|
شغالتي حامل
السلام عليكم ورحمة الله
استقدمت شغاله من اثيوبيا عن طريق وسيط وبعد انتظار سنه او اقل بشوي جتني الحمدلله اول شهر عدى يعني فيه حركات منها لكن كنت امشي وانبه اللي حصل اني رحت اسوي لها الفحص الطبي الشهر هذا اللي هو ثاني شهر وللاسف صارت حامل طبعا انصعقت وذكرت الله طبعا للمعلوميه هي غير متزوجه ولما استفسرت كيف تكون حامل وهي من جت عندي صيام الاثنين والخميس والايام البيض والصلاه من ياذن وهي رايحه قالت وانها تردد على السفاره اعتدى عليها شخصين وانها خايفه وماهي راعية خرابيط لانها. مشتغله سنتين بالسعوديه قبل وثلاث سنوات بالكويت لكن اللي حصل مو بارادتها وهي تقول يامدام استري علي انا خايفه ومسلمه واخاف الله اذا سفرتيني اخوي واهلي لو عرفوا بيذبحوني وانا لازم انزله سواء هنا او هناك انا الصراحه خفت ابتلش فيها والا يجيها نزيف والا تموت ولا ابي ارغمها على شي حرام ويعاقبني ربي ولا عندي احد استشيره فانتم وش رايكم وش الحل هل اكمل الشهر الثالث واسفرها على حسابها خروج نهائي هل الفيزا ماتروح علي والا لازم اسوي خروج نهائي قبل لاتكمل 3شهور الوسيط الحين مجبر يعوضني والا كيف اللي يقول على حسب الشروط انا ماحطيت هالشرط ببالي لكن وش اسوي نوروني الله ينور عليكم ويرزقنا وياكم شغالات هاديات مهديات طائعات مطيعات يارب ويسخر لنا ولكم ولكل مسلم حسبي الله على من سكر الفلبين واندونيسيا واجبرنا عليهم حاجه ثانيه وش رايكم اجيب من اثيوبيا والا اقلب الفيزا سيرلانكيه والا نيباليه |
نصيحتي اخلي مسؤليتك وسفريها بسرعة والجوازات تعوضك بفيزا مجانية قبل الثلاث شهور **الشغالة ماتضمنيها صراحة
انا مثلك جاتني ننيبالية وطلعت حامل من بلدها وسفرتها ع طول والحين انتظر الفلبين تفتح واقدم |
مافيها كلام طالبي الوسيط بالبديل....فيه ناس تعاطفي معهم يورطونك في مشاكل
الله اعلم عن حالها لكن انتي فكري بنفسك سنه انتظار وبعدها تجي حامل...الله المستعان |
مافيه حل الا انك تسفرينها .
عشان تخلين مسئوليتك . |
اقتباس:
حاولي تسألي أهل العلم في هذا الموضوع لا تقدمي على عمل يسئ اليك العمر كلة المصيبة وحصلت أستشيري أهل العلم في ذلك حتى لو كانت خادمة لكن مسلمة وقبل كذا أدمية بعد ذلك أستشيري خبراء الاستقدام |
| الساعة الآن 06:22 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir