|
تجربتي مع مكتب العرفج للاستقدام ........والله على مااقول شهيد $$$
السلام عليكم ورحمة الله
انا من اكثر من سنه تقريبا قررت اني استقدم سيلانيه المهم بعد بحث عن افضل المكاتب بالنت لقيتهم يمدحون العرفج فيه اللي يسب بس قليل المهم قلت لزوجي العرفج يمدحونه قالي مااعرفه قلت يمدحووووووونه مرره ...قال خلاص بتوكل على الله واروح لهم المهم قدمنا وقالو من شهر لشهرين بالكثير وطلبنا تكون مشتغله قبل وتكون بالكويت او لبنان ومايتعدى عمرها 30 سنه وبعد معاناة اربع شهور وزياااااده وطول انتظار جااااااااااات وليتها ماجات وردوا لنا فلوسنا كان احسن والله تخيلو عكس المواصفات اللي طلبناها جات مااشتغلت من قبل جديده والامر والادهى عجوووووووووووووووز عمرها بالجواز 45 وانا احلف بالله انها اكبر بكثيييييييييييير وغير كذا كم يوم وتصيييييييح صدري تعبان واكلم المكتب ويخلونها تكلم المترجم قالي هي تعبانه ودوها مستشفى وتبي تسافر وهم كلهم كذا اصبري شوي وببتتغير المهم جبت لها ادوية كحه قلت ونشوف وش اخرتها معها كلمتهم ..قالوا حسبي الله عليهم المكتب اللي بسريلانكا >>>>> مسويين فيها بريئين احنا مالنا ذنب الغلط غلطهم المهم قالو هاتيها ونجيب لك بديله قلت لااااااا بعد انتظر شهوووووور مستحيل قرررت اصبر عليها وامشي نفسي خصوصا اني بعتمد عليها في النظافه فقط مستحيل تمسك لي اكل او تمسك عيالي شكلها مقزز ولو اني لاحظت انها مدربه المهم اسبوعين بالضبط وتهرب انا انجنيت كيف تهرب وليش ا؟؟ نا ماامدح نفسي ادلللللع الشعالات دلللع مااقولها ليش نايمه والا ليش كذا والا مانظفتي والا ماسويتي توجيه بسيط فقط اللمهم مسكوها الشرطه وودوها مكتب الخادمات وقالت انا ابي اسافر بابا ومدام كويس ومالهم دخل وبعد فتره خلينها بمكتب شوون الخادمات عشان تتادب مانبي نسفرها على طول وبعد الشهرين تقريبا راح زوجي وقالها بوديك بيت ثاني رفضت تمااما تبي تسافر فااخذها ووداها لمكتب العرفج وقال هذي خدامتكم وسفروها وانا ابي فلوسي او البديله وخلاها عندهم وطلع تدرون وش صااااار ؟؟؟ خذوها وكفروا فيها بالطق وطردوها بالشارع شوي وتمر سيارة الشرطه وتاخذها لمكتب الخادمات وزوجي ماراجعهم على اساس سفروها وبعد فتره اتصلوا مكتب الشوون بزوجي وقالوا له السالفه واللي صار بالشغاله وهم نفسهم قالوا له حررررررررررررام مكتب مثل هذا مفروض يتسكر ادميه ويذبحونها طق ورفع زوجي شكوى عليهم لانه مرت 3 شهور ومالنا عوض وغير كذا باي حق يضربونها عجوز حسبي الله عليهم والا الان ماصار شي على الشكوى لكن ان ضاع حقنا بالدنيا ماراح يضيع بالاخره والله المنتقم ذو القوة العزيز الجبار فوق كل ظالم وحسبنا الله وهو نعم الوكيل |
صدقت والله يااختي المشكله تدرين في وين في الرقابه العامه لمثل هالاشكال المفروض تكون في رقابه عليهم وياليت كل واحد يتعرض للنصب والاحتيال يشتكي عليهم ونطالب بحقوقنا منهم حسبي الله عليهم انا مثلك عانيت مع مكتب زكي الخليفه اللي بسيهات مقدمه عليها من ثلاث شهور وثلاث اسابيع والى الان ماوصلت ورمضان عالابواب وانا مثلك محتاجه لخادمه تساعدني حسبي الله عليهم
|
عليكم السلام ورحمة الله وبركاته
اولآ / إذا في مشكله ألجي للإداره واعتقد ان في كلامك مبالغه خصوصا سالفه الضرب ياجماعه البديله مجانيه من المكاتب الخارجية مافيها خساره للمكتب عشان يخاف من البديله مو صحيح هالكلام عدلو معلوماتكم وارسل اسم صاحب المعامله بشوف موضوعه له حق وربي بياخذه ماله حق بقوله لك بنتظار ردك لـك يتسنى لي مساعدتكم |
