عمالة, خادمات, العمالة المنزلية

عمالة, خادمات, العمالة المنزلية (https://www.amalh.net/index.php)
-   العمالة المنزلية في الدمام (https://www.amalh.net/forumdisplay.php?f=12)
-   -   الاستقدام من البحرين (https://www.amalh.net/showthread.php?t=51980)

08-27-2012 12:26 PM

الاستقدام من البحرين
 
السلام عليكم ورحمة الله وبركاته

من يقدر يفيدني اقدر استقدم سيرلنكيه من البحرين

:rolleyes:

08-27-2012 10:48 PM

لازم تكون عندك جنسية عشان تقدمين

08-27-2012 10:52 PM

والله عجيب عندك بالسعوديه وتدورين بالبحرين نستقدم لك سيرلانكيه

08-27-2012 10:55 PM

الي يسمعته مولازم جنسيه لازم بطاقه سكانيه

او مدري ايش اسمها ابي اتاكد بس

افكر استاجر بلبحرين المبلغ الخرافي الي ياخذونه

مني المكاتب هينا عل سيرلنكيه

اروح اجر فيه كم شهر استانسس فيهم وجيب بعد خدامه

:rolleyes:

08-27-2012 11:04 PM

عندكم اسعار خرافيه

حسب ماسمعت وقريت

هناك ارخص والبحرين قريبه مومشكله

08-29-2012 02:16 AM

عقد ايجار
بعدين طلعي بطاقه سكانيه. او ورقه يسمونها إفاده

بعدها روحي وزارة العمل
ومعك اثبات الراتب والعقد والبطاقه السكانيه
وطلعي فيزا وقدمي او اشتري بعدها

08-29-2012 09:49 AM

- كان لي تجربة استقدام من الكويت بحكم انني مقيم هناك وانا مواطن سعودي
ولدي هوية وطنية من دولة الكويت ..
- قبل عام توجهت مع صديق لمكاتب الاستقدام بحولي وهناك أطلعت على cv أكثر من عاملة
مرفق بصورة شخصية لعدة جنسيات ..الخ
- أخترت نيبالية تجيد الأنجليزية وكتبت العقد بلحظتها وزودوني بصورة جواز الخادمة
لـ تقديمه لإدارة الهجرة والجوازت الكويتية ولم أدفع فلس واحد والله على ما اقول شهيد
- صورت البطاقة المدنية الكويتية ومررت محل طباعة لأطبع نموذج طلب استقدام
ودبست معها صورة جواز العاملة وعقد المكتب وقدمتها لـ موظفة بالهجرة والجوازات هناك
- طلبت مني الموظفة أحضار طابع بـ دينارين كويتيين (26) ريال سعودي
- الطوابع موجودة بكل قسم ودور على شكل مكاين البيبسي تضع الدراهم
وتطلع لك الطوابع حسب الفئة اللي تختارها
- رجعت وزودت الوظفة بالطابعين وقالت لي: أستريح
- بعد أقل من 5 دقائق نادوا اسمي وتوجهت لشباك واذا يسلمني الفيزا
- فتحت حلقي قلت لهم وشو ذا؟ وين أروح قالت الموظفة: خلاااص أرجع للمكتب
اللي وقعت معه العقد وعطهم التأشيرة عشان يجيبون لك الشغالة
من عندنا وافقنا وقضيت الله يسهل لك ..
_______

