|
المساعده في الاختيار من سيرلنكا حسب المتوفر
السلام عليكم ورحمة الله الحقيقه دخلت الموقع هذا وشفت العجب وعشان ماأطول عليكم. لأهل الرياض فقط عندنا سواق سيرلنكي مسلم الان له 21 سنه في الرياض وعمره 56 سنه وطباخه سيرلانكيه لها 17 سنه وعمرها 48 سنه اي احد يبغى نشوف له سواق ولا شغاله يرسل شروطه على الايميل وأنا أوصيهم يدورون لكن لو سمحتوا خلوا الشروط معقوله انتم تعرفون السيرلانكيين وش اطباعم وأشكالهم والشروط تكون معقوله مثل سبق وأشتغلت او لا او العمر او متزوجه ولا لا والديانه . شروط زي كذا . تكون بسيطه ومعقوله وبالنسبه للمبلغ ولا شي يندفع ولا حاجه . اذا توفر المطلوب انشالله بعد اسبوع ولا شهر ولا شهرين راح اتواصل مع اللي ارسل الشروط المطلوبه وأرسل له الصور وصور الجواز للي سبق لهم العمل. واين عملوا اذا كان في السعوديه او غيرها . يعني انشالله اساعدكم في هالشي وبعد كذا نشوف كيف تستقدم . اما اعطيكم عنوانها وتستقدمونها عن طريق مكتب تعرفونه وهو يتولي الباقي واذا وصلت وصارت كويسه او السواق كويس تعطون سواقنا او طباختنا 500 ريال هديه لهم. وحتى لو جوا واشتغلوا وطنقروا ولا شي ممكن تجيبونهم عندنا البيت في حي الغدير نخلي السواق ولا الطباخه يفركون اذنيهم ويفهمونهم مزبوط. او شوفوا عاد كيف الدبره. اهم شي مافيه فلوس ولا استقدام ولا شي . مهمتي ادور لكم عن طريق سواقنا وطباختنا . لأنهم جابوا عن طريقهم كذا شغاله وكذا سواق . مسلمين ومسيحين وعشان نعرف انهم صادقين ولا كذابين.. فيه ولد سواقنا يشتغل في شركه سياحيه في كولمبو لو بغينا نتأكد من هالشغاله ولا السواق انا اقدر اكلمه اخليه يروح لقريتهم يسأل ويشمشم الاخبار. اذا الشغاله متزوجه ولا لا ولا السواق يعرف يسوق سياره ولا لا . مثل هالأمور حبيت بس اساعد في الموضوع عقب ماشفت بعض الناس تدعي على بعض الاشخاص لعبوا عليهم وأي استفسار ولا شي ولا فيه احد بيروح هو وعياله لسيرلينكا اجازه ويبي مترجم مسلم ومرشد سياحي في نفس الوقت يقولي . فيه اللي بيخدمه هناك ولا يكلف شي وأنا حاضر على الايميل الموضح ادناه والسلام عليكم srihousemaid@gmail.com |
اخوي شوف الخاص
|
وين سيرلانكا كبيره وين يروح يشمشم
|
جزاك الله خير
|
أحاول أرسل لك خاص مامشا معي شكلك موقف الرسايل الخاصة؟أنا أبي مساعدتكم ومانامقصرين معكم
أنتظرك |
اقتباس:
اقتباس:
كانت مقفله الرسايل الخاصه توقعتكم بترسلون على الايميل srihousemaid@gmail.com لكن فتحنا الرسايل الخاصه عشانكم مؤقتا |
اقتباس:
هو ماراح يشمشم سيرلنكا كلها ههههههههههه انا اقصد اذا لقينا سواق ولا شغاله في نفس قريتهم ولا حولها ابرسله يشمشم الاخبار بس يشوف هي المعلومات صحيحه ولا لا ماراح يشمشم سيرلنكا كلها هههههههههههههههههههههههه الله يعطيك على قد نيتك ويسعدك والله ضحكت على تعليقك :d |
ياليت تراسلوني على الايميل srihousemaid@gmail.com اسرع وأقدر ارتب الطلبات حسب الايميليات وأساعد باللي اقدر عليه وراح ارسل ايميلات تذكيريه بس رجاء ارسال شروط معقوله مو مثل وحده الله يهديها مرسله ايميل اليوم الصبح تقول ( ابغاك تشوف لي شغاله سنعه ونظيفه ) وحاطه رقم جوال للمفاهمه يعني الله يهديها لاذكرت شروط ولا شي |
الله يوفقك
ان شاء الله باتصل بك قريب اذا جهزت الفيزا |
| الساعة الآن 10:56 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir