شكرا مكتب افاق
السلام عليكم ورحمة الله
انا قدمت عند الاخ عبدالله الحربي مكتب افاق للخدمات .. والحمدالله الخادمة وصلت امس ** المده بالنسبة لي كانت طويله لكن كثير يقولون احمدي ربك .. وفي البداية اشكر الاخ عبدالله على حسن تعامله ومصداقيته صراحه تعامل راقي ومحترم الله يكثر من امثاله ويعطيه على قد نيته ** طبعا قدمت قبل رمضان بيوومين بالضبط وكان عندي شرط اللغه الانجليزيه لكن للاسف كان صعب توفرها فاضطريت اتنازل عنه وتوقعت ان الخادمه ممكن توصل على عشره شوال بالكثير لكن للاسف تاشيرتنا طولت في السفاره السعوديه في اثيوبيا حول الشهر ومن كثر الضغط اللي كنت اعانيه صرت اسال ابي اتاكد فعلا ممكن يصير هالشي ونزلت موضوع بالمنتدى وزادني حييره وكنت راح اسحب التاشيره لكن الحمدالله تم كل شي على خيير.. طبعا الخادمة شكلها جدا مقبول وجه سمح وبشوشه مع انها سوداء البشره لكن الحمدالله فيها قبول يعني اللي يشوفها مايكش منها ميييييييح ماتعرف عربي او انجلش الله يعين بس .. لكن واضح انه عندها قابليه للتعلم لانها ع لخطوه تسالني .. طبعا انا اكلمها عربي وانجلش وبالاشاره والاخت ترطن لي اثيوبي ههههههههه الله يعين .. وبشووووشه مرره مع لصغار الله يسخرها لنا وييعطينا خيرها ويكفينا شرها ** وفي شغله ابي اقولها احتمال اتنازل عنها في المستقبل اذا رجعوا فتحوا الفلبين لان الخادمه السابقه قالت تبي ترجع وربي يشهد اني صادقه .. فاذا جيت اتنازل عنها في المستقبل لاتقولون ماعندكم غير هالعذر وغير كذا ماراح يكون سعر فلكي الله يوفق الجميع ويفرج لهم |
وين مكتب افاق وكم راتبها
|
في الرياض بالروضه ** مكتب افاق للخدمات
الاستقدام 4500 والراتب 600 |
العقبالنا والله ملينا من الانتظار
|
اقتباس:
امين وكل تاخيره وفيها خييره ان شاءالله |
عقياال ماا اكتب تجربتى وفرحتى بوصوول شغالتى
الله يطعمك خيرهاا ويكفيك شرهاا |
الله يعطيك خيرها ويكفيك شرها ان شاء الله ومبروك وصول خدامتك لكن عسى بس لايجي احد يسوي فيك مثل ماسوو فيني لما حطيت تجربتي ويقولون انك مكتب افاق لكن داخلة باسم ثاني تمدحين نفسك هذا رجل كفو ويستاهل كل خير وانسان صريح وانا اضم صوتي الى صوتك واقول انسان محترم ويستاهل كل خير واقول من لايشكر الناس لايشكر الله
الله يسهلها لك ان شاء الله |
انتي مامدحتي ياجواهر
انتي ماكان ناقص الا انك تشرعين شغالتك وتزفينها لنا بالمنتدى . عموما ترى راس مالها اثيوبيه اليوم عندك وباكر يابمنفوحه يا بأم الحمام . |
اقتباس:
الله يبارك لك فيها |
اقتباس:
والله اتوقع اخ متعب لو كنت عانيت من ضغوط العمل والبيت والعيال وغير كذا خساير واستغلال اللي ياجرون باليومي وصرت تدفع 250 على عشر ساعات في اليوم يعني 1750 بالاسبوع كان مو بس شرعت الشغاله وجبت لها فرقة حسبوو بعد الله المستعان والحمدالله ازمه وعدت والله يفرج للكل |
اقتباس:
|
اقتباس:
وبالتوفيق مرة ثانية |
الساعة الآن 10:08 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir