عاجل استفسار ضروري
 

السلام عليكم ورحمة الله وبركاته
انا اول مرة اكتب في المنتدى لاني لاحظت انو الأعضاء ماشاءالله متعاونين وانا طمعانة في مساعدتكم لانو هادي اول مشكلة تواجهنا من دا النوع وان شاءالله تساعدوني ويكون عندكم حل مناسب لمشكلتنا...
اول شي نحنا من السنة اللي فاتت شهر 10 بدانا الاجراءات لاستقدام سواق هندي وماكان في احد نطلع التاشيرة باسمه الا خالي وهوا رجال كبير فسوا وكالة لاخويا وسار هوا يروح ويجي ع الموضوع وطبعا صارت احداث وحوسة مالو داعي اذكرها المهم السواق جا شهر 2 صفر وجلس كم يوم وبس يبكي ومايبغى يجلس لانو يقول امه تعبانة وابويا قال خلاص خلوه يروح وربي يعوضكم بغيره ان شاءالله ومن يومها بدات المشاكل والمرمطة والحوسة لانو اول شي خروج نهائي وبعدين سار لازم نروح نطلع تاشيرة بديلة ولما اخويا راح قالو لازم خالي يجي واضطر خالي يروح وقالو لا لازم الرياض وسافر اخويا الرياض وقالو لاماينفع لازم خالي وخالي مايقدر يسافر وقالو شوفو معقب ولما شفنا المعقب جلس فترة يماطل ومايرد ودحين يقول خلاص خلصت الفترة حقت التاشيرة البديلة ولازم نعيد الاجراءات من اول وجديد ونحنا ماعندنا امكانية ندفع 7000 او 8000 لانو اول بالقوة دبرناها لانو مضطرين....
ملاحظة: التاشيرة طلعناها من مكتب وبقية الاجراءات من مكتب تاني
دحين ابغاكم تشورو عليا ايش اسوي في دي الحالة وهل صحيح لازم نعيد االاجراءات وندفع فلوس مرة تانية ولا في حلول تانية

وعليكم السلام ورحمة الله وبركاته

بصراحة لم افهم المشكلة بالضبط لكن الطريقة الصحيحة لاستقدام سائق
هي سداد 2000 ريال عن طريق احد البنوك عن طريق نظام سداد

الذهاب لمكتب ادارة شؤون الاستقدام لاستخراج التأشيرات
تعريف بالراتب
صورة من دفتر العائلة

هذا فقط كل شي
وبعد الحصول على التاشيرة تختار المكتب الذي يناسبك لاستقدام سائق او عاملة منزلية ليقوم باللازم


تحيتي

ايوا سددنا وطلعنا التاشيرة وجا السواق بعد شهور من المرمطة وجلس يومين ورجعناه المكتب ورحنا نبى نطلع تاشيرة بديلة ومرمطونا ودحين سؤالي هل ندفع 2000 مرة تانية ونطلع تاشيرة جديدة لانو التاشيرة القديمة لها اكتر من ثلاثة شهور ولا بنفس التاشسرة اللي اول نجيب سواق؟؟؟
لانو دفعنا اكتر من 8000 ومااتهنينا بالسواق يومين وراح..
حسبي الله ونعم الوكيل فيهم مرمطونا وبهدلونا

ياليت تكون فهمت عليا دحين وتقدر تساعدني

الله يسعدكم ياليت احد يساعدني ضروري