- راجعت العصر مكتب الاستقدام وسملتهم الفيزا قالوا لي ان شاء الله اسبوعين وتوصل
- قضوا الأسبوعين وراجعتهم وقلت: وين الوعد؟! أعتذروا لي وقالوا لي: اليوم الخميس ..
شغالتك تجي ع طيارة الاثنين القادم واذا ما جت بـ هالموعد راح نخضملك 10 دنانير
على كل يوم تأخير زين جذي يبه ..
- بصراحة سكت ومشيت
فجر الأثنين وصلت شغالتي وصباح الاثنين استلمتها بعد ما دقواعلي
وانا كنت نايم فراح مندوبهم واحضرها من المطار ..
- سلمتهم 360 دينار ما يعادل 4200ريال تقريبا وشكرتهم
____
المفارقة العجيبة بعد خمس شهور زرت اهلي بالرياض وسويت لشغالة
عن طريق منفذ الرقعي تأشيرة دخول 3 شهور وجلست اجازتي 28 يوم بالرياض
والاهل حبوا يجلسون عنداهلهم اكثر خصوصا انهم ما يعملون ولا يدرسون بالكويت
فـ خليتهم بذا وسافرت لـ عملي وبعد شهر تقريبا اجريت عملية (فتاق)
وبعد العملية بشهر جيت اخذ عيالي من عند أهلهم ويوم شيكت على مدة 3 شهور
ولا منتهية حوالي 12 يوم راجعت الجوازات الرياض قالوا لي انت مخالف
ولازم جلسة محاكمة واكتب معروض وتسذه وسويت اللي طلبوه مني
ويوم وصلت عند ضابط نقيب طلب مني اوقع على ورقة موافقة على الحكم
اللي ما بعد صدر ولا ادري وش هو ؟!
- ضحكت وقلت لهم: انا عندي عذر طبي وجايب معي تقارير مستشفى وتسذه .
- قال: وقع وما لك الا طيبة الخاطر ..ووقعت وكان يوم ربوع ..
- قال: لي تعال السبت عشان تاخذ الحكم ..
-قلت له: يا اللحية الغانمة انا سعودي اعمل بالكويت ووريته بطاقات العمل
وزرقت الويك اند لاجيب عيالي اذا فيه مجال اتخلص اوراقي اليوم
- ضحك وقال لي: الدعوى ما هي فوضى راح انشكل لجنة من 3 ضباط
لنظر في معروضك والمشفوعات اللي معه عشان نحكم بعدين < شوي ويعلن الحرب والجهاد
- قلت له: الشكوى لله خير ان شاء الله مع السلامة
- راجعتهم السبت وبعد دوخه رح لصادر تعال منا روح هناك لقينا المعاملة ..
- هاه بشر يا اللحية الغانمة قال صدر الحكم برفض معروضك ..
-قلت: له شلون يعني ..
قال/ لازم ترحل العاملة ويختم ع جوارزها 5 سنوات ممنوعة دخول السعودية
وانت تدفع غرامة عشر الاف ريال وهذي صورة من محضر الجلسة وقرار اللجنة
- قلت له: تمزح صح قال: لا بالله ما امزح واذا جواز العاملة معك
- رح به لجوازات الرياض وهناك يعلمونك وش اتسوي لاني كنت اراجع كل هذا عند ترحيل البطحا
- وراجعت هناك وفعلا ختموا على جوازها بمنع دخول 5سنوات
- ولكنهم ما طالبوني بـ العشر الاف رغم انها مكتوبة بمحضر اللجنة بالبند الثاني
- انا سكت وهم ما جابوا طاري واخذت خدامتي معي للكويت وحرمت اجيب احد معي!



بعد ماقريت هذي التجربه لواحد بمنتدى ثاني ومر فيها شخصيا غير منقوله يا ام مشاري شلت الموضوع من راسي ولاكنت افكر بجديه
اجر شقه انا وخواتي منها تغير جوو ومنها استقدام ارخص لنا واسرع .
بس خفت الواحد مايضمن ضروفه ولا اضمن ضروف البحرين نفسها ادخل البحرين كل 3 شهور

:(

08-29-2012 11:21 AM

المتي تنحل ازمتنا ويسمحون لينا باستقدام الاندنوسيات والفلبينيات. ملينا ورحنا ندور

08-29-2012 11:29 AM

خادمة سرلانكيه للتنازل . مضى عليها اكثر من ثلاثة اشهر. سبب التنازل انها تريد جوال* تلفزيون وانا رجل ملتزم ولاعندي هالامور. الخادمة موجوده في التسول لانها هاربة من كم يوم. الله يعلم انها كويسه معنا ومع الاطفال لاكن مدري وش جاها. وبعدين لازم تكلم اهلها على طول. كنت معطي اهلها رقم البيت يكلمون عليه اذا بغوها.

عالعموم انا ماخذها ب17 الف مع التأشيره من مكتب العرفج.

الي له رغبه يتصل عالجوال 0504992432

وشكراً

09-03-2012 11:38 AM

بوتركي الخدمه هاربة

من قالك انها تبغى تشتغل في بيت ثاني؟

يمكن تبغى تسافر!!

وبعدين صرفها اي مبلغ احسن مايقولون لك بعد 3 اسبيع سفرها عل حسابك ولا بنحط في البلاك لست
حسب معلوماتي الي مايسفر خدمته من تسول 3 اسبيع يمنع من الاستقدام تاكد من هالمعلومه.

وجزاك الله خير انك قلت انها هاربه عشان الي ياخذها يحط في باله هذا شي انها ممكن تهرب مر ثانيه

احسن ماينغش فيها

09-09-2012 08:31 AM

انا قدمت عن طريق البحرين فلبينيه من اربع شهور و بتوصل ان شا الله بعد اسبوعين

اذا نجحت التجربه راح افيدكم

09-09-2012 09:41 AM

والله ما يبيلهم الا كذا بلا بعد ثلاثه شهور محد حدنا الي هم درو الحين كم لها معي الشغاله بدخلها وتشتغل عندي والله ما حولها احد بس قصة هالرجال شكله باقي ع نياته ما شاف البلد كيف غاطسة من العماله الهاربه والسايبه والاستغلال
اقلها انا اذا جبتها بتكون في بيتي وما تكلفني ولا تعلني بالانتظار وخلي الدرعا ترعى


الساعة الآن 12:29 AM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir