|
لنستفيد من بعض /كيف تمنع هروب خادمتك؟؟
الاخوه الاخوات هذا الموضوع منكم واليكم وكي نستفيد من خبرات وتجارب بعضنا نود ان تشاركون في هذا الموضوع وفق النقاط ادناه
1: ماهي الوسائل والاساليب والطرق والحلول لمنع هروب الخادمات؟؟؟ 2:كيف تهرب الخادمات ماهي اساليبهن في الهرب ومن يقف خلف هروبهن ويساعدهن؟؟ 3:هل هناك مكاتب استقدام معينه يتفقون مع الخادمه مقدما لكي تهرب؟؟ 4:هل الخادمه التي سبق لها العمل اكثر عرضه للهروب من التي لم يسبق لها العمل؟؟ |
موضوع مفيد
مشاركتي على السريع بكل بساطه احسن معاملتها ولا تعطيها جوال وامنع جلوسها مع بنات جنسها ولا تسمح لها باخراج القمامه الى الشارع |
نصيحة مني بحكم خبرتي خلال 9سنوات بمجال الاستقدام دائما العاملة المنزلية الي عمرها يزيد عن 38سنة الى 45سنة في هذا السن تحديدا نادرا ما تكون ناويه الهروب .
|
من خلال تجربتي وتجارب الي حولي ..
أنا لاحظت إنك لما تكرم الخادمه وتدلعها وتكون لين معاها بكذا << لو تقفل الأبواب راح تطلع مع الشباك ولما تكون رسمي معاها وشخصيتك قويه عليها مع الإحسان لها وإكرامها بكذا << تجلس عندك سنتين وزيادهـ ومافيه فرق الحين بإعتقادي بين الجديدة ولا الي سبق لها العمل << لأنهم يخربون بعض ( والإختلاط لابد منه ) والجوال هذا هو سبب المصاايب بس ماتقدر تسوي شئ لأنو الحين نادر تشوف وحده مامعها جوال .. وصعب تمنعها منه .. طبعا ً كلامي مجرد رأي وممكن اكون غلطانه فيه بس قلتلكم هذا الي لاحظته في كم بيت .. يعطيك العافيه |
الخادمه اذا كانت ناويه على هروب تسئل عن اسم الشارع واي مكان تقصد الحي ويكفي بس تعرف اسم شارع بعدين تتصل على بلدها بكثره والسبب في الاتصال؟يرتبون مع الشخص الي راح يستناها في الشارع الي عرفته واذا مررررره الاهل حريصين على الخادمه مايعطونها اي معلومات تسئل الاطفال او تقولهم اكتب اسم مدرسه حقك اذا صارت قريبه وتعرف مكانها او الادها والامر تشوف باب الشارع اذا طلعت مع المدام كم رقم البقاله ورقم الاشتراك وترسلها لبلدها وبعدين يقوم المهرب بالاتصال على البقاله ويقوله الخمير والفطير خصوصا اذا كانوا من بني جلدتهم طبعا صار لنا هروب لخادمتين بنفس الوقت وحده الليل والثانيه من بكره الصباح ودمتم بخير*
|
حقيقه الموضوع اكثر من رائع
الموضوع جيد ويتطلب من الجميع المشاركه والاطلاع عليه لاننا جميعا نعلم حجم كارثة هروب الخدم ومايصحبها من سرقات لبيت الكفيل وترك الاطفال لوحدهم وفي احد الايام في برنامج داؤد الشريان عن هروب الخدم سمعت ارقام خياليه عن هروب الاندنوسيات والاثيوبيات والكينيات والفلبينيات حقيقه اننا امام مشكله نحن من صنعها يجب ان نعلم عدة امور : الخادمه تركت اهلها وبلدها من اجل المال ومتى وجدت مال اكثر حتما ستتركك: السعوديين رجال ونساء دائما يحكمون على الامور بسرعه ومن ظاهرها فسرعان مايقولون خادمتنا ضعيفه ومسكينه استحاله تهرب: بعض السعوديين يمكنون الخدم من الهرب من خلال تسليمها جوال ((وسيلة الهروب الاولى)) ويتركون الباب فاتح ((وسيلة الهروب الثانيه)) ويرسلونها للبقاله((وسيلة الهرب الثالثه)) ويطلبون منها اخراج النفايات((وسيلة الهروب الرابعه)) ويخلونها تتكلم مع السائق حتى لو كان ماهو اندنوسي هندي مثلا احذرو ان تتكلم معه لانه راح يمكنها من الهروب ويشغلها عن طريق اصحابه
هذا بعض مالدي وياليت نخلص من هذه المشكله |
اقتباس:
صح صح صح جربت ها العمر وارتحت ... ناس جايه تشتغل بعضهن يهربن من سوء المعامله وبعضهن والله مافيها جميل لو تجلسها وتخدمها انت |
1- الانتباه للابواب
2- منع استخدامهم للجوالات 3- لاترسلها تقضي من البقالة او ترمي الزباله 4- قلل اختلاطها مع بنات جنسها قد ماتقدر وخصوصاا الهاربات امنعها من الاختلاط معاهم 5- المعالمة بـ احترام وبدون دلع زايد هذي باختصار طرق منع الخادمات من الهروب |
ماشافت من بنات جنسها احد
ماعندها جوال ماترمي زبالة ماتروح بقالة ابوابنا مقفلة بيتنا دور واحد فيلا والشبابيك عليها حديد نسمح لها تكلم من جوالاتنا على رقم امها نعاملها بتواضع ونكرمها نحولها رواتبها تقوم وقت ماتبي وتنام وقت ماتبي جبنالها الاكل اللي تحبوا و و و و هربت بعد خمس شهور واحنا بالبيت صاحيين وباب البيت ماقفله ولدي مع انه دائما مقفل الساعة 10 بالليل عمرها 25 تركت كل اغراضها وراحت بعبايتنا ودفتر عناوينها وفلوس عيدياتها |
اقتباس:
أتوقع الوضع ماناسبها ترى اهم مايحبون الي يكتم نفسهم يحبون يختلطون يغيرون جو وخصوصا ً إنها موكبيرة يعني خير الأمور أوسطها .. وبالأول والآخير كله بإرادة الله الله يعوض عليكم عوآفي |
أكيد ماناسبها تبي تختلط معاهم لكن ماشافت الميزات الثانية اللي عندنا
وانت تقولين خير الامور الوسط لو اختلطت والا عطيناها جوال خاص فيها وهربت بتقولين اكيد خربوها بنات جنسها والجوال ساعد اللي ناوية على الهرب وفي راسها شيء تبي تسويه من بلدها راح تهرب سواء مبسوط عند العائلة او مكتوم نفسها عندهم على فكرة بيت صديقتي عندها 3 شغالات ومعاهم جوالات وغرفتهم فيها تلفزيون ويروحون مع السواق يقضون مقاضي البيت وحده منهم هربت |
اقتباس:
وأنا معاك لو حاطه ببالها تهرب راح تهرب أنا قصدي انو الوحده تسوي الي عليها مع الشغاله وتكون حذره منها يعني لاتشد ولا ترخي .. يعني يأمنعها يأخليها تروح تشتري الأغراض مع السواق ..! مثلا ً أقفل عليها ماأرسل رواتبها أول بأول أحاول انها تقلل من المكالمات وأعوضها بشئ ثاني أطلعها أشتري لها هدايا ومن هالقبيل هذا قصدي عموما ً الله يعوضك بأحسن منها يآرب .. والسموحه لو تعليقي ضايقك .. |
| الساعة الآن 10:13 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir