خياطه اندنوسيه حاولت القتل وهربت
 

http://cdn.top4top.net/i_0397347cdb0.jpgاستقدمت خياطه اندنوسيه واتضح انها مي خياطه ولاتعرف شي بس جت عشان تبغى تدخل السعوديه لانه مافيه فيز غير خياطات المهم الخياطه تركتها بالبيت لين اتفاوض مع المكتب يشوف حل ويرجع لي فلوسي تفأجات الصباح انها هربت وكانت مجهزه سكينتين كبيره عند باب البيت شكلها قالت في حالة احد منعها من الهروب تستخدم السكاكين و تقتل وكانت موزعه دم بالبيت كله وبالحمامات الله يكرمكم وبالجدران وبكل مكان وكمان الجدار اثار بصمة رجولها بالسقف فوق وهالشي خوفنا كيف مشت بالمقلوب ووصلت رجولها لفوق المهم اخذت ملابس للاولاد وللمدام من الغسيل يعني تبغى الاثر تبعهم بتسحر وهربت كلمت الشرطه قالو طيب بس مالنا دخل بالسحر وهالامور شوف الهيئه الهيئه قالو غير مسؤلين عن هالشي وعن ملاحقتها بس اذا مسكوها الجوازات جيب لنا ملابسها وشنطتها بالعلم معاها جوال ومفتوح ماقفلته بامكانهم تحديد موقعها قلت لهم بيت كامل تسحره والا تسوي مصيبه فيهم من يفيدنا ونستنى لين الجوازات تمسكها وش الحل ابغى احد يفيدني ياخوان الله يكفيكم الشر انا ماعاد همني لاخسارتي ولاغيره همني الملابس والاثر اللي اخذتهم اكيد ببالها سحر مادام هربت بهالطريقه كان بامكانها تهرب بدون هالشي كله الباب كان مفتوح وكان بامكانها تخرج بكل سهوله الله يجزاكم خير اش الحل ??

حسبنا الله ونعم الوكيل
 

الله يحفظكم من كل شر اخوي تحصنوا وجيبوا لكم من هالرقاه الشرعيين يقرون ببيتكم كفاكم الله شرها شكلها اصلا ماطلعت من الباب بسم الله شكلها اختفت او ماشابه بمساعدة الجن اعوذ باالله واتمنى انك تنشر عنها بالاسم والصورة والموقع يمكن احد الاخوه تمر عليه انشرها بكل الوسائل وتوكل على الله وادعوا دائما ربك يبعد الشر عنكم واذا كنتم بسكن اجار وباستطاعتكم تغييره فالافضل واتمنى من الجميع هنا المشاركة لمن لديه علم او طريقه
وحسبنا الله اولا واخرا والله نعم الوكيل

انا اشوف ان آلِ اندونسيات وان كانوا شغيلات إلا ان عدد كبير منهم سحرات او تدور الحرام لذا فرحنا يوم قفل الاستقدام منهم بس في ناس مصرين عليهم الله يكفينا شرهم وخاصه بعد غلق الاستقدام منهم فتره مدري كيف ترجع نفوسهم ، هاتوا لكم راقي بالبيت والله يحميكم

الله يعوضك

لوكان فيه رادع قوي ما كان كل هالإجرام حسبي الله عليهن


بشري عسى لقيتوها

والله مالها اثر رفعت عليها قضيه بالمحكمه المستعجله وللحين المحكمه الكبرى تًودينا للجزئيه والجزئيه ترجعنا للكبرى
انا طالبت المحكمه بايقاف خدماتها بس لاحياة لمن تنادي العماله عارفين القوانين اكثر منا وعارفين انا محد يمنا لاكن الله يكفينا شرها يارب وحسبي الله ونعم الوكيل مكتب الترحيل رفض اخذ الجواز يقولون سلموه مكتب العمل ومكتب العمل يقولون سلموه الترحيل قرارات جديده وضعنا بالنص احنا قلت لو اخذو الجواز ممكن تتوقف فيه ويستدعونا على الاقل اذا انمسكت بس حسبي الله ونعم الوكيل في من حط هالانظمه والقرارات اللي تتخبط ولاتفيد المواطن نهائي

انتهت القضيه بالمحكمه رايح جاي بالاخير يقولي القاضي لما يمسكونها نصدر حكم قلت طيب صلح تعميم بمنعها من السفر قال لا ماعندنا قانون يخصهم امنعها من السفر قلت اذا الجوازات مسكتها بترحلها قال هذا اللي عندنا هذا بعد مارحت وجيت اكثر من 5 مرات بالاخير كلمت محامي قال حرام عليك فقيرات ومغتربات اتركها كذا والا كذا مارح تستفيد شي لامن المحكمه ولامن روحتك وجيتك واستخلفت الله في اللي دفعته واستودعت الله نفسي وعائلتي من سحرها وايذائها