مكتب السيف
 

السلام عليكم ورحمة الله وبركاته:
اليوم وقعنا عقد مع مكتب السيف لاستقدام شغاله اندنوسية حسب الشروط والمدة اللي اعلن عنها في هذا المنتدى وواعدنا تجي خلال شهرين وان شاء الله انها تجي في الوقت المحدد وراح ان شاء الله ارفع هذا الموضوع اذا وصلت الشغالة . اما نمدح أو نحذر والله يستر ...

السلام عليكم
اخوي كم اخذ منك وهل هو مكتب ثقه لأنا مثلك نبي اندنوسية وفي اقل مده لاكن ما حصلت كل المكاتب تقول موقفين واللي مستقدمين لهم شهور ما جاتهم وهو يقول في شهرين غريب ..

ياخي رد جاتك الشغاله ولا اكلت بصل

الرجال توه مقدم الله يهديكم مايمداه تجيه الشغاله دعواتكم له وللمكتب بالتوفيق وان شاء الله تتسهل الامور

اسف على التأخير في الرد هو يقول في خلال شهرين واحنا تونا مقدمين لنا تقريبا 12 يوم بس ترى ما بعد جريناه ولا اعرف احد جربه لكن شفنا اعلانه في المنتدى وقلنا على بركة الله يعني لاحد يحملني مسؤليه وراح ان شاء الله اخبركم باللي يصير معنا

السلام عليكم :
ارفع لكم الموضوع كما وعدتكم لكن للأسف كنت اظن اني راح ارفع الموضوع عشان اخبركم بقدوم الشغالة لكن للأسف وقعنا العقد تاريخ 1432/4/17هـ واليوم 14320/7/19هـ وهو مواعدنا شهرين فقط الحين راح ثلاث شهور ودخلنا الشهر الرابع ولسى الشغاله ما بعد جات كل يوم وهو يتعذر بعذر واليوم يتعذر بالشغاله الي حكم عليها بالقصاص مدري هو جاد ولا يتصيد الاعذار الله يعين وقرب شهر رمضان وبتتعقد الامور والوقت ضاع علينا الله يسهل امرنا .....حبيت ارفع الموضوع مثل ما وعدتكم ورد على الاستفسارات الي تجيني على الخاص ....

ياللاسف الكذب صار شئ عادي وما يخاف منه المؤمنين ناسين قول حدثنا عبد الله بن نمير قال حدثنا الأعمش عن عبد الله بن مرة عن مسروق عن عبد الله بن عمرو قال : قال رسول الله صلى الله عليه وسلم : أربع من كن فيه فهو منافق خالص ، ومن كانت فيه خصلة منهن كانت فيه خصلة من نفاق حتى يدعها : إذا حدث كذب ، وإذا وعد أخلف ، وإذا عاهد غدر ، وإذا خاصم فجر .

مشكوره على الرد والله يعين ويجعلنا مخرج ويسهل امورنا يارب

...........