لو سمحت اخوي اذا انت صادق مثل ماتقول انا نصب علي مكتب بسيهات ...... بسحب من عندهم المبلغ اليوم واقدم عند مكتبكم .... بس حابه اعرف التفاصيل بالاول عندك حاليا خادمه بتتنازل عنها قبل رمضان محتاجه لخادمه من اي جنسيه كانت .......واذا ماعندك بكم سعر الاستقدام عندكم من اندنوسيا واذا مافي اندنوسيا ...سيرلانكا .... انتظر ردك عاااااااجل
|
طيب اذا انا بالغت بسالفة الضرب وهذا اصلا كلام مكتب الشوون مو كلامنا
هل ابالغ بعد بسالفة الطرد ؟؟ وانكم ماسفرتوها وكيف مايكون لنا حق وهي هاربه ورافضه العمل وجايبها لكم وهي ماخلصت الثلاث شهور واذا انت صادق برسل لك الاسم عالخاص |
اقتباس:
اختي الكريمه في مكتبي مستحيل اظلم شخص او اجحده مهما كان لو اني نصاب ما تشوفين لنا اكثر من 25 سنة بالأستقدام والحمد لله سمعتنا ممتازه لكن ممكن تحصل أخطاء وارده وليس جحد حقوق الناس إذا لي القدره اجحد الناس مالي القدره ان اجحد عقاب الله فانا اقول وليست شعارا او إعلان انما صادق ويعلم الله على ما اقول إذا كان لهذه الأنسان حق وقسم بالله تأخذه بس أتأكد من الموضوع . تحيتي |
اقتباس:
حيآك الله اختي ومن ناحية المصداقيه ولله الحمد ما ازكي نفسي الي تعامل معي بطريق صحيح يعرب مصداقيتي وعملائي لهم اكثر من خمسه وعشرين سنه يعرفون المكتب وبإمكانك تجي بنفسك وتشوف ... اما من ناحية الأستقدام من سريلانكا تكلفك 14500 وتأخر إلى فترة 7 شهور واكون واضح معك فترتي بالعقد سبعه شهور وإذا جت قبل الفتره خير على خير وإذا تأخرت إلى سبعه فهذا عقدي معك تحياتي واحترامي |
لو بحثتي يا اختي عن هذا المكتب ستجدين ما لايسر
وايضا في هذا المنتدى شكاوى عليهم تطلبين خادمه بمواصفات معينه يجيب لك العكس وانا قلت هذا سابقا كيف عجوز تخدم غيرها وبعد يضربونها هي ماجابها الا الحاجه ولكن اللوم عليهم ليش متخصصين بالعجايز والمريضات يبون يمرضون الى يستقدمون منهم ويسيئون لحالهم اولا واخيرا |
غريبه مكتب مثل العرفج له سمعته الكويسه بس ان شالله ماراح يضيع حق وراه مطالب
|
السلام عليكم
بالصدفة وقعت على هذا الموضوع اثناء بحثي في قوقل ووجدت ان من النصح للآخرين ان اشارك تجربتي مع مكتب العرفج سيئة للغاية تقدمت بطلب استقدام خادمة سيلانية واستقدم لي خادمة مريضة كبيرة في السن وعندما واصلته لينظر في المسأله بدأ يتهرب ويحثني لتدبير الامر بنفسي وان اسفرها بعذر رافضة للعمل وبعد معاناه طويله بين المستشفيات اصرت الخادمه على العوده الى بلدها فسفرتها على حسابي وما كان من مكتب العرفج الا ان يقدم طلب استقدام بديله.. يعطيني الوعود ويماطل ويتهرب ثم يتوارى لا بد ان تمر الاسابيع لا يرد على المكالمات ولا يتواجد في المكتب وان وجد في المكتب اوصى موظفيه ان يعتذرو له بعدم وجوده مأساه امتدت لقريب من السنه واقسمت بعدها ان لا اتعامل معه ولا انصح احدا ان يتعامل معه ودمتم بخير |
شكرا لكم على نصحكم كنت ناوي اطلع للمكتب بعد التراويح
لكن بعد كلام الاخت صاحبة الموضوع. والاخ المعتصم اخر رد وهو بتاريخ قريب شلت فكرة الاستقدام من عندهم |
يادافع البلاء
|
| الساعة الآن 12:07 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir