لو تفكر قليلا انت الوحيد هنا اللي وقفنا معه وقفات ماوقفناها مع احد غيرك وبعدين الله يصلح حالك كل يوم في الموقع وندري متى تدخل ومتى تطلع وبالساعة والتاريخ واين تواجدك واين تنقلاتك في المنتدى ثم تدعي ان لك ظروف وبيت وخلافه مااحد قالك لاتلتفت لبيتك وظروفك بس ترى الناس ماتتحمل طيب نبي نمشي كلامك ومادخلت الموقع الرجال يدق عليك وماترد ( قل بعد لي ظروف ماارد على الجوال ) اسمع الله يرضى عليك من تاريخ 8 وانت تقول اسبوع ومنحل موضوع انس والان لنا عشرة ايام والمشكلة اننا كادارة نطلب منه وعلى بريده الخاص بالصبر عليك وامهالك المدد التي ترغبها ولكن يبدو اننا قد اخطانا التقدير واحب اذكرك بنقطه مهمه قبل هالموضوع كان لك ظهور عجيب ومشاركات لا تعد ولاتحصى استقدام مرة ومرة عن تنازل ومرة تعقيب للمتعثرين في سري لانكا ( طبعا ذي شطحة منك ) ومرة استخراج تصاريح زواج ومرة ومرة ومرة ولما قفلت عليك كل مواضيعك وطلبت منك التفرغ لعملائك القدامى اختفت ردودك ولم تشارك في سؤال او استفسار للاخ انس وطلعت بتاريخ 8 وقلت اسبوع ومنتهي موضوعك والحين لنا عشرة ايام وسوف تصبح شهرا باكمله وعندك تنااااااااقض عجيب وماادري هل انت تخدع نفسك او تخدع الاخرين تقول ان كل يوم تصل لك عاملة او عاملتين خلنا ناخذ بالاقل عدد ( خادمة كل يوم ) الشهر 30 عاملة والرجال انت قلت له اقل من شهر وخلنا افتراضا نمهلك ونقول شهر من ال 100 يوم المتفق عليها مع الاخ انس يعني المفروض وصلت خادمته قبل 70 يوم وركز معي المفروض وصلت قبل 70 يوم ومن 70 يوم وصل لك هنا 70 خادمة اقل تقدير ان لم يكن 140 خادمة ايعقل واحد يصل له هذا العدد لا يجد خادمة للاخ انس اذا كفانا ضحكا وكفانا مخادعه لنفسك قبل الاخرين الموضوع الان بين يديك وطلع من ايدينا كادارة وقد التمسنا لك الاعذار ولم نرى التقدير لا لنا ولا لعملائك نهاية الكلام هذه اخر فرصة لك معنا هنا في الموقع لتعديل اوضاعك والتقيد بالمدة مع عملائك انتهى ساهر |
| الساعة الآن 05:30 